انا عن نفسي محامي واعمل مديراً لشئون العاملين بشركة بالعاشر وكان نفس اطلع مخرج
تم النقل للاجتماعي بمعرفتي
الادارة 1
عرض للطباعة
انا عن نفسي محامي واعمل مديراً لشئون العاملين بشركة بالعاشر وكان نفس اطلع مخرج
تم النقل للاجتماعي بمعرفتي
الادارة 1
رائد فضاء :D
دكتور..........
زمااااااان كان نفسى اطلع ضابط لاجيش لاحارب
كنت متأثر بمنظر العرض العسكرى و اغانى محمد ثروت
و بعدين تأثرت بصديق عمرى "رحمه الله" و كان اكبر منى بحوالى 9 سنوات
و كان نفسى اطلع مهندس اتصالات مثله
و كمان كان نفسى اكون مؤلف روايات
و كان نفسى اووووووووووى و انا عندى تقريبا 10 سنوات انى اشتغل فى محل فول و طعميه
و كان نفسى و كان نفسى
و بقيت جيولوجى و كيميائى
و نفسى اطلع من هدومى
كان نفسى اطلع بتاع ملاحة جوية.....
يس دلوقتى أنا طالب فى طب
كل اللى بيجيبه ربنا كويس
كان نفسي موت اكون ظابط شرطة وخاصة ان شكلي وملامحي كلها ملامح ظابط شرطة بس للاسف بقيت مدرس لغة انجليزية وحاليا مترجم
كان نفسى اطلع ممثل وبحاول
حققت الحلم في ان اكون طبيب لكن الطب في مصر اليوم
و التعليم الطبي وصل الى مرحلة جعلت خريج الطب غير راضي عن مستوى
الاداء بالمرة
ومازال الامل قائما
نفسى اكون رجل اعمال
بس مش اخد الفلوس واخلع زى ال.........................
كان نفسي أطلع مترجم ومحرر أخبار في البي بي سي :rolleyes:
بس الحمد لله على كل حال
وعسى ان تكرهوا شيئاً وهو خير لكم
ولو علمتم الغيب لاخترتم الواقع
كابتن طياار
انا قصتي غريبة شوية كان نفسي اطلع طيار لان خالي طيار ..........لكن مش عارف ليه كان والدي معتبره فاقد.........جبت مجموع في الثانوية و قعدنا القعدة المشهورة بين الاب و ابنه.قالي عايز تدخل ايه قلت له طيران مدني ..ده سمع الكلمة و تقولش اتكهرب و يومين زعيق و شتيمة......قلتله بلاش .طب فنية عسكرية.......نفس رد الفعل.......اخر ما زهقت قلتله تحب انت ايه قالي صيدلة .قلتله بالعند بقى هدخل طب..............و بعد سبع سنين تخرج بقول ياريتني سمعت كلامه او هو سمع كلامي
مهندس ميكانيكا لدرجة انى كنت باروح ورشة الميكانيكى بتاعنا كل صيف فى الاجازة لمدة شهر و الكلام ده لحد ما تميت 22 سنة .بس اعمل ايه منها لله الكيمياء و فى الاخر دخلت تجارة و شغال محاسب فى شركة غاز طبيعى
رجل مطافي
محدش يسألني ليه ؟!
رجل مطافي ؟؟؟؟؟؟؟طب بالعند بقى ليه؟
تاجر
وما زلت بحاول
انا بقى كان نفسى ادخل صيدلة ... لكن المجموع الكبير خلاهم يقنعونى بالطب وايه دى كمان الصيدلة دا انت هاتطلع عطار افرنجى .. لذيذة مش كده .. المهم دخلت طب .. بعد شهر بالضبط اتعقدت من الطب والمشرحة والتشريح ... حولت صيدلة .. بقيت صيدلى ...ا ا اقصد عطار افرنجى ...اقتباس:
قالي صيدلة .قلتله بالعند بقى هدخل طب
لو رجع بيا الزمان هادخل صيدلة طبعا انا اكتشفت ان مش اى حد يحمل مسئولية المرضى قدام ربنا ...
