كلام مظبوط مليون %
طبيعة الإنسان عموما و الشعوب النامية خصوصا هي حب الظهور و حب الفشخرة الكدابة
:011-002: :sailor:
شكرا يا أستاذ فادي
عرض للطباعة
سؤال لخبراء السيارات ،
دلوقتى يا جماعة فى عربية كيا بيكاتو على الزيرو ، و ناعمة و ظريفة و كل حاجة ، بس فيها مشكلة ان العربية بترجرج على سرعة 70 كم تقريبا و كمان عصاية الفتيس بتترجرج هى كمان يمين و شمال جامد ، و العربية بتتظبط بعد سرعة 80 كدة و بتبقى تمام ، انا قولت ان دى مشكلة ترصيص زى ما الاخوة هنا قالوا ، بس هل من الممكن ان تكون المشكلة اكبر من كدة زى عيب فى الجيربوكس مثلا او حاجة ؟ و هل الضمان بتاع التوكيل يغطيها ؟
شكرا ليكم جميعا
يا استاذ توت جولدي اللي انت بتقول عليه ده احسن من سوني هو تكنولوجيا ياباني برضه يعني مش جايبه من بيته يعني
ومش معقوله امسك لشركه معروفه في العالم بأقوي اجهزة في كل مجالاتها بعيب فريد واهلل عليه
ما هو كل الشركات بيبقى لها زلات
مش معقولة انسى اختراعاتها وابتكاراتها وامسك في عيب
ده بيدل على التعصب ضد
مش كده ولا ايه
وبصراحه يا اخ توت انت بتقول كلام غريب
مقولة دي ياباني دي سبب وجودها كفاءة المنتج اللي اكتسح كل المنتجات الأوروبي اللي كانت موجوده في اسواقنا
والكلمة دي بتقال في الخليج ومش في مصر بس
وزي ما اخونا شيكو قال لحضرتك انها في كندا كمان
وبصراحه انت كده بتتهمنا ان احنا ليس لنا عقول نميز بها وماشيين نقول دي ياباني وخلاص بدون ما نرى بأعييننا
حضرتك ان اشتغلت فتره في الاكترونيات ولو حضرتك شوفت المجال ده عمرك ما هتلاقي واحد يختلف ان ملوكها هم اليابانيين
وكل انتاج شرق اسيا وخصوصا الصين معتمد على ما عطتهم اليابان منها لكي يتفرغوا بمصانعهم في اليابان لأنتاج ما هو مميز
ولذلك لا تجد في اسواقنا الان كاسيت ياباني او تلفزيون ياباني الا القليل جدا والذي يكون سعره عالي لما يملكه من تكنولوجيا لا تكون متواجده الا في منتجاتهم فقط
سامسونج الكورية اكبر شركة الكترونيات في العالم و ليس سوني ،،
منورين يا باشوات :)
أولا أحمد باشا أنور ليك وحشة يا باشمهندس ...عودا حميدا.......:coool:
سامسونج مين يا عم.... سوني يكسب كفاية إنه ياباني :laugh6: (بهزر طبعا... بس الحقيقة لا باطيق سامسونج و لا سوني بسبب تجارب شخصية )
ابتدي بتوت باشا .....طبعا تواجد السيارات الياباني في السوق الأوروبي مش مبهر بس أقوى كتير من تواجد السيارات الاوروبية في السوق الياباني و الموضوع لا يخلي من نعرات قومية من الجانبين (عقبالنا لما نبقى لينا نعرة :rolleyes:)
و مع احترامي السوق الأوروبي أصغر من سوق أمريكا الشمالية و أصغر من سوق اسيا بالذات لو اضفنا الخليج العربي و التفوق الواضح للسيارات اليابانية في الأسواق ديه مش بس على السيارات الأمريكية لأ على الأوروبي كمان حتى الألماني ....أيوة يا فادي باشا على الألماني بشهادة الأمريكان و الكنديين و مصيرك إن شاء الله تيجي أمريكا الشمالية و تشوف و تسمع بنفسك (بس بعد ما تروح اليابان الأول )....على فكرة عايز منك خدمة و إنت موسوعة في العربيات يا ريت تعمل موضوع عن لكزس LS هايبريد و نشوف رأيك إيه في المحركات الكبيرة
ده غير انك أنت بنفسك ما قدرتش تقول حاجة لما قارنت في الاعتمادية :)
أخونا عبد الله الكلام ده مش كلام الكنديين بس لأ الأمريكان كمان ...يمكن فيهم عبر الدنيا بس السوق بتاعهم من أنضف أسواق العالم في معايير الجودة..... و جمعيات حماية حقوق المستهلك من أقوى ما يمكن :7bteen:
يا أستاذ أبو عبدالله معلش أنا معاك انو سونى و توشيبا شركات لها شهرة جيدة فى مجال الالكترونيات و لكنها ليست الأشهر و الأغلى.
فمثلا فى مجال المشغلات الموسيقية, مشغل أبل ايبود الأمريكى هو الأغلى و الأفضل, و يأتى بعده مشغلات سونى, و طبعا تعرف أنه أغلى سعرا من سونى بمراحل.
فى مجال الكمبيوترات المحمولة, فان كمبيوترات اتش بى و أى بى ام هى الأعلى سعرا, و يأتى بعدها توشيبا و ديل, و أنا متأكد من ذلك لأننى اشتريت كمبيوترا محمولا منذ فترة. و طبعا هناك الأبل و هو أغلى منهم جميعا بمراحل.
ملوك الالكترونيات هم الأمريكيين و ليسوا اليابانيين, و لكن هذا لا يمنع أن مستوى اليابانيين جيد فى هذا المجال.
