الموضوع: تسعيير اوبل كورسا

موديل ٩٤ الماني واصلا مفيش كورسا إلي الان تقفيل مصري كله جي من اوربا سواء من المانيا اواسبانيا ثم البرازيل السدان موديل ٩٤ موتورها ١٢٠٠ ومفيش منها ١٦٠٠ نزل مصر اصلا ودا معناه ان العربيه مسقطه موتور ودا مش عيب بس هل التعديل شامل العفشه والفرامل ولا لا السعر مش عالي لان العربيات كلها سعرها علي شويه ممكن تتكلم ف ٣٠.٠٠٠ وحاول لو عجباك واكشف كويس

انا قلت انها مصري لاني لقيت عليها منصور من ورا وواحد صحبي قالي ممكن تكون مصري انا بتكلم عالكورسا الصغير وبالنسبة لموضوع الموتور دا حضرتك متاكد مفيش 1600 ستاندرد منها في الموديل و هل دا يعيب العربية ولا لأ وشكرا علي سرعة الرد

مفيش 1600 ستاندرد انا شوفت منها 1400 باب واحد ستاندرد و طبعآ نادرة جدآ لكن 1600 دى اول مرة اسمع عنها ثانيآ انا شايف ان موتور 1600 عالى اوى اوى عليها و طبعآ موتور زى دة صعب جدآ تلاقى قطع غيار ليه وموديلات من 94 و حتى 97 كلها 1200 سى سى و مفيش منها تقفيل مصرى خالص

شكرا جدا عالمتابعة وانا روحت اتفرجت عليها تاني اكتشفت فيها حاجة غريبة الموتور فعلا 1200 سي سي لاكن مكتوب في الرخصة 1600 وصاحب العربية بيقول دي غلطة مرور وانا هصلحالك وملكش دعوة بيها وكدا بس قلقت منها هيا العربية فعلا اخرها 30000 ج لانها محتاجة شوية توضيب وفوانييس و فرش

المشاركة الأصلية كتبت بواسطة nice_bird

شكرا جدا عالمتابعة وانا روحت اتفرجت عليها تاني اكتشفت فيها حاجة غريبة الموتور فعلا 1200 سي سي لاكن مكتوب في الرخصة 1600 وصاحب العربية بيقول دي غلطة مرور وانا هصلحالك وملكش دعوة بيها وكدا بس قلقت منها هيا العربية فعلا اخرها 30000 ج لانها محتاجة شوية توضيب وفوانييس و فرش

لو العربيه اسا سيتها حلوة السعر دة مناسب جدآ على فكرة