انا مش عارف المهنه اللى كان نفسى فيها ايه
انا كان نفسى ابقى كل حاجه للعربيات سواق ميكانيكى كهربائى ..... وعشان كده دخلت هندسة بس معرفتش ادخل ميكانيكا عشان الدراسة صعبة اوووى
لو حد فيكم شافنى و انا بتكلم مع الموتور هيلاقينى شبهه
بس عشقى الاول و الاخير السواقه
وعلى فكرة انا سوقت حاجات كتير من عربيات بكل احجامها ماعدا التريلا و الحفارات و البقيه تاتى نفسى اسوق اتوبيس
كان نفسى اكون قبطان مركب سياحى من الى بنشوفها فى الافلام الاجنبى دى رغم انى من القاهره مش مدينه ساحليه بس الحمد لله بقيت مدير نظم معلومات فى فندق و اهى كلها سياحه برضه
test driver
كان نفى اكمل مشوار لعب الكورة
وكنت حابب ابقى لاعب كورة " حارس مرمى"
كان نفسى ومنى عينى اطلع ...رجل عصابات...او قاتل محترف
http://smileys.smileycentral.com/cat/12/12_1_201.gif http://smileys.smileycentral.com/cat/12/12_1_112.gif http://smileys.smileycentral.com/cat/15/15_4_128.gif http://smileys.smileycentral.com/cat/36/36_6_2.gifhttp://smileys.smileycentral.com/cat/36/36_6_12.gif
:D:D:D:D:D:D:D:D:D
لا بجد كان نفسى اكون فى اى مجال يخص الفضاء وعلوم الفلك......علم رهييييييييييييب
http://www.smileycentral.com/sig.jsp...p=ZSYYYYYYMEUS
انا بأه -والكلام اللى جاى ده جد جدا ومافيهوش هزار-كان نفسى اطلع تاجر مواشى
بسس للأسف عجبتنى الهندسة الميكانيكية وقيت مجموعها فى جيبى فاشتريت ومن ساعتها وانا اسير الهندسة
كان نفسي أطلع طيار "مدني او حربي" بس النظر مخدمش
حاليا بامارس الهوايه عن طريق Microsoft Flight Simulator و الكلام ده من أواخر الثمانينات
مبــرمــج (بضم الواو) وكنت فعلاً بعمل برامج بسيطة والعاب بسيطة ووصلت
اني اعمل العاب بـdirectX بس الثانوية "العامية" الملعونة دي جبت 89%
فحولت ادبي والحمد لله على كل شئ .
انا منفسيش اطلع اى حاااااااجة:D
انا طول عمرى عايزة اجوز و اخلف و اربى العيال بس:p
بس مشكلتى انى لما بعمل حاجة لازم اعمل احسن حاجة فيها..يعني لو هذاكر لازم اذاكر صح و دة اللى
دخلنى الهندسة بس انا عن نفسي حتى طموحاتى مكنتش الهندسة خااالص بس لمجرد انها احسن حاجة
فى علمى رياضة و كمان عشان بكره ال bilology
لكن شغل و طموح و بتاع لأ مليش فى الليلة دى
:D:D
كان نفسى ابقى مهندس ميكانيكا
MMamdouh
كان نفسي اكون مبرمج ذكاء صناعي
بس للاسف و الحمد لله ... دخلت طب بشري
اشوف فيهم 80 سنه إلا اربع ايام بتوع التنسيق
يا اقول للزمان ارجع يازمان
انا بقه حكيتي حكايه ابتداء من الاعدادى كنت عاوز اخش ثانوى صناعي عشان اتخصص في ميكانيكا السيارات المهم الحاجه ربنا يخليها مارديتش ودخلت ثانوى وكان الفشل الزريع دخلت تجاره وخلصت وشغال محاسب بس لو زمن رجع حـ أختار الصنايع منه علي هندسه
كان نفسي اطلع وخلاص :) بس كل اما الواحد يطلع عشره يكعبلوه :D
علي اي حال الحمد لله
انا فى كلية الحقوق
ونفسى اتعين فى النيابة او فى السلك الدبلوماسى
انا ماشي في الطريق اللي نفسي فيه
يعني في الدعوه والمناظرات في الخارج
بس نفسي نفسي ابقي شيخ ازهر
وان شاء الله لو حصل هارجع للمنصب ده هيبته
بدل اللي في بالي اللي ممرمطنا
كان نفسي اطلع صياد ..وكل يوم الصبح...اخد الرجاله ونطلع علي المركب...ونيجي بعديها بكام اسبوع ولا حاجه...تخيل تبقي انت والبحر والسما..ولا دخان ولا دوشه ولا اي حاجه تعكنن عليك...
