الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة sohagy

للأخ اللي بيسأل علي سبب تعليق عداد السرعة .. زي ما قالك استاذ احمد فيه فيشة علي جسم الفتيس ( يعني الموتور يكون قصادك هتلاقيها اسفل يمين الماتور ) فك الفيشة بالراحة ونضفها كويس وليكن بشوية بنزين وركبها وهتلاقي الأمور بقت زي الفل .. الموضوع ده انا نفذته باستشارة من الاستاذ حسني .. وكانت النتيجة ان العداد اشتغل تمام بعد ما كان بيعلق وإن شاء الله العدادات الديجتال ما فيهاش مشكلة

حدش معاه صور للحوار دا عشان انا مليش فى الميكانيكا وخايف اجرب

المشاركة الأصلية كتبت بواسطة juventus

مساء الفل يا رجاله
انتو نزلتو لبعض مبارزة بالسيف و لا ايه هههههههههههههههههههههه
المعلم تيفا حبيب قلبي انا اللي خلاني حطيت شريط الليدات اني كل ما اغير اللمض متكملش شهر و الاقي اتنين منهم محروقين عشان كده غيرت رايي و قلت اجرب الليدات و التجربه ناجحه الحمد لله بس كده
الحاجة التانية اللي عايز اقولهالك اننا لو اعتبرنا ان فيه عيب صناعه في العدادات فدي مش مشكله ابدا في رايي انت احسن من كتييييييييييييييير غيرك و احسن ما يكون عند عيب صناعه في حاجة اكبر و خد لفه في المنتدى و شوف و ساعتها هتحمد ربنا
اقولك انا بقا انت موضوع العدادات ده مزعلك اوي ليه
بص يا معلم كل واحد مننا ليه اهتمامات و اهواء معينه في العربية عن حاجات تانية فيها و الحاجات دي لازم تكون متظبطه على الاخر تمام
انا مثلا اللي يخنقني ان التكييف ميكونش شغال في الحر الاستاذ هشام مثلا يحب ان العربية يبقا ثباتها و سحبها تمام التمام ههههههههههه انت بقا بتحب الانوار و الشكليات و الدندشه و العداد يبقى منور كده و محلو و فيه كذا لون ههههههه فهمتني يا باشا عشان كده بتتخنق اوي انت من قصه العدادات دي

دى حقيقه فعلا .......كل واحد وليه اهتمام انا فعلا بحب افرك فرك السنين فى الالكترونيات عموما

المشاركة الأصلية كتبت بواسطة heshamzaky

بالظبط كدة
مش كفاية اللمبة الى عملهالى بتاع كنترول المرايات اتحرقت
يغيرها كمان بالمرة و يجيب معاة لمبة هو انا حا اشترى لمبة و لا اية
تيفا موجود يجيب لمبة من الى عندة
أمال اية هو كدة ههههههههههههههههه

المشاركة الأصلية كتبت بواسطة heshamzaky

تيفا و انت جاى تجيب معاك قصدير و مكوة اللحام و لمبة كمان ههههههههههههه
مش كفاية اللمبة تتحرق
ازاى تتحرق مش شغلى انا الكلام دة ههههههههههههههههههه

لاءاااااااااااااااااااااا اااااااااااااااااااااااه
انا ممكن اقبل اى حاجه انما لمبه انا موصلها تتحرق اهو دا اللى مش ممكن ابدااااااا
انا كدا ادفع غرامه طنين بيبسى مش ازازتين
جايلك يا كبير ومعايا العده واللمبات
وهركبك ان شاء الله ليدايه بدل اللمبه الفكسانه دى
الليد نورها حلو اوى لسه مركبها عند احمد 79
وبالمره اوريك نور العداد عشان انا عارف انه هيعجبك اوى لانك بتحب الاضاءه الهاديه
ولا اجبلك معايا شريط ليدات بالمره عشان لو عجبك نركب على طول؟
فكر واسال احمد 79 وقولى

