في واحد قاللي انا ممكن اجيبلك تكييف تركبه على الولاعة
قاللي انه بيستورده من الدنمارك وسعره الفين جنية
هل الكلام ده صح ولا الراجل بيهيس؟
عرض للطباعة
في واحد قاللي انا ممكن اجيبلك تكييف تركبه على الولاعة
قاللي انه بيستورده من الدنمارك وسعره الفين جنية
هل الكلام ده صح ولا الراجل بيهيس؟
طب و الكومبريسور هيتحط فين؟؟؟؟؟
مش عارف منا بسأل
يا ريت
ده اكيد مروحة وبتملى درج ثلج وتشتغل تهوى على الثلج وطلعلك هواء
ياسيدي ماشي انا موافق حتى لو حاجة كده
بس لو حتركب بشكل شيك ونضافة كده وحجمها صغير ليه لأ ؟
الحجم هتلاقيه كبير نوعا ما هياكل التابلوه خـــــالص و كمان هيتحطله ثلج ... لإن مش طبيعي يكون في بورتابل فريون لإن الفريون عاوز كومبريسور والكومبريسور هيطلع هواء سخن بشكل طبيعي فموش ممكن أبدا إنه يركب كله جوه العربية :) ...
وشغل الثلج أساسا مقرف ... أولا لإنه مياة و أي نقطة توقع على اي حاجة كهرباء هتبوظ لا قدر الله ... غير انها ممكن تبهدلك اساسا لو بتنقط مياة او لو باظ فجأة لا قدر الله..
ما أنصحكش بشدة
يا جماعة اللي مجرب حاجة زي دي يقول لو سمحتم
انا شايف الناس عاملاها كتير في الهند والبرازيل والحتت دي ومبسوطين بيها
طيب متجيب ايس تانك واعمل زي ده وعيش حياتك وده مش هيكلفك كتير وهيكون شكله زى كده
http://www.instructables.com/image/F...p-and-easy.jpg
اصلا السعر مش منافس وقريب من سعر التكييف الحقيقي
بصراحه متستاهلش المغامره
خليه يجبلك صور ليه وهوا متركب
انا كلمت الراجل
الراجل بيقولي ان هو فعلا مش تكييف بس هو حاجة اسمها كووولر تحطله ميه او تلج وهو يظبط الجو
وبيقول ان سعره برة تلتميت دولار
ممكن تحطه في شنطة العربية وليه وصلة بتطلع من الكرسي اللي ورا تطلع الهوا الساقع في العربية كلها
انا دخلت على سايتات كتير وشفت ناس عاملينه عمولة وانا بفكر اعمل واحد عمولة مع نفسي في البيت
لو حد يقدر يساعني بافكار او اي حاجة يا ريت
ده حاجة انا لقيتها هي معمولة لطيارة بس كاتبين في السايت ممكن للعربيات برضه
YouTube - ‪Arctic Air Portable Airplane Air Conditioner from Sporty's‬‏
محدش يعرف اجيب مروحة جامدة منين ؟ وهل حتاخد اتناشر فولت بتوع الولاعه ؟ ولا حتحتاج اكتر ؟ افيدوني قبل ما ادوب من الحر
فين خبراء الكهرباء في المنتدى ؟ ولا خلاص كله اكمنه عنده تكييف في العربية مسقع للغلابة حالاتي هههههههههه
ستيريو ههههههههههههههههههه
والله عندك حق بص بص بقى انا مش حسكت
انشالله اركب تلاجة في العربية بجد لازم نتصرف هههههههههه
انا معاااك يا معلم :]
طيب انت عندك المروحه العاديه بتاعه العربيه اللى ليها علبه فى الكبوت متجرب تجيب ازازه تلج وتحطها فى العلبه دى وتشغل المروحه
دى كتجربه مبدأيه لو نجحت يبقى ممكن تطور فيى الصندوق بتاع المروحه ده وتخليه زى الايس بوكس
وعلى فكره مش حتلاقى مروحه اقوى من المروحه اللى بقولك عليها دى وهى 12 فولت طبعا ومتركبه وجاهزه عندك
والله انا لو راكب عندى وشغال كنت جربته لكن انا شيل العلبه بالمروحه ولو شغاله اصلا وصلات التهويه اللى راكبه فى التابلوه وطالعه من الهوايات عندى متشاله مش موجوده
