الموضوع: صوت ماتور فى العدة الجديدة ارجو المساعدة

صوت ماتور غبى و مش عارف حلة اية
الصوت مش واضح قوى بس عشان انا مركز معاة مضايقنى

و للعلم انا لسة مركب (جول ان شاء الله على رأى الخط )
جى ام سيمفونى 500 اربعة شانل
و بازوكا جى بى ال 1000 وات
و سماعات بايونير 460 وات
و كاسيت بايونير بس قديم مش جديد شرايط
و طبعا سماعات الببان بتاعت العربية
و بعون الله هجيب شماستين عشان يوضحوا الصوت شوية

و شغال الكلام دة كلة على مديولر اف ام من ابو 25 جنية هههههههههههههههه
بس صوتة حلو

المهم صوت الزنة موجود سواء فى حاجة شغالة او مفيش و لما بقفل الكاسيت بيروح

قبل ما اركب الكلام دة اكن عندى 4 سماعات صينى ورا و بتوع الببان
و كان فى صوت المونة دى بس كان خفيف جدا جدا جدا
ف ياريت تنصحونى اعمل اية فى الزنة دى
لحسن دى تحويشة العمر ونبى و جاية بعد طول صبر و عناء


و استفسار كدة على الماشى
الواد الى ركب قالى انة معلى البازوكا على الاخر و مش معلى على السماعات ياريت تقلولى فى ضرر على البازوكة من كدة ولا لا
و هل انا محتاج سماعتين كمان عشان الصوت يظهر ولا لا

و ياريت تفهمونى الحجات الكتير الى على الجى ام دى لو عندكوا وقت فاضى
و الف شكر مقدما

نسيت اقولكم انى عامل رف بى دى اف ولا مش فاكر اسمة اية المهم انة بتاع صوت
و التركيب كان فى توكيل كليريون الى ف مصر الجديدة
على فكرة اخوكم ابيض فى الحجات دى