byd f3 > فتيس وعلبة دركسيون

**baherk** · 19-05-2011 02:54 AM

السلام عليكم
ممكن تقولولي راي حضراتكم في صوت الفتيس بتاع byd f3 وخصوصا علي التاني . وكمان هل علبة الدركسيون ممتازه وعمره الافتراضي كويس قبل ما تتفكك وتخبط ؟

**sv065** · 19-05-2011 03:18 AM

وعليكم السلام ورحمة الله وبركاته

في الحقيقة الفتيس الموجود بالجميلة BYD-f3 المانيوال هو فيتيس ميتسوبيشي من مصنعها بالصين
أما الموجود بالأوتوماتيك فهو من إنتاج Jatco اليابنية

والطبيعي أن الصوت عادي جدا علي الثاني لذا إذا حضرتك شعرت بأي صوت غير عادي توجه فورا للتوكيل للفحص ويجب أن تراعي مواعيد تغيير زيت الفيتيس
وبخصوص علبة الدريكسيون فلا نعلم عمر محدد لها خاصة أن ذلك مرتبط بحالة الطريق لحد كبيرة وطريقة القيادة عامة ولم يرد حتي الآن شكوي منها أو أنها بحاجة لتغيير مع العلم أن السيارة بالسوق المصري من 2005

**baherk** · 19-05-2011 01:54 PM

شكرا لحضرتك علي هذه الافاده . ولكن الفتيس طبيعي ولكن يوجد به ونه خفيفه علي الثاني . مش عارف ده طبيعي ولا انا علشان وداني مركزه معاه ؟ وقصد حضرتك مواعيد تغيير زيت الفيس بتاعت الصيانه مش كده ؟
شكرا

**sv065** · 19-05-2011 11:55 PM

المشاركة الأصلية كتبت بواسطة baherk

شكرا لحضرتك علي هذه الافاده . ولكن الفتيس طبيعي ولكن يوجد به ونه خفيفه علي الثاني . مش عارف ده طبيعي ولا انا علشان وداني مركزه معاه ؟ وقصد حضرتك مواعيد تغيير زيت الفيس بتاعت الصيانه مش كده ؟
شكرا

العفو علي إيه وعلي فكرة كويس جدا إن حضرتك تكون ودنك حساسة مع أي صوت يصدر من العربية تحس إنه مش طبيعي لأن ده مؤشر طبعا لحاجة مش مظبوطة ... غير ناس كتييييير ما تمدش إيدها في العربية غير لما تعطل علي الطريق

وعموما الجميلة ما شاء الله عليها عمرها ما عملت مواقف وحشة مع أي حد راكبها لكن لا تتجاهل برضه أي صوت حفاظا عليها بحالة جيدة دايما

بخصوص صوت الونة ده عاوزك تجرب تفحص رومان بلي العجل أولا قبل أي إتجاه للفتيس أو المحرك

وزيت الفتيس مهم جدا تغييره في معاده وإذا كان الإستعمال شاق شوية يبقي قبل معاده كمان

تقبل خالص مودتي

**baherk** · 20-05-2011 09:52 PM

الف شكر

**mmmmgogommmm** · 21-05-2011 08:57 PM

طالما حضرتك سمعت ونة وجربت تانى وسمعتها تانى توجة فورا للتوكيل للكشف على زيت الجيربوكس او الرومومبيلات--لان الونة بتكون من الرومومبيل لو نقص من عندة الزيت او خشن -

**baherk** · 22-05-2011 01:09 AM

طيب انا كشفت علي الزيت لقيته .تمام . ده اكيد صوت رومان البلي بتاع الفتيس وده اعتقد انه مش بيتصلح . ده هيفضل طول العمر

**momo777** · 22-05-2011 04:08 PM

كدة حرام عليهم لازم تروح التوكيل يغيرولك الفتيس زى صديق ليا

**ascomre** · 19-06-2011 05:36 PM

السلام عليكم

يا جماعة مشكلة الفيتيس موجودة فى كثير من السيارات عن سؤال ناس كتيره فى التوكيل أصحاب سيارات وتعبت كتير مع التوكيل علشان يتغير ومافيش حل غالبا هى مشكلة صنع لانه ميتسوبشى فعلا ولكن الخامات والتصنيع صينى
عمتا انا قررت تغيره بميتسوبيشى يابانى بدل جهاز حماية المستهلك او الرقابة الصناعية والعربية تقعد عندهم تانى يومين وبعد كده يقولوا غيرناه زى محصل من قبل ( بس فعلا صوته كرونة فيات 125 )