الموضوع: الرقم المالي ؟

السلام عليكم ورحمة الله وبركاته
الموضوع ده بقالي فترة كبيرة بفكر فيه ومش عارف ليه مش مطبق في مصر ولا حتي حاجة مشابهة
الموضوع وما فيه اني عايش بقالي حوالي سنة في ايطاليا ومن اول اسبوع سافرة فيه كان لازم اعمل حاجة اسمها codice fiscale او الرقم المالي بس يالايطالي بعد كده لما بدات اتعامل واعرف ايه الموضوع ده اكتشفت انه حاجة سهلة وممكن عن طريقها الدعم يوصل فعلا لمستحقيه وده بيكون كود لكل شخص علي الاراضي الايطالية وده غير البطاقة وبيتعمل للطفل حتي اول مايتولد وبيكون فيه كل تفاصيل الدخل للشخص وبيكون معروف لكل الجهات الحكومية والشركات والبنوك المصرح ليها التعامل بيه وبيكون فيه الدخل الشهري للفرد والسنوي كمان حتي لو صفر ولو ملايين وحتي لو موظف في شركة او صاحب الشركة نفسه او حتي عمل خاص وعن طريقه بردو بيدفع الضرايب والتامينات
يعني مثلا لو انا رايح مستشفي وعهمل عملية او حاجة تكلفتها عالية عن طريق الكود ده بيعرفو دخلي السنوي قد ايه لو مثلا اقل من 5000 يورو ثنويا مابدفعش حاجة او بتكون مبالغ رمزية وقياسا عليه حاجات كتير
هل صعب ده يطب في مصر ؟
موضوع للمناقشة