سؤال بخصوص الاوكتافيا فانتازيا 2011

**dj_bex** · 19-05-2011 02:16 PM

السلام عليكم ..
انشاء الله في خلال اسبوع هجيب اوكتافيا 2011 فل اوبشن بس انا عايش في الامارات .. و عاوز اعرف اييه رايكم في التكيف بتاعها ؟
تاني حاجه الانتيريل بتاع الفل الاوبشن فيه منه لونين بيج و اسود .. محتار اجيب انهي
و اللون الخارجي انا نفسي اجيب الاحمر شكله تحفه عليه بس في ناس بتقول صعب في الريسيل .. طب هوه صعب لييييه يعني ؟؟

ومتشكر على الردود مقدما ..

**abdullahalbadr** · 19-05-2011 10:42 PM

اوز اعرف اييه رايكم في التكيف بتاعها ؟
تاني حاجه الانتيريل بتاع الفل الاوبشن فيه منه لونين بيج و اسود .. محتار اجيب انهي
و اللون الخارجي انا نفسي اجيب الاحمر شكله تحفه عليه بس في ناس بتقول صعب في الريسيل .. طب هوه صعب لييييه يعني ؟؟
أولا الف مبروك مقدما ، ثانيا التكيف بتعها مش بطال بس مش زى اليابانى لان العربيه عمله زى الألمانى (بي إم أو مرسيدس) التكيف بياخد وقت على ما يبرد العربيه (من 3 إلى 4 دقائق) ، ثالثا بالنسبه للإنتريل أنا بفضل اللون الأسود لانه ما بيتوسخش بسرعه أو ما بيبنش فيه الوساخه ، أما البيج فبيتبهدل بسرعه خصوصا لوكان عندك أولاد أو إنك كنت ناوى تنزل العربيه مصر، رابعا : بالنسبه لللون ، اللون الأحمر المارلبورو هو اللى فاشل فى البيع أما اللون الأحمر الغامق (نبيتى أو دم الغزال) فهو كويس فى البيع ومطلوب خصوصا إنه بيدى العربيه فخامه مع الجنط 17 ، بس خلى بالك لو هتنزل العربيه مصر بلاش تجيب موتور 1400 CC مشاكله كتير فى مصر
أخيرا بالتوفيق وربنا يديك خيرها ويكفيك شرها

**KHALED AYMAN** · 20-05-2011 03:32 AM

التكييف بتاعها ممتاز..بس بياخد وقت اطول شويه من اليابانى عشان يبرد ..لكن فى النهايه ..ال 16 فيها زى ال 16 فى اى عربيه ..
الفرش خليك فى الاسود..عشان ينضف بسهوله
الاحمر
هنا مش مطلوب ..ولما تيجى تبيع مفيش راجل كبير هيرضى يشترى ..لازم تبيع لشاب

**dj_bex** · 20-05-2011 10:17 AM

اللف شكر على الرد ... بس انا انشاء الله هجيب 1600 سي سي .. بس مش عارف هيه جنط 16 او 17

**abdullahalbadr** · 22-05-2011 08:14 PM

الجنط 17 فى مصر بيحتاج معامله خاصه ، يعنى ما تخدش بيه مطبات (نقره أو حفره) بسرعه لان ده بيخرب الكاوتش ، وممكن يخرب الجنط ، ولكن الجنط 17 بيدى العربيه ثبات وفخامه ، وممكن لو معجبكش تركب بعدين جنط 16 ، ممكن يكلفك حوالى 5000 جنيه بالكاوتش ، وبالتوفيق