فيات 127 موديل 82 للبيع

**SPY123** · 29-05-2011 03:00 AM

يا جماعه العربيه دى انا 3 ايد ليها المسمار الى بيحصلو حاجه بغيرو العربيه مافيهاش غير حاجات بسيطه فى العفشه هوا لما حد يشترى عربيه ب 13 الف ويصرف عليها 6 يبقى كده حلوه يعنى احسبها كده يا باشا معايا كاسيت وسمعتين سونى اكسبلود السمعتين 400 وات وكاسيت سى دى وفيه فتحه usp وaux ب 1100 جنيه وفرش جلد جايبه ب 600 جنيه ومركبه على العربيه ب 100 جنيه يبقى عندك 1900 جنيه فرش وكاسيت وسمعتين والعربيه فابريكه دواخل ولسه مغيرلها فردتين كاوتش قدام ب 500 جنيه نوعهم lassa وجيبلها بطاريه جافه المانى المانى مش زى نسر فارتا والبطاريات التعبانه الى مبتعودش دى ب 550 جنيه والله انا بحب العربيه دى جدا بس بقالها معايا 3 سنين وقدامى عربيه لقطه عاوز الحقها بالنسبه للصور محتاج مهله عشان موبايلى جايب فلاته وبيتصلح

**moforpro** · 29-05-2011 07:34 AM

لو هاتخلص على 8000 انا موجود هى الاسبور يوم لما بيطنطط اخرة 9 وخد السماعات والكاسيت ركبهم فى العربية الجديدة حلال عليك ياعم

**WALEED9001** · 29-05-2011 11:01 AM

اخى العزيز هدا من روعك وباذن الله ربنا هيكرمك فيها هو فعلا السعر الى حضرتك بتتكلم فيه كتير اوى بس باذن الله خير انا عايز اشفها لاختى بس عايز اعرف مكان العربيه فين وزاى ممكن نشفها

**SPY123** · 30-05-2011 03:08 AM

اولا الاخ الفاضل الى بيتكلم فى سعر 8000 جنيه انا هسالك سرال وترد بامانه ال 8000 جنيه دول فى الزمن ده بيجيبو ايه دول مايجيبوش انتريه انت عاوز تركب عربيه ب 8000 جنيه واضح ان حضرتك جاى تهزر عموما شكرا يا باشا العربيه موجوده فى حدائق حلوان يا فندم وده رقمى لو حضرتك تحب تشوفها انا تحت امرك 0107044757

**heshamzaky** · 30-05-2011 03:15 AM

أنا كشخص مالك ل 127 سوبر فيورا لمدة 20 سنة بالظبط . العربيات دى لو مش واقفة صح بتصرف كتير بس واحدة واحدة يعنى المبدأ شراء العبد و لا تربيتة
ممكن تجيب 127 ب 12 الف و عقبال ما تتظبط مش حا تصرف اقل من 5000 جنية و الكلام دة عن تجربة
بالنسبة للى حا يشترى العربية لو واقفة على حيلها لو أزيد شوية أحسن من قرف الصنايعية و ووجع الدماغ و المشاوير التى لا تنتهى و تضيع الوقت
الزميل الى بيبيع العربية نصيحتى لك شيل عدة الصوت بتاعتك محدش حا يقدرهم و نزل شوية فى سعر العربية بعد ما تشيل العدة الغالية
لكم مطلق الحرية جميعا بس دة رأى شخصى