تكييف نيسان صني 2002

**eng_ehab** · 20-05-2011 08:14 PM

السلام عليكم ...

لما اجي ادور العربية في البداية و اشغل التكييف بسمع صوت زنه طالعه من التكييف مش من الصالون ..من الكبوت او التكييف نفسه ...انا رحت للكهربائي و كان شاكك في السير نضفه بس فضل الصوت موجود !!

ملحوظة برضه : التكييف يعمل بكفاءة عاليه و الكومبريسور بيفصل لما بيبرد ..يا ترى الصوت ده ايه سببه ؟! شكرااااااا

**KFLDS** · 21-05-2011 04:23 PM

السلام عليكم ..

ممكن يكون الزيت اللي في الكومبرسر عايز يتغير أو في حاجة مش مظبوطة جوه الكومبرسر نفسه..
هو الصوت ده أول ماال تكييف بيشتغل بس ولا مستمر طول ما أنت مشاغل التكيف ؟

ملحوظة : السير لو فيه مشكلة مش هينفع معاه تنضيف. .لازم يتغير .. هو حضرتك مغاير السير ده من كام ألف ؟

تحياتي

كريم فرحات

**Ahmed.TV** · 22-05-2011 02:36 PM

المشاركة الأصلية كتبت بواسطة kflds

ملحوظة : السير لو فيه مشكلة مش هينفع معاه تنضيف. .لازم يتغير .. هو حضرتك مغاير السير ده من كام ألف ؟

تحياتي

كريم فرحات

فعلا زى ما قالك كريم , السير مينفعش معاه تنظيف , وياريت تغير السير , وتطمنا ايه الاخبار

**Bishoy.Girgis** · 23-05-2011 02:18 AM

المشاركة الأصلية كتبت بواسطة Jim2009

ممن حد يفيدني عن قطع غيار العربيه ديه ؟؟؟؟ اسعارها ايه و متوفره و لا لا؟

علي فكرة حضرتك لو دورت في المواضيع المثبتة هتلاقي كل المعلومات اللي انت محتاجها عن النيسان صني
و علي العموم دول لينكات هيسعدوك :

http://www.nilemotors.net/Nile/163656-a.html

http://www.nilemotors.net/Nile/157121-2010.html

http://www.nilemotors.net/Nile/205196-a.html

**eng_ehab** · 23-05-2011 03:24 PM

شكرا جزيلا ع الردود ...

الحمد لله تم حل المشكلة هيا كانت السيور مش متثبته كويس و رحت للميكانيكي و ظبط كل سيور اللي في العربية ...و الصوت اختفى

ممن حد يفيدني عن قطع غيار العربيه ديه ؟؟؟؟ اسعارها ايه و متوفره و لا لا؟

العربية ما شاء الله ممتازة و قطع غيارها متوافرة و فيه منها الياباني و الكوري و التايلاندي و التايواني ...اعتقد ان في الاجزاء المعدنية و الميكانيكية في السيارة خليك في الياباني او الكوري ...

انا هاحاول الفترة اللي جاية ان شاء الله اعرضلكم اسعار قطع الغيار الياباني و الكوري و التايلاندي و التايواني خارج التوكيل