الموضوع: أريد تعديلات لفيات ريتمو

اهم حاجة اعمل حسابك ان دى ريتمو يعنى ايه ؟؟ :

1 - العربية دى من اضعف الشاسيهات اللى نزلت فى الفيات كلها لو ماكانتش اضعفها ومشكلة فيات انها نزلتها ضعيفة قوى وبمواتير قوية لذلك اول جنيه تصرفه يكون على تقوية الشاسيه ولحام اى اماكن تكون فاتحة من الاول (ممكن حاجات موجودة وانت متعرفش) وصب رصاص وبارات والليله دى كلها

2- العربية دى من احلى وان لم تكن احلى اشكال الفيات القديم مدمجة والوانها الاصلية ميتاليك وتصميمها لذيذ جدا عندك الاف الافكار اللى ممكن تتنفذ منها المكلف ومنها اللى بملاليم وبرضه فيه حاجات بملاليم تخليها قنبلة يعنى طقم جنوط لو مينفعش طقم طاسات - تعمل نور العتب - تركب فوانيس امامية كريستال - لمبات اضائة تلجى او ابيض مزرق - لمبات اشارة ليدات - فوانيس خلفية معدلة ليدات - تابلوه 2 لو ن - طقم صوت الخ

3 - العربية دى فيات يعنى عندك لستة مواتير كتييييييييييييييييييرة قوى قوى قوى ممكن تسقط عليها ومنها
ريجاتا 2 كامة - اونو تربو - تمبرا انجيكشن - الخ الخ دا حتى موتور ال 132 يركب عندك
يعنى موضوع تزويد كفائة الموتور مش هاتغلب فيه خالص والمواتير مرمية فى السيوف وصلاح الدين والفراهدة
بس لو هتجي موتور جامد يبقى لازم شاسيه جامد اللهم بلغت
اما السست انا مفهمش فيها قوى بس فيه اقتراح ممكن تشوف سست بتاعت موديل تانى او عربية تانية تكون اقصر بس تناسب العربية عندك وكدا تهرب من تكاليف الكونى وعيوب القص بس برضه اسال لان ده راى شخصى

وعلى فكرة انا كمااان من اليكس لو احتجت اى استفسار قوللى و هديك اماكن الخنادق ان شاء الله

شكرا يا كيكو على الردبس عايز أعرف حاجة أنا مركب البار الى شادد المساعدين اللى قدام فى الكبوت أركب اللى تحت واللى على الرفارف ولا مش لازم......و معلش يعنى إيه فوانيس كريستال

المشاركة الأصلية كتبت بواسطة mohamed92alex

شكرا يا كيكو على الردبس عايز أعرف حاجة أنا مركب البار الى شادد المساعدين اللى قدام فى الكبوت أركب اللى تحت واللى على الرفارف ولا مش لازم......و معلش يعنى إيه فوانيس كريستال

حاول تعمل كل حاجة بتقوى الشاسيه انا معرفش قوى فى العلب بس لازم تلحم اى علبة مفتوحة وتقريبا بيتصب رصاص او بيتعمل طبقة صاج لتقوية العلب
والفوانيس الكريستال شفافة زى بتاعة العربيات الحديثة