:(((((
مش عملى ابدا
وبالنسبه لموضوع الميه اللى حتطلع من التلج والتكثيف ممكن تعمل خرطوم رفيع من بتاع المساحات ده فى اسفل الصندوق ياخد الميه ينزلها على الارض بعيد عن المروحه وحوض العربيه
بقولك يا باشا متيجى نتقابل ونشوف الحوار ده
ياريت والله يا ميسو
انت طلعتها في دماغي
المشكلة انا عندي المروحة دي فعلا وشغالة بس ضعيفة اوي مش حتعمل اي حاجة وبعدين بتضرب الهوا في اتجاه واحد يعني انا كمت عايز موضوع الشنطة ده عشان الهوا يبقا جاي من ورا يبقى الصالون كله مكيف
مضبوط يا ميسو فيها كل ده وبتحكم فيها
عل سرعة الواطية مالهاش لازمة خالص
عل سرعة العالية اكنك بالظبط جبت تنين صغير وقعته عل طابلوه قدامك وقولتله انفخ نار في وشي
حيطلع هوا سخن موجة ناحيتك يخترق جلدك وحيخلي عنيك حمرا وانت نازل من العربية اكنك كنت بتعوم في البحر المالح
ولو حطيته عل سرعة العالية وبعدته عنك ولا حتحس بأي حاجة غير طبعا صوت المروحة المزعج وتضطر تعلي صوت الكاسيت مش عشان تسم الاغنية لأ عشان متسمعش المروحة ده غير كمية الاصوات الغريبة اللي بتطلع من العربية في المطبات ولما ارفع رجلي من الدبرياش فجأة
http://img31.imageshack.us/img31/1/01042011289.jpg
Uploaded with ImageShack.us
هو ده المكان اللي تقصده يا ميزو ؟ هو دي العلبة بتاعه المروحة ؟ ولا مش هي ؟
لحسن احط فيها تلج وتطلع بتاعة حاجة تانية والعربية تنفجر هههههههههههه
ههههههههههههههههههه تنفجر ليه ياعم دى 128 غلبانه
ايوه هى العلبه المربعه دى
لو لقيت هوا بارد فعلا يبقى حتفك العلبه دى وتغلفها بالفل والعازل الحرارى وتبقى زى الايس بوكس
وبعد كده ممكن نعدل فيها
يا ميسو بس العلبة دي جواها زي خرطوم كدا بياخد هوا والمفروض انها كمان محطوطة تحت فتحة الكبوت بالظبط عشان تاخذ هوا من برة
فانا لو غلفتها وقفلتها حتاخد هوا منين ؟
وبعدين انا لو حطبت تلج ولا تلج ايه لو جبل من التلج بعد ما امشي بالعربية عشر دقايق حيدوب وش ده جوه الكبوت يا باشا ! ولا ايه ؟
طيب والجهاز اللى انت حاطه ده بياخد هوا منين
هو التغليف مش حيكون 100 % اكيد حتعمل فتحات تهويه من فوق عشان تاخد هوا
بالنسبه للسخونه ممهو مفيش حل ليها غير التغليف من بره بعازل حرارى ومن جوه ب الفيل الابيض بتاع التلاجات
وموضوع التلج اللى حيسيح ففى كل الاحوال حتى لو حتحط الايس بوكس فى شنطه العربيه
المسأله مسأله وقت فى الحالتين التلج حيسيح بالكتير بعد 4 ساعات
عشان كده انا مش لاقى حل للمشكله دى ووقفت الفكره من السنه اللى فاتت
لازم حاجه تعمل تلج بأستمرار
حاجة تعمل تلج باستمرار ؟ حاجة تعمل تلج باستمرار يا واد يا جاااااز
قول معايا
حاجة تعمل تلج باستمرار
اممممممممممم
محدش عايز ياخد عربيتي ويديني بدالها مروحة ؟
وجدتها يا ميسوووووووووووووووووووووو ووووووووووووووووووووووووو ووووووووووووووووووووووووو وووووو
بص يا ميسو الخرطوم اللي طالع من المروحة ورايح للبوكس ده مش ممكن امشيه من جوه العربية ؟ واخلي البوكس اللي فيه ثلج تحت الكرسي اللي جمبي ؟ ؟؟؟؟ وبكده يبقى معزول كويس عن الحرارة