هو ليه دايما يا أبو عبد الله بتاخد كلامي على أنه تعصب ضد الياباني
يا جماعة اليابان دولة متقدمة جدا جدا جدا
بس مش لوحدها
و مش أول المتقدمين ........ و مش أول من بدأ التقدم
و اليابان بتنتج منتجات أكثر من ممتازة
و أنا مش بهلل !!! على عيب سوني
سوني لها أشياء رائعة و ممتازة و لها أشياء ....... ليس لها مكان سوى صفيحة ال ز ب ا ل ة
يعني اليابانيين بيصرفوا بالهبل على الأبحاث و ده شئ في صالحهم و مساعدهم على التقدم اللي هما فيه و أيضا مساعدهم إن الشعب الياباني شعب منظم و مطيع للنظم و القواعد و اللوائح المعمول بها في بلاده
و محدش شكك في الياباني يا أبو عبد الله
أنا كل اللي قلته
أن مش هما لوحديهم اللي بينتجوا إنتاج كويس
أوروبا فيها إنتاج ممتاز ............ و أمريكا فيها إنتاج ممتاز
إنما التعصب الأعمى لصالح اليابان و خصوصا في السيارات ......... ده اللي بيغيظ
في موضوع سابق على صفحات المنتدى عن مقارنة بين ياريس و النترا
المتعصبين للعربية الياباني حتى لو كارو
بيقولوا أيه
موتور 1300 سي سي أقوى من موتور 1600 سي سي
و الياباني 85 حصان و الكوري 121 حصان
تفسر رد الأخوة بأيه ؟؟؟؟؟؟؟؟؟
تعصب و عدم رؤية الحقيقة لمجرد أنها ياباني ؟؟؟؟
و لا أنا بحلم ؟؟؟؟؟؟؟؟؟
و بعدين كلام الأستاذ أحمد أنور مظبوط
سامسونج الكورية هي أكبر شركة إلكترونيات في العالم اﻵن
و بعدين أنا لما ذكرت تليفزيون جولدي أنه حلو
ده كان أولى بيك كمصري أنك تفرح إن في منتج مصري كويس
و على فكرة تليفزيونات سوني مش حلوة
سوني ممتازة في الكاميرات المحمولة الكبيرة و دي أكتر مجال هي متميزة فيه
و الكمبيوترات المحملوة بتاعتهم مش اد كدا و لا تقارن مثلا
بالتوشيبا ......... NEC
و أنا ذكرت شركتين يابنيتين علشان محدش يقولي أنت متعصب ضد الياباني
و على فكرة رواد صناعة الكمبيوترات ( الأمريكان ) بشقيها الأجهزة و البرامج و نظم التشغيل
و أنا لست ضد الياباني اطلاقا و لسبب بسيط
أنه في معظمه ............ أكثر من رائع و ممتاز
و برضه بكرر مش لوحده ............. فيه شركات كتيرة من بلاد تانية ممتازة و رائعة
بس علشان محدش كل شوية يتهمني بالتحيز ضد اليابان ( و اليابان بالنسبة لي كشخص ..... مثل أعلى في التقدم السريع المبهر الجميل ) و أتمنى إن مصر تكون زيها
هو ده الموضوع لا أكثر و لا أقل و الموضوع مش مستاهل ده كله
اضيف لكلآم أ / توت ،،
أن ماليزيا ،، مش فاكر تقريبا رابع دولة في انتاج الإلكترونيات في العالم و ده انجاز بالنسبة لحجمها
و ليها مركز متقدم جدا في صناعة اشباه الموصلات و كل المكونات الإلكترونية المتقدمة ،،
تصنيع و تطوير ،،،، و ليس تجميع
بس انا معنديش احصائيات دقيقة حاليا
مظبوط يا أستاذ أحمد .......... بارك الله فيك
أكبر منتجي الإلكترونيات في العالم هم
الولايات المتحدة الأمريكية رقم واحد عالميا
اليابان و كوريا واحدة فيهم رقم 2 و التانية رقم 3 بس مش فاكر الحقيقة الترتيب بينهم لأنه أتغير
ماليزيا ....
فرنسا
بريطانيا
روسيا
فنلندا
النرويج و السويد
و أنا مرضتش أجيب سيرة ماليزيا علشان الأخوة ميقولوش إن أنا متعصب لماليزيا علشان خاطر أنا عندي عربية ماليزي
مع إن أنا مبسوط جدا بماليزيا و فرحان جدا أنها الدولة الإسلامية الوحيدة اللي فيها تقدم رهيب في شتى المجالات و حصل في وقت قصير و بتفكرني باليابان في بدايتها و خصوصا بعد الحرب العالمية التانية
و كفاية إن ماليزيا عملت إللي الدول الإسلامية كله معملتوش
صناعة إلكترونيات متقدمة جدا
صناعة سيارات تخطوا خطوات ثابتة في ظل تعاون انجليزي حالي و ياباني سابق
صناعات أخرى متقدمة
تطور الحياة اليومية للشعب الماليزي و ميله للطاعة و اتباع النظام
و بدل من نفرح بيهم .......... !!!!!!!!!!!!!!!!!!!!!!
المهم إن اليابان متقدمة و أصبحت من السبعة الكبار في خلال 50 سنة فقط
و مش هما لوحدهم
اﻵن كوريا الجنوبية بتخطوا نفس الخطوات
ماليزيا نفس الموضوع
و اللي مش واخدين بالنا منه ............ هو المارد الصيني
أنتظروا الصين بعد 5 أو 10 سنوات في كل المجالات