الموضوع: رابطة مالكي وعشاق التمبرا (الجزء الخامس)

بص يا معلم سوهاجي
اللي انت كاتبه ده ولا حاجه
ده انا عربيتي كل يوم بتموت ونحييها
سيبك انت
التلاجه الحلوه ... ما تتعوضش
الجيب كنت بفولها مرتين في اليوم
مفتحتش بوقها
التمبرا اينعم حلوه
بس مقارنه بعربيه زي الجيب مثلا
تعتبر خلاط

المشاركة الأصلية كتبت بواسطة sohagy

السلام عليكم ورحمة الله وبركاته
كل عام وجميع اعضاء الرابطة بخير وصحة وسعادة .. وربنا يديم المحبة
معلش انا بهنيكم متأخر بس لأني كنت مسافر ومعرفتش ادخل الفترة اللي فاتت ..

علي فكرة انا حبيت اعمل اختبار قاسي للعربية .. وهو عبارة عن اجتياز مسافة 600 كم بدون توقف ( ما عدا 10 دقائق لان ضهري تعبني ) وبسرعة ما بين 100 - 140 ، ,اليكم النتائج
1- العربية ثبات متناهي ( حمولة العربية 340كجم بالسائق ) لكن لاحظت في نهاية الرحلة انه في حدفة يمين ( بس ممكن ده يكون ضبط زوايا لاني ركبت جنوط استيراد )
2- توفير ممتاز في البنزين حيث تم استهلاك 42 لتر فقط ( امسكوا الخشب ) يعني 14.5 كم في اللتر
3- الحرارة معظم الرحلة 80 ولم تتجاوز ال 90 ابدا .. علي الرغم ان آخر ساعتين كان الحر بدأ يشد علي طريق اسيوط سوهاج الصحراوي من 9.30 - 11.30
4- الرحلة استغرقت 5 ساعات و 20 دقيقة تقريبا
5- بعد الوصول قربة المياه ناقصة ( بالنظر كدة ربع لتر او اكتر شوية ) والموضوع ده معايا من زمان ولما سأت الميكانيكي قلي عادي الدنيا حر ( بس انا مش مقتنع )
6- اني وصلت واللي معايا بسلام والعربية معملتش اي حركة قلة .. وحبي للعربية بدأ يزيد
كل سنة وانتم طيبين والامة العربية والاسلامية والانسانية كلها .

حمد الله على السلامة و قول ما شاء الله الله أكبر كدة كويس جدا جدا
نقص المياة ممكن تسريب بسيط جدا جدا و ممكن لو مسافر فى عز الظهر تعمل كدة دة بخر مياة من الحر