المشاركة الأصلية كتبت بواسطة bestmoahmed201

السلام عليكم وكل سنة وانت طيبين بس دى بتاعة بعد العيد كنت عايز اخد رايكم فى حاجة انا كانت عندىدراع المساحات بايظ طبعا رحت زى الشاطر واشتريت 2 جداد ب 120 جنيه وطبعا عشان انا معنديش فكرة وسازج شوية فالراجل قالى انهم اصلى وطبعا صدقته على طول لكن بعد شهرين لقيت جلدة المساحة بتقع لوحدها وتتقطع فعرفت انى اخدت افة هو مش جامد بس افة وقررت انتقم من المساحات فرحت جايب مساحتين استرتش مقاس 55 او 22 بوصة وفكيت الدراعات واخدتها على الورشة عشان انا عندى ورشة حدادة ورحت نشره على المقاس المطلوب وقعدت ادقدق شوية ولفيته من قدام عشان يركب على المساحات الاسترتش ورحت مصنفره مطرح الدق او الثنى ورشيته باسبراى اسود وطلع زى ما يكون كده فبريكة واسترحيت من مشكلة المساحات وطبعا كده لما تبوظ اقدر بكل سهولة اغير المساحات الاسترتش ب 10جنيه يا ريت لو فى حد معارض ما يضغطش عليا زيادة عن اللزوم عشان شايف فيه ناس عمالين يقطعو بعض بالسيوف وكل ده عشان خاطر نور العداد احنا مهما كان برضه اخوان وتصبحو على خير

هههههههههههههههه لا احنا بنحب نناكف فى بعض كدا والله دا هزار لما تشوفنا هتعرف ان شاء الله
بعد ازن حضرتك لعايزين صور للحوار دا لازم تحاول تصوره على قد متقدر لان موضوع المساحات فى الشتا مهم والناس فى العزبه بيستهبلوا فى الاسعار
ياريت صور دقيق عشان لو فيه حل تانى يبقى انت ساعدت فى حل مشكله

المشاركة الأصلية كتبت بواسطة gondor

الي كل خبراء التمبرا ازيكو يا شباب
أنا عندي استفسار عن مشكلة غريبة في التمبرا و محيرني جدا بس يا ريت محدش يزهق مني
انا اشتريت التمبرا من حوالي 6 شهور و كانت عوامة البنزين بايظة و غيرتها و جبت واحدة من شارع دمشق الراجل قالي انها ايطالي بس انا شاكك بنسبة كبيرة انها صيني...المهم غيرتها و العداد اشتغل تمام بس المشكلة ان العربية مش بتفول بنزين بمعني ان المسدس بتاع البنزينة مش بيفصل بيفضل شغال ( بالمناشبة انا جربت كذا مسدس في كذا بنزينة ) و الفايظ بتاع البنزين بيشتغل من تحت و البنزين الزيادة طبعا بينزل من تحت من عند التانك علي الارض و لو انا مخدتش بالي الراجل يفضل يحط في بنزين من ناحية و البنزين بينزل علي الارض من ناحية تانية..حاجة تانية مش عارف ليها علاقة او لأ بالموضوع دا ان من ساعة ما صلحت العوامة و العداد اشتغل و أجي احط بنزين حتي لو حطيت للأخر لحد ما ينزل علي الارض العداد ميفولش و يبقي لسه فيه حوالي 3 شوراط علي الfull
أسف علي الاطالة بس انا رحت للكهربائي عشان المشكلة دي قالي ميكانيكي رحت للميكانيكي قالي كهربائي و مش عارف اعمل اية صراحة

بص مشكله عوامه البنزين دى انا عانيت منها كتير وجبت عوامتين استيراد
تروح باب اللوق تشترى مقاومه متغيره 300 اوم 12 فولت
توصل طرفينها فى اللسلك اللى داخل للعوامه وتلفها وتابع قرايه العداد
لوشغال زى الفل وبيعلى ويوطى مع قيمه المقاومه يبقى العدادات والقيش سليمه
الخطوه التانيه اختبار عوامه البنزين
انا كنت عامل موضوع لتصليح عوامه البنزين متشتريش عوامه عشان ملهاش لازمه
http://www.nilemotors.net/Nile/230888-a.html

الخطوه التالته
تعمل تيست على عوامه البنزبن بعد متصلحها توصلها بافوميتر وتقيس مقاومتها وانت حاططها فى ميه زى الفيديو دا بالظبط
[youtube]http://www.youtube.com/watch?v=TcFThLt-OfY[/youtube]