ها ؟
انا لقيت فيديوهات على اليوتيوب طريقه تحط مش عارف جلسرين على ايه كده تلاقى التلج طلع
بس مش عارف المواد المستخدمه ايه
وهل التلج اللى حيطلع حيعمل بروده ولا منظر بس
بص يا سيدي التلج كده كده حيسيح فانت ممكن تحل المشكلة باكتر من طريقة
اما انك وانت نازل تاخد معاك كيسة فيها تلج صغير كده من التلاجة
او ان احنا نجيب التلاجة الصغيرة بتاعت العربيات ودي برضو موجودة وسهله
بس تلاجه العربيات مبتعملش تلج دى بتحافظ على درجه حراره المثلجات او بتخليها ساقعه مش مثلجه
وهو طبعا اكيد قبل منركب العربيه لازم تجيب معاك ازازه تلج او كيس تلج
بس حيقعد 3 ساعات او 4 وبعد كده بخخخخخخ طيب باقى اليوم حتعمل ايه
ماهي التلاجة حتخليه يقعد اكتر من اربع ساعات ان شاء الله بالاضافة الى مكانة اللي حنحطه في حتة معزولة تحت الكراسي مثلا
بص انا ما عندنيش مانع ادفع فلوس واجرب القصة دي
بس المشكلة اني معرفش منين اجيب التلاجة بتاعت العربية
بتتباع فين ؟
ممكن تجيبها من اي هايبر ماركت ( كارفور - هايبر وان )
وانا عندي فكرة ممكن تكون افضل واقل تكاليف وممتده تعالوا اقولكم عليها واعرض المشكلة الي ممكن تقابلنا ونحاول التغلب عليها معاً
ايه رائيكم نجيب انفرتر من 12 فولت تيار مستمر الي 220 فولت تيار متردد ويكون 300 وات مثلاً
ونجيب موتور ثلاجة صغير 1/5 حصان مثلاً
ونجيب مبخر ومكثف بتوع ثلاجة 10 قدم
وبعدين نوصل الانفرتر علي موتور الثلاجة ونوصل موتور الثلاجة علي المكثف بتاع الفريون والمكثف الي المبخر ثم الي موتور الثلاجة ونشحن الدايرة دي فريون وبكده يبقي عندنا تكيف كهرباء وليس له علاقة بالمحرك سوي سحب تيار زائد من الدينامو
المشاكل التي اعاقت الفكرة
1 - لابد من عدم حركة موتور الثلاجة اثناء العمل
2 - مدي الاعتمادية علي ديناموا السيارة في تغذية الانفرتر والتاثير السلبي
لو حد عنده افكار يطرحها ونحن نتناقش يمكن نستفاد
اخيكم
طارق علاء
طيب المشكلتين دول يخلو الفكره تفشل قبل متبدأ لان العربيه حتاكل مطبات بالهبل وانت بتقول انه مينفعش يتحرك
طيب ايه رأيك فى نجيب كمبيوسر تكييف بتاع عربيه بس اللى اعرفه انه مش لازم يشتغل فتره طويله يعنى شويه يسقع العربيه ويفصل تانى
والمفروض انه ليه سير بيبقى واخد حركته من الموتور ممكن نعمله مع الدينامو على نفس االسير
هو سؤال بره الموضوع موتور الثلاجه مستعمل بكام دلوقتى وينفع اشغله ككمبيوسر هواء فقط واطلع منه خرطوم هواء ولا يتحرق بسرعه
ياريت حد من المهندسين يفيدنا في القصة دي
مش موجودة يا باشا في كارفور اسكندريةاقتباس:
ممكن تجيبها من اي هايبر ماركت ( كارفور - هايبر وان )
دائره التبريد للثلاجه كبيره وثقيله وبتسحب كهرباء ( امبير )عالي ومينفعش تشتغل والعربيه بتتحرك علشان الزيت الى فى الضاغط ميدخلشى فى المواسير ( ضاغط تكييف السياره مصمم على فصل الزيت ) وثمنها قريب من ثكييف العربيه طب ليه منركب الحاجه الاصليه بتاعه العربيه
شوف المشاركه دى وقولى رايك فيها
http://www.nilemotors.net/Nile/219332-a.html