بعتذر لو كانت الكلمه كانت غريبه بالنسبالك
بس عموما المثل ده مشهور ومعروف للجميع تقريبا
A.Yakout
وبعدين يا جماعه دا تكريم للمرأه انها تكون زى عربينا اللى كلنا بنحبها :d:d:dd
ههههههههههههههههههههههههه هه ماشى يا عبده
ده اصله مثل انجليزي
متسلفش
البايب -الغليون- بتاعك
ولا سيارتك
وطبعا ولا زوجتك (سبب عذابك وروقان مزاجك في نفس الوقت)
ولصاحب الموضوع ههههههه كنت زيك كدة وكتير ممكن وانت سايق لمسافات ممكن تركن علي جنب من شدة التعب دا غير المرات اللي ربنا بيستر فيها وتلاقي نفسك بتصحي -آه بتصحي_في ملف اول حاجة بتعملها تركن وتريح علي طول لحد متقدر تسوق تاني safety first
وطبعا سيادتك لسة مشتغلتش ولا فيه بيت وعيال عندك ولا دافع تمن العربية من جيبك ولا حاسس احساس اهلك بحبهم وخوفهم عليك
البني ادم ابن اغيار بمعني دايما حاله متغير ونظرته للحياه مختلفة حسب السن والصحة والدخل المادي والظروف المحيطة ووووووووووووووووووووووووو وو تحياتي
انا خايف انى ملحقش اتهنى بعربية قبل ما اتجوز واتمتع بشبابى و عربيتى!!!!
بكره تزهق
كل وقت وله اذان
دلوقتى بسيب العربيه كتير واركب تاكسى او مع اى حد من اصحابى وكتير اخلى حد من صحابى هو اللى يسوق
اكيد كلامى هايضايقك لانى وقت ما كنت عاوز اسيطر على عربيه والدى وانا صغير كنت باتضايق واستغرب الكلام ده لما اسمعه
ايه ده ..دى قضية رأى عام بقى
طب تقول ايه فى اللى عنده عربية وبردو مش بيرضوا يخلوه يمشى بيها؟؟...انا عندى 20 سنة ونص بالظبط
وكنت باقلب العربية من ورا والدى من 17 سنة ولما جاب النوبيرا كنت باستهبل بيها على خفيف وبعد كدة جاب هو نيسان صنى وسابلى النوبيرا...من يوم ماجاب النيسان وانا ايدى مالمستش دركسيونها وبتحايل عليه يددينى لفة بيها اجربها ...ابدا ويقولى عندك عربيتك
آجى اركب عربيتى....لأ هتروح بيها فين دلوقتى (بتكون الساعة 8 باليل مثلا) وبردو باضطر انى اختلسها فى الخباثة واروح بيها الجامعة
عمرك شقت واحد بيقلب عربيته؟؟
بس فعلا هى شكلها خوف عليك ...لان يوم 25 يناير كنت انا اول ضحية للثورة يوم مابابا ضربنى عشان مانزلش مع ان اخويا اللى اصغر منى كان سايبه براحته خالص...وكل ما اسأله يقولى عشان انت الكبير لغاية ما كرهنى فى سنى هههههه
انا عشان بره مصر ولظروف خاصة بسوق رسمي من وانا ١٧ سنة
وطبعا نزلت مصر معايا العربيه أحب أقولك هتقعد تزن عشان تاخدها هتاخد العربيه من هنا مش ٦ ولا ٧ شهور ﻷ هو أول شهر وهتكرة اليوم الي سابولك فيه العربيه (هتحس إنك بقيت شغال سواق العيله)
على فكرة اللي بيقولو 6-7 شهور وتزهق دي بتبقى على حسب كل واحد ودماغه
انا بقالي 3 سنين معايا العربية وبعشق السواقة وممكن امشي 24 ساعة ومزهقش أبداً
فى بداية لما عملت الرخصة والدى كان بيعمل فيا حركة كانت بتغيظنى جداااااا ....... كنت بمعنى الكلمة سواق العيلة كلها من اول والدى لحد بنت عمتى :grin54: وطول النهار مشاوير ورايح جاى .... لحد لما مرة قولتله بعد اذنك عاوز العربية اروح بيها المعادى رفض ... ساعتها بقى قولتله يعنى اوصل الناس ومش عارف اوصل نفسى .... روحت مقموص وملمستش العربية بعديها الا لما هو فى يوم جه ادانى المفتاح وقالى اخرك ساعتين .... ساعتين و 5 هبلغ ان العربية اتسرقت :grin54: :grin54:
ومن ساعتها بقى وبقيت بسوق براحتى ....... انا طبعا مش بسخنك عليهم يا ريس ..... انا بس بوعيييك :grin54: :grin54: