سلام عليكم جميعا
وكل عام وانتم بخير
وطبعا رمضان كريم
متشكر جدا زلباني باشا علي ردك وتعقيبك ياباشا
بالنسبة لموضوع الباور ممكن توصفلي الورشه ياباشا
ولو معاك رقم التليفون ولا حاجه يبقي الف شكر ياباشا
وبردو لو تعرف رنج التكلف مش لازم بالظبط يعني عشان ابقي عامل حسابي بس
ومرة تانيه متشكر جدا ياباشا
كل عام وأنتم بخير جميعا الورشه في المعادي صقر قريش اول ما تنزل من كوبري المنيب اول فتحه على اليمين هاتعدي التقاطع هاتلاقي ورشة الباور على يمينك اسمه دياب واسعاره كويسه جدا بس ما اعرفش هاتكلفك كام بصراحة
سلام عليكم جميعا
وكل عام وانتم بخير
وطبعا رمضان كريم
وبردو لو تعرف رنج التكلف مش لازم بالظبط يعني عشان ابقي عامل حسابي بس
ومرة تانيه متشكر جدا ياباشا
بص يا باشا علشان تقلب العربية الى باور حا تحتاج مشتروات بحوالى 750 جنية على الاقل
طرمبة باور ب 250 جنية و علبة دريكسيون باور ب 300 جنية و خزنة زيت باور بالخرطومين بتوعها بحوالى 120 جنية
و لازم حا تغير العمود الى راكب داخل العربية من الطارة الى علبة الدريكسيون لان العلبة العادية المشرشر بتاعها غير المشرشر بتاع علبة الباور
و عاوز 3 علب زيت باور قول ب 30 جنية
و مصنعية مش أقل من 150 جنية تقريبا
اللهم انك تعلم سري و علانيتي فاقبل معذرتي و تعلم حاجتي فأعطني سؤالي و تعلم ما في نفسي فاغفر لي ذنوبي،اللهم إني أسالك إيمانا يباشر قلبي و يقينا صادقا حتي اعلم انه لن يصيبني إلا ما كتبته علي و الرضا بما قسمته لي يا ذا الجلال و الإكرام
كل سنة و انتم طيبين جميعا و بخير و صحة و رضي من ربنا رمضان كريم
كل سنة وحضرتك طيب يا استاذ اسامة ورمضان كريم .
اللهم انك تعلم سري و علانيتي فاقبل معذرتي و تعلم حاجتي فأعطني سؤالي و تعلم ما في نفسي فاغفر لي ذنوبي،اللهم إني أسالك إيمانا يباشر قلبي و يقينا صادقا حتي اعلم انه لن يصيبني إلا ما كتبته علي و الرضا بما قسمته لي يا ذا الجلال و الإكرام
مساء الفل يا كل التمبراوية
وكل هام وانتم بخير بمناسبة شهر رمضان الكريم
الاول اقولكم ان عندى كذا مشكلة وعاوز اخد رايكم فيم
1- العبية سخنة جامد فجاءه رغم انى كنت مزوده مياة وكمان المروحة شغالة كويس فرحت للكهربائى قالى انها واخدة هوا وفتح الفربة وزود مياة وفتححاجة فى الرادياتير وخرج مياة لحد ما السخونه راحت وبعدين مشيت يوم كويس وعملتها تانى راح عامل زى المرة الاولى وقالى لازم تجيب فربة مياة جديدة لان قرابة المياة هى اللى بتعمل العيب دهوانا كنت عاوز اعرف الكلام ده صح وان كان صح اجيب الفربه جديدة ولا استيراد وهتبقى بكام
2- العفشةكانت مش مظبوطه رحت لاولاد همام فى البحر الاعظم قلى هات مساعدين امامى جداد وطبط العربية وكانت كويسة بعد مرور شهرين العربية وطيت جامد لدرجة ان الشكمان كان بيجك فى كل مطب رحت لواحد تانى راح مركب عاليات قدام وورا وبعدين العبية مشيت يومين بس كويسه وبد كده سمعت اصوات كتير فى العفشه رحت رايح لاولاد امام تانى قالى ان الراحل اللى ركب العايات بوظ المساعدين وانى لازم اجيب مساعدين امامى وسوست امامى جديدة علشان يعمل العفشة كويس
افيدونى فى هذا الموضوع وياريت لوحد عارف انواع المساعدين والسوست واسعارهمعلشان اجيب حاجة كويسة وارتاح من المشاوير والتصليح شوية
معلش يا جماعه انا تقلت عليكم شويه بس علشان استفيد من خبراتكم
وكل عام وانتم بخير مرة تانيه
مساء الفل يا باشا و كل عام و أنت بخير
بص السوست ممكن تشتريها استيراد مش لازم جديدة سعرهم فى العزبة حوالى 120 جنية جداد ب 350 جنية
المساعدين جدا ما تجيبش مستعمل من 430 الى 600 جنية حسب النوع
لو عاوز سوست مستعملة فية سوست 6 لفات بس أنسى أنك تعرف تجيبهم بسهولة عاوزة وش ووجع دماغ مع بتوع العزبة المتاح السوست ال 5 لفة و ممكن تجيبهم بسهولة نسبيا
فية مساعدين ماركة dap الموجود خلفى ب 340 جنية تقريبا و الامامى الراجل قالى حا يجيب منهم بس معرفش جاب و لا لآ المحل دة فى شارع دمشق
النوع دة كويس على فكرة
رمضان كريم و كل عام و انتم بخير
و دايما كدة يا رب كلنا بخير و صحة و ربنا يعيد الايام بخير
و تحياتي للجميع
الله اكرم يا استاذ احمد
ورمضان سعيد ان شاء الله علينا كلنا هذا العام .وعلى المسلمين اجمعين ان شاء الله
اللهم انك تعلم سري و علانيتي فاقبل معذرتي و تعلم حاجتي فأعطني سؤالي و تعلم ما في نفسي فاغفر لي ذنوبي،اللهم إني أسالك إيمانا يباشر قلبي و يقينا صادقا حتي اعلم انه لن يصيبني إلا ما كتبته علي و الرضا بما قسمته لي يا ذا الجلال و الإكرام
المفضلات