رابطة مالكي وعشاق التمبرا (الجزء الخامس)

**الحاج سيد** · 26-10-2013 11:37 PM

المشاركة الأصلية كتبت بواسطة sherif 2004

[size="7"][/sizeالسلام عليكم
يا رجال التمبرا
محتاج ضرورى أشترى عربية تمبرا حالة ممتازة
ومكيفة
لو حد ممكن يساعدنى وبدلنى على عربية
يبقى ألف شكر

بصراحه روح الهي يرزقكك بعربيه زي اللي اشترتها من شهر بس لازم تاخد معاك عفشجي ويكون شاطر ويخاف ربه اوعي تشتري منك لنفسك بصراحه اشترولي تمبرا باشه شامله كامله من كله 94 وكل حاجه فها شغاله.....وحذاري تشتري لواحك هتخسر كتير والناس النهارده الضمير ميت يكون معيوبه ويحلف..نفسي يعرفوا ان الدنيا زائله ولو مليون هيروح ويتصرف الكلمه الصادقه هي الباقيه والرابحه

**الحاج سيد** · 26-10-2013 11:47 PM

المشاركة الأصلية كتبت بواسطة hotbird2271980

إيه يا جماعة هى الرابطة ماتت ولا إيه .. الرابطة دى كانت أقوى رابطة فى الفيات .. لازم نرجع نقويها من جديد لأننا كلنا بنستفيد من خلالها ..أنا عندى مشكلة بقالها أكتر من شهر لحد دلوقتى و مش لاقيلها حل .. أنا عندى تمبرا موديل 1994 هاف إنجيكشن فيها مشكلة انها و انا ماشى ممكن فجأة تنتش مرة واحدة و بعدين تمشى عادى .. و ممكن تنتش و تبطل و ارجع ادورها تانى .. و ممكن تبطل و هى ماشية و بردو ارجع ادورها تانى .. الكلام ده ممكن يحصل مرتين أو تلات مرات فى المشوار .. و لما بسخن العربية كويس قبل ما اتحرك الموضوع ده بيقل لكن بردو موجود .. يا ترى إيه ممكن يكون السبب .. أرجو الإفادة للأهمية القصوى .. و لكم جزيل الشكر .. أخوكم محمد سيد 01009912415 .

فيه يا باشا جزء بين الكاربير وصاج العربيه تحت البرابريز أو الأدق جزة بينفك من الكرابيرتير وفيها ابره صغيره بسسته علي شكل ياي ممكن يكون الميكانيكي بتاعك حله وشاله لانك كنت اشتكيتله بارتفاع صوت العربيه فالسرنسيه اسأل الميكانيكي ولو كده يعيد تركيبه تاني

**الحاج سيد** · 28-10-2013 10:21 PM

أنا من ميت غمر دقهليه...وعايز طلبات للعربيه...ولازم تردوا علي يا تمبراويه...أولا عايز طفايه تبلوه اللي هيه فوق فتحت التسجيل...طفايه النصف اللي هيه فالخلف اللي بين الكرسيين ....جوانات للأشارتين الاماميتين ....لأني كيف عندي تكسير الاشارات الأماميه ووشاش الفوانيس الخلفيه...واظاهر حد دعي عليه وادعولي يا تمبراويه....لآن البال مشغول شويه...وهايب العربيه

**الحاج سيد** · 06-12-2013 09:51 PM

تحيه خاصه لكل راكب تمبرا ...أنها الفيات التي عمرت مصر والوحيده الفيات التي اثبتت حسن تعاملها مع الطرق المصريه

**hemaking3000** · 07-12-2013 11:07 AM

مطلوب تمبرا حالة جيدة يا جماعة يا ريت اللى عايز يبيع انا جاهز
شرط حالة جيدة

**dr.amrsalim** · 19-12-2013 04:31 PM

السلام عليكم

عندى مشكله فى التمبرا من كام يوم بدات تنتش وانا ماشى ومش راضيه تاخد بنزين وبتبطل لوحدها على اى سرعه

ولمبة البطاريه بتتنور وتطفى و الر بى ام الاقيه نزل مره واحده ويرفع تانى

رحت لميكانيكى قالى ننظف الكاربيراتير بس فضلت نفس المشكله

رحت لواحد تانى برده نظف الكاربيراتير وظبطه و قالى الدينامو بايظ اشترينا واحد تانى

