مقارنة بين التمبرا و البيجو405 و النوبيرا2

**hussien_customs** · 18-10-2011 04:20 AM

لو أوتوماتك يبقي نوبيرا أفضل عشان قطع الغيار

**Ahmed Nasser** · 18-10-2011 07:37 PM

انا عن نفسى بفصل النوبيرا عن التمبرا مش عشان معايا لأ
اولا موتور النوبيرا اقوى بكتير
وكمان الزجاج الخلفى فى التمبرا الفل اوبشن بكر مش كهرباء
وعلى فكرة ثباتهم على الطريق واحد

**heshamzaky** · 18-10-2011 07:50 PM

المشاركة الأصلية كتبت بواسطة a333

انا عن نفسى بفصل النوبيرا عن التمبرا مش عشان معايا لأ
اولا موتور النوبيرا اقوى بكتير
وكمان الزجاج الخلفى فى التمبرا الفل اوبشن بكر مش كهرباء
وعلى فكرة ثباتهم على الطريق واحد

بص يا باشا التمبرا فية منها 4 زجاج كهرباء و مرايات كهرباء و اوبشن كثير جدا
التمبرا الاستيراد غير التمبرا المصرى على فكرة
و المواتير كلها 1600 سى سى بس فية مواتير فى الانجيكشن تعتبر نسخة مختلفة شوية من الانشيا يعنى الصبابات أكبر شوية من الصبابات بتاعت التمبرا العادية
و فية تمبرا فيها abs airbag و شوية حاجات زيادة كدة

**Ahmed Nasser** · 21-10-2011 03:50 PM

انا عارف ان التمبرا فيها اوبشن جامد
بس فيها كام عيب كدة
نظام الانجكشن فيها فاشل ودة كلام ميكانيكى متخصص فيات
عفشتها ناشفة
اكصدامتها مش قوية زى النوبيرا
موتورها 1600 بس مشبيتطلع هورس باور عالى
سواقتها مش مريحة زى النوبيرا

والتمبرا اللى حصرتك بتول عليها شكلها مش موجودة فى مصر
لانى شوفت التمبرا الاستراد
كانت زيادة فتحة سقف وعدادات ديجتال وسبويلر خلفى

**heshamzaky** · 21-10-2011 06:09 PM

المشاركة الأصلية كتبت بواسطة a333

انا عارف ان التمبرا فيها اوبشن جامد
بس فيها كام عيب كدة
نظام الانجكشن فيها فاشل ودة كلام ميكانيكى متخصص فيات
عفشتها ناشفة
اكصدامتها مش قوية زى النوبيرا
موتورها 1600 بس مشبيتطلع هورس باور عالى
سواقتها مش مريحة زى النوبيرا

والتمبرا اللى حصرتك بتول عليها شكلها مش موجودة فى مصر
لانى شوفت التمبرا الاستراد
كانت زيادة فتحة سقف وعدادات ديجتال وسبويلر خلفى

معلش أنا استبعد نهائيا مقارنة قوة صاج او دعامات أو الاكصدامات مع النوبيرا
التمبرا تكسب مليون فى المية
أما موضوع الانجيكشن فهو spi يعنى أحادى مش متعدد النقاط ة الميكانيكى بيقول كلام من دماغة و نوع الانجيكشن بوش صناعة المانى أزاى فاشل بس
و التمبرا الى بقولك عليها موجودة فى مصر باشا بس قليلة شوية
الصور دى موضحة كل الى بقولة لك

**ramy01011** · 21-10-2011 08:38 PM

بص من فترة كنت في نفس حيرتك دي كان معايا في حدود 48 الف و كنت بدور علي عربية كنت ميال للتمبرا بحكم اني فيتاوي قديم و ال405 كنت بشوفها اسطورة و النوبيرا من ايام الثانوي و الاعلان بتعها كان واكل لي دماغي (احلامي كبيرة و عربيتي نوبيرا هههههههههههه) ما علينا بعد الفحص و المحص و التدوير في المنتديات طلعت بحاجة ان احسن عربية في الفئة دي ممكن تشتريها و تستريح معاها و موش هتتعبك هي لانسر الكريستالة 98 .
شكل احلي من ال3 قطع غيار احسن و ارخص و اكتر من البيجو و معمرة اكتر من النوبيرا .
ما فيهاش مشاكل الكهربا و دورة التبريد بتاعت التمبرا ( علي حسب ما سمعت من بعض ملاك التمبرا)
عفشتها احسن بكتير من عفشة النوبيرا اللي سمعت انها دايما في مشاكل في العفشة بتاعتها.
اخيرا ده رأي شخصي بس حبيت اقولك علي تجربتي لما كنت بدور علي حاجة في نفس الرنج بتاع السعر بتاعك.

**Lord of the flies** · 24-10-2011 12:24 AM

شكرا لكل من شارك بالنصح و المشورة و النصيب جيه فى النوبيرا من اسبوعين بفضل الله بعد معاناه لفتره طويله جدا.

**heshamzaky** · 24-10-2011 12:28 AM

المشاركة الأصلية كتبت بواسطة lord of the flies

شكرا لكل من شارك بالنصح و المشورة و النصيب جيه فى النوبيرا من اسبوعين بفضل الله بعد معاناه لفتره طويله جدا.

الف مبروك عليك و ربنا يديلك خيرها باذن الله

**Lord of the flies** · 24-10-2011 01:04 AM

المشاركة الأصلية كتبت بواسطة heshamzaky

الف مبروك عليك و ربنا يديلك خيرها باذن الله

جزاك الله خيرا على الدعوه الحلوة يا استاذ هشام و كفى بالفيات فخرا ان حضرتك تستخدم احد موديلاتها.

**heshamzaky** · 24-10-2011 01:21 AM

المشاركة الأصلية كتبت بواسطة lord of the flies

جزاك الله خيرا على الدعوه الحلوة يا استاذ هشام و كفى بالفيات فخرا ان حضرتك تستخدم احد موديلاتها.

يا باشا العفو و أن شاء الله تتيسط من العربية
و على فكرة كل العربيات جماد يعنى مش روح دى عربية مش فارقة النوع اية بقدر ما تكون العربية بتاعتك عاجباك و مريحاك دة اهم حاجة راحتك النفسية و الشخصية اهم لانك الى حا تركبها و تستعملها و تبقى مبسوط بيها و مستمتع