مشكلة غريبة جداً ارجو المساعدة

**bezzat** · 19-05-2011 05:27 PM

انا مشكلتي غريبة شوية .....معايا النترا 2008نور التابلوة عندي بيفصل يعني مش باشوف العدادت بس الشاشة بتاعة الكيلوميتراج منورة ...الغريب ان الموضوع دة ساعات ساعات .يعني لما اجي ادي اول درجة في النور مفروض ينور (عدادات + نور السهاري بتاع الكشافات الامامية *النور الصغير + نور المؤشرات زي *نور زراير الازاز و نور نقلات الفتيس) الغريب ان النور السهاري اليمين مش شغال + نور العدادات + نور نقلات الفتيس و الزرار بتاع توطية النور و تعليتة برضة بيفصل بس نور زراير الازاز بيفضل شغال ..و دة حصل علي فترات بس دلوقاتي بقي شى دائم ....روحت التوكيل معموليش حاجة قال عشان انا مغير نور الصالون بقيت برة الضمان بس رجعولي علي الفيوزات( المفروض يعني)....بس فية مهندس بشرني بحاجة زي الفل ...ان في حاجة اسمها pmc or pcm مش فاكر قالي احتمال تتغير بكام بقي 1000ج او اكتر ...برجاء المساعدة و شكراً

**Hacker5** · 19-05-2011 05:43 PM

مش ممكن تكون مشكلة فيوز ؟

**HOSSAM99** · 19-05-2011 10:19 PM

السلام عليكم
أولا هو ايه الشغل اللي حضرتك عملته و بالتالي طلعت بره الضمان
أنا أستبعد الفيوزات لان الفيوزاللي بيضرب بيقطع علي طول مش بيتبرجل و يشاور نفسه
هو إحتمال كبير تكون فيش مش متركبه صح او وصلات عامله ماس
إن شاء الله خير و ممكن تروح مركز تكنو وان هو معتمد من غبور و بنيبه كبيره هايكون أحن من غبور في الاسعار