يا جماعة بعد مقارنات عديدة ورهيبة من بين فلوانس وكروز وكارينز استقريت علـــــــــــــــــــــى
بروتون بيرسونا اليجانس ونيسان صنى سوبر صالون هاى لاين
البيرسونا الجديدة حلوة جدا وبرشحها عن السيراتو والاوبترا مثلا ولكن خايف من حاجة زى علبة الدريكسيون لان فى ناس هنا بتشتكى منها وحاجة زى محور العربية ضيق ده معناه مثلا ان الدريكسيون عشان تلف بتلفه حاجة صغيرة ودى حاجة سهلة والا ايه بالظبط
انما الصنى بصراحة كويسة لكن زى ما لاقيت هنا برده ان السوبر صالون صالون عفشتها رياضية وناشفة هل ناشفة يعنى بتتعب الواحد وما بتحسسهوش بالراحة والا ايه
ما يهمينيش سعر اعادة البيع انما يهمنى ثبات العربية على السرعات العالية والاتنين دول ممكن يوصلوا لسرعة 200 طبعا انا مش هقضيها قرص وشد وكدا انما ساعات الواحد بيسافر دمياط او القاهرة فعايز عربية ما تتعبنيش من كتر القعدة فيها وتكون ثابتة فى جرى وغرز
ونقطة الحك فى المطبات لنفترض هنحمل العربية اتنين ادام وتلاتة ورا العربيتين دول هيبقي ظروفهم ايه انا قارنت تقريبا بين عربيات كتيرة واستبعدت الكورى الكارينز مثلا ب 130 الهاى لاين وطبعا المكنة 1600 مع تكيف مع حمل مش هتبقي قد كدا فاستقريت على البيرسونا وبم ان الاليجانس نزلت مصر هتبقي كويسة او الصنى سوبر صالون هاى لاين فاميه وشغل بقي
ارجو ان تنصحونى وتفيدونى افادة كاملة ولو عايز اى عربية من دول اشتريها فى حدود اسبوع مثلا هينفع والا اسمع ان السبع فى المنصورة بيقول الحجز وبعدين الاستلام بعده بشهر وتوكيل بروتون في المنصورة بيقول وقت ما تحب