الموضوع: مقارنة بين التمبرا و البيجو405 و النوبيرا2

المشاركة الأصلية كتبت بواسطة omar_h

أنا بس ليَّ تعليق على حتت إن النوبيرا اوسع عربية ... أنا معرفش التمبرا إن نظامها عشان ماركبتهاش بس أنا معايا 405 و ركبت نوبيرا مع واحد صاحبي و ال 405 طبعا اوسع من النوبيرا بكيتر

لو حا تقارن كوسع التمبرا أوسع . التمبرا اوسع فى الصالون من البيجو ال 406 كمان مش البيجو ال 405

المشاركة الأصلية كتبت بواسطة Unendlich

ال 2 جنب بعض, لأ ال 405 أوسع


كل الأوبشن اللي حضرتك ذكرته في التمبرا المستوردة موجود في ال 405 ما عدا الهوايات الخلفية و على فكرة تكييف البيجو بيعجني أكتر. صحيح هم ال 2 تكيفاتهم مش زي الكورولا مثلا بس ال 405 تبريده أسرع
بس أنا بقارن حاجات basic , يعني ثبات , نعومة, صالون ... كدة إنما مش بقارن في الكماليات خالص و حضرتك ممكن تراجع مرة تانية اللي أنا كتبته
زائد إني معايا تمبرا حالة واحد في المليون (15 ألف كم ) يعني مش بتكلم على واحدة طلعان عين اللي جابوها أو بتكلم على عربية مش راكبها
في النهاية الدنيا اذواق, و أنا شخصيا لو كنت لقيت صاحب الموضوع بيقارن التمبرا بالنوبيرا أو ال 405 بالنوبيرا ماكنتش هاكتب عشان مبقاش اسمي منحاز لعربيتي
تمنياتي بالتوفيق لصاحب الموضوع
و تفضلوا بقبول فائق احترامي

لو حا تقارن ثبات أنت شايف أن البيجو اثبت من التمبرا طب ممكن تشرحلى لية أية السبب فى انها اثبت .
البيجو الى مع حضرتك فيها كل الابشن الى أنا ذكرتها فى المشاركة يعنى فيها أمبوليزر مثلا و حساسات فى كل حاجة موجودة و فرامل abs و فتحة سقف كهرباء لو فيها كل دة ربنا يباركلك فيها طبعا و دول مش كماليات سيبك من فتحة السقف لكن الباقى يعتبر اساسيات أوبشن عربية فيها سيفتى صح
المقارنة الى أنا ذكرتها قارنت عربيتن فى نفس المستوى و سنة الصنع علشان تقارن بين التكنولوجيا الى فى العربيتين المذكورتين
و لو تمبرا طلعان عينها يبقى ما تنفعش للمقارنة اساسا ولا هى و لا حتى مرسيدس طلعان عنيها يعنى ثبت حالة عربيتين زى بعض و قارن بينهم

المشاركة الأصلية كتبت بواسطة heshamzaky

لو حا تقارن كوسع التمبرا أوسع . التمبرا اوسع فى الصالون من البيجو ال 406 كمان مش البيجو ال 405

ماهو عشان كده أنا اتكلمت عالبيجو و قلت معرفش إيه نظام التمبرا عشان مركبتهاش فأنا بس كنت بعلق على إن النوبيرا اوسع من ال 405 إنما مش بأقول ال 405 اوسع من التمبرا

المشاركة الأصلية كتبت بواسطة omar_h

ماهو عشان كده أنا اتكلمت عالبيجو و قلت معرفش إيه نظام التمبرا عشان مركبتهاش فأنا بس كنت بعلق على إن النوبيرا اوسع من ال 405 إنما مش بأقول ال 405 اوسع من التمبرا

يا باشا مفيش أى خلاف على حاجة خالص .
بص التمبرا حا تلاقيها واسعة شوية يعنى التمبرا اوسع من التوبيرا و أوسع من الامام من البيجو ال 406 على فكرة رجع الكرسى للخلف خالص فى العربيتن و شوف المسافة حا تلاقى التمبرا مش حا تلمس اخر العربية دة لو متوسط طولك 180 سنتى مثلا

انا شاكر لكل الاساتذة الافاضل للمشاركة فى الموضوع .
و فى انتظار مزيد من التفاعل بخصوص:
- التمبرا المصرى احسن ام الايطالى( كتقفيل و العدادات العادة ام الديجيتالو الحساسات)و ما اشهر المشاكل).
-البيجو و مدى قدرة الميكانيكى العادى على التعامل معها (هل فيها مشاكل فى التبريد و المراوح و هل يوجد 1600 اوتوماتيك).
-النوبيرا و اخبار الاوتوماتيك و العفشة اية.

وجزاكم الله خيرا على التفاعل الراقى