النور بتاع البطاريه مبقاش يقيد

بس فضلت مشكله ان الصبح بتفضل العربيه تنتش وتبطل اول ما بمشى رغم انى بسخنها كويس

ولو اجو ساقعه اوى تفضل تنتش وتبطل وبعد ما امشى بيها نص ساعه كده تبقى العربيه تمام

مش عارف ايه الحل

ارجو المساعده وشكرا

**احمد مغاوري** · 25-12-2013 11:18 PM

ممكن تروح لواحد بتاع كربراتير في الشارع اللي ورا قسم الوايلي بس تروحلو بدري بالنهار علشان تلحق تخلص علي المغرب لانه بيبقي زحمه انا عملت عنده الكربراتير بتاع عربيتي وبقي تمام زي الفل ماشاء الله

**abosharbat** · 01-01-2014 03:18 PM

السلام عليكم
انا بافكر اشترى التمبرا
وعاوز اخذ رائيكم بما انكم من ملاكها
ما هى ابرز عيوبها ومميزاتها وسعرها تقريبا كام دلوقتى
ولو فى حد عندوا عربية عاوز يبيع هتكون فى حدود كام

لانى بصراحة بافضل بينها وبين الاكسيل

والف شكرا لتعبكم

**modda** · 01-01-2014 10:36 PM

بص يا سيدي abosharbat العربيه التمبرا انا شاريها بقالي سنة تقريبا بجد هي عربيه جميلة بس الشائع عنها انها حرارتها عاليه بس دا مش صحيح لان العربيه دي بتشتغل علي ترموستات بسرعتين متدرجتين حسب ما تجيبه يعني مثلا السرعه الاولي تشتغل علي حرارة 80 و السرعة الاعلي تشتغل علي 90 مثلا و الحرارة العاديه للعربيه من الكتالوج هي 92 لكن في ناس عازينها تكون 60 او 70 او 80 و دا مش صحيح المهم العربيه كويسه مفيهاش غير العيوب اللي هتلاقيها في اي عربيه مستعمله زي مثلا القطع المستهلكه هتبتدي تظهر بعد فتره من الشراء مطولش عليك العربيه كويسه و انا لو رجعت اشتري تاني هشتري التمبرا بس بشرط انك تلاقي عربيه حالتها كويسه و مش متهانه ولا ملعوب فيها من حد غبي و لو ملقتش متشتريش
مميزاتها اولا واسعه جدا
ثانيا مريحه في سواقتها
ثالثا فيها كماليات مش هتلاقيها في العربيات اللي في نفس سعرها زي تكييف باور سنتر زجاج كهرباء و تكييف تاتش
رابعا قطع غيرها متوفره جدا (طبعا غير زمان)
خامسا الاستبل بتاعها كويس
سادسا شكلها حلو علي قد فلوسها يعني مبتكسفش منها رغم انها موديل قديم لما بكون مع حد راكب موديل جديد لانها مختلفه عن الشاهين - و الشاهين شكلها تقليدي قوي
عيوبها انك لازم تصلحها عند حد يكون بيفهم فيها مش اي حد علشان الكلام اللي بنسمع عنه اللي بيغير لانجكشن و اللي بيغير لكربراتير و اللي بيلغي مشط الكهرباء الخ
اما سعرها بالنسبه للعربيه الكويسه من 30 الي 37 حسب العربيه و موديلها

**modda** · 01-01-2014 11:00 PM

بالنسبة لموضوع التنتيش دا انا مليش فيه خبره غير مرة واحده حصلت معايا و كان السبب ان السلانسيه كان مش متظبط و كانت العربيه بتبطل لما اشيل رجلي من علي البنزين عموما انا هوصفلك واحد هو غالي حبتين بس بصراحة استاذ لانه كان شغله في التوكيل بتاع فيات و كان بيشتغل في التمبرا مترحلوش غير لما يكون امر مستعصي عليك اسمه اشرف و مكانه في امبابه عند مطعم اسمه البرنس معروف جدا هناك هو في الشارع اللي بعد الشارعالموازي ليه يعني بعديه بشارعين في طهر المدرسه اللي هناك بيفتح بعد 5 مساء لانه شغال دلوقتي في توكيل فورد