رابطة مالكي وعشاق التمبرا (الجزء الخامس)

**heshamzaky** · 05-06-2011 12:58 AM

مساء الفل يا رجالة أزيكم جميعا بقرأ المشاركات و معاكو

**sohagy** · 05-06-2011 12:59 AM

المشاركة الأصلية كتبت بواسطة juventus

مفيش حد ركب فلتر سبور غير الاستاذ حسني بس باقي الاعضاء عندهم الفلتر العادي ابو 25 او 30 جنيه
وسام بيتريق على العربية هههههههههههههههه

ممممممممم .. انا اللي فهمت غلط .. طيب يا ريت الاستاذ حسني يقولنا التفاصييييييل ...
هو فين رمي الكلمتين اللي في المشاركة ومشي ..
يا استاذ حسني التفاصيييييييييييييل من فضلك .. ولو بالصور يبقي تمام اوي

**heshamzaky** · 05-06-2011 01:00 AM

المشاركة الأصلية كتبت بواسطة juventus

اللي يعرف الموضوع ده فاروق لان الحاجة بتكون مفكوكة قدامه و ياما شافها طبعا
كلمه و قله ان عندك استشارة فنية ههههههههههههههههه
او استنى الاستاذ هشام ممكن تلاقي عنده صور

القنطرة الامامية ملهاش أى حاجة كاوتش دى عبارة عن حتت بار حديد ابن لذينة تقيل شوية و جامد جدا و راكب فوقة علبة الدريكسيون حا اشوفلك صورة أعتقد عندى بس مش واضحة قوى

**heshamzaky** · 05-06-2011 01:03 AM

المشاركة الأصلية كتبت بواسطة sohagy

ايه ده .. واضح ان الفلتر ده معروف لباقي الأعضاء وعندهم في عربياتهم .. طيب ما حد يقولنا ويفهمنا ( نوع الفلتر - مكان تركيبه - اهميته - السعر - مكان الشراء )

هو عبارة عن فلتر لة شكل مخروطى و كل الفايدة بتاعتة أنة بيعمل صوت لما بتقرص على العربية شوية . عيوبة بيدخل هواء زيادة للكاربراتير
الصيانة بتاعتة لو النوع الاصلى لة زى سائل كدة بتنظف بية الفلتر كل فترة سعرة ممكن 120 جنية و أنواع أخرى ممكن توصل 400 جنية

**HOSSNY** · 05-06-2011 01:05 AM

المشاركة الأصلية كتبت بواسطة juventus

تمام يا باشا
لو تقدر تصور صورة و هو راكب يبقى حلو اوي
و مبروك عليك مرة تانية

ربنا يبارك فيك ياباشا وبأذن الله اصوره راكب

**heshamzaky** · 05-06-2011 01:10 AM

خد الفيديو دة تصبيرة لغاية ما اقولك حا تركبة أزاى
[youtube]http://www.youtube.com/watch?v=5jkvBE8FoOo&feature=related[/youtube]

**HOSSNY** · 05-06-2011 01:10 AM

المشاركة الأصلية كتبت بواسطة sohagy

ازيك يا باشا أنا كتبت شكر ليك .. يظهر انك ما شفتوش وده نصه
السلام عليكم .. يا رب يكون الجميع بخير
من كام يوم كان عداد السرعة عندي توقف تماما( عدادات ديجتال) .. والعضو العزيز الاستاذ حسني نصحني اني اطلع الفيشة وأنضفها اللي في الفتيس جنب الموتور يمين وبالفعل طلعتها ونضفتها والعداد اشتغل والحمد لله ..
شكرا استاذ حسني
في الصفحة دي
http://www.nilemotors.net/nile/22035...post3873532591

انت شوقت الواحد لموضوع الفلتر ده .. الرجاء توضيح اكتر ( نوع الفلتر - مكان تركيبه - اهميته - السعر - مكان الشراء )
انا فلتر الهواء عندي راكب في العمة اللي فوق الموتور .. هل الفلتر اللي انت جيبته بيركب في نفس المكان ..

ياباشا لا شكر على واجب احنا كلنا اخوات واى مشكله معاك فى الديجتال كلمنى على طول اصل اخوك اطحنت معاه لدرجه انى انا اللى بصلحه لنفسى دلوقتى بعد ما زهقت من الصنايعيه

اما بخصوص الفلتر انا اشتريته ب 180 جنيه مستعمل كان واحد عامل اعلانه على الموقع واشتريه هو اصلى امريكى والجديد منه بالماسوره بيعمل 430 جنيه وعشان تركبه هتشيل العمه البلاستيك وتشترى عمه حديد بتاعه الكربراتير وبيركب عليها اما الاداء صوت روعه وكفاءه مالهاش حل والله

**heshamzaky** · 05-06-2011 01:10 AM

و دة كمان
[youtube]http://www.youtube.com/watch?v=MAt8aAGIw6I&NR=1[/youtube]

**heshamzaky** · 05-06-2011 01:13 AM

جاليليو كان مركبة عندة على فكرة قبل كدة

**HOSSNY** · 05-06-2011 01:17 AM

المشاركة الأصلية كتبت بواسطة sohagy

ايه ده .. واضح ان الفلتر ده معروف لباقي الأعضاء وعندهم في عربياتهم .. طيب ما حد يقولنا ويفهمنا ( نوع الفلتر - مكان تركيبه - اهميته - السعر - مكان الشراء )

الفلتر نوعه k&n امريكى بيركب على عمه الهواء مكان فلتر الهواء بس بتشيل العمه البلاستيك وتجيب العمه الحديد وتركبه عليها اهميته بدون مبالغه بيزود الاحصنه بتاعت الماتور ومن الموقع انه بيزود الماتور فى حدود 12 حصان وبيعطى صوت رياضى فى الشد زى المواتير الرياضيه كده مكان الشراء انا شاريه مستعمل من الموقع لكن لو عايزه جديده دور عند بتوع الكماليات المحترمين مش بتوع الاستيكرات سعره من غير ماسوره 350 واحنا مش بنحتاج الماسوره