اخوكو من وهو صغير كان لعيب كورة فكان في دماغي اني اكون لاعب كورة و ايامها مكنش في دماغي طبعا موضوع الفلوس و الشهرة و الكلام ده
شوية و طلعت في دماغي اني اطلع طيار حربي و كانت دي امنيتي لكن"العتب على النظر" و مازلت حابب موضوع الطيران ده جدا
لكن لما ملأتش فايدة نويت اني لازم اشتغل شغلانة اساعد بيها الناس و بما ان والدي طبيب و انا كنت بعشق الطب نويت على الطب وانا دلوقتي في خامسة طب و الحمد لله
اهم حاجة ان ربنا يعيني اني احقق نيتي لان من اللي احنا فيه و شايفينه اعتقد ان الطب في مصر محتاج شغل بعد الضهر لحد ميبقى مهنة انسانية و الله المستعان
ما قبل الحضانة كان نفسي اكون قرصان :d
باتكلم جد، راجل فريد كدة، مخبي عينه بعصابة وعنده إيد خطاف وفوق كل ده عنده بغبغان بيتكلم، وطول النهار صايع في البحر يغلس على مخاليق ربنا، شغلانة عنب يعني :)
لما كنت في ابتدائي كنت باحب الزراعة، وقلت لوالدي اطلع مهندس زراعي، قاللي "وماله" واستطرد "بس المهندس الزراعي ده فلاح مثقف، والنفر في البلد يعلم 10 مهندسين و و و و" طبعا مع الاحترام لهذه المهنة المتميزة والتي مازالت حلم بالنسبة لي. بس اللي يخللى الصيدلي "عطار افرنجي" مش مشكلة لما المهندس الزراعي يبقى "فلاح مثقف" ده حتى ع الاقل مثقف :d
أهالينا لما يحبوا يكرهونا في حاجة بينجحوا دايما :) بس هم أكيد خايفين على مستقبلنا وعاوزين لنا الأحسن من وجهة نظرهم
في إعدادي، حبيت جدا عالم البحار، برامج ومجلات ورحلات كونتيكي ورحلات "كوستو" ونشأ داخلي حب دفين لهذا العالم الساحر، وعند تنسيق الثانوية العامة صرحت بأنني عاوز ادخل كلية "العلوم البحرية" جامعة قناة السويس، والدي قاللي "وماله" واستطرد "وهاتطلع ايه؟" قلت "عالم، زي الدكتور عبد الفتاح جوهر" قاللي "يعني شغلتك ايه؟ هاتكون في نقابة ايه؟ هاتتوظف فين؟" أنا: "....."
وبعدين مكتب التنسيق حدفني هندزة القاهرة، وطلع عندي ميول هندسية دفينة وانا مش واخد بالي، ودخلت وتخرجت من قسم هندسة الحاسبات.
بالمناسبة بقيت اول ماسمع كلمة "وماله" من بابا أعرف إن الإجابة هي الرفض :d