استغاثة بي semsem kane

**megoz22** · 23-05-2011 07:03 PM

معلش يا سمسم باشا لو غطاء الريداتير مش 1.1 هيأثر بردو ؟؟؟؟؟؟؟؟

**SAMEH_FOUAD** · 23-05-2011 07:41 PM

هو طبعا انا بفضل الردياتير الكبير هيبقى احسن من الصغير

وبالنسبة للثيرموستات المشكلة ان دية الاسباب اللى انت بتقولها كلها ترجع الى الثيرموستات

طيب عموما عشان ماتغرمش قبل ماتغير حاجة

اعمل الاختبار دة

العربية دورها وشوف الحرارة لحد ماتيجى على المستوى الطبيعى هل المروحة هتشتغل ولا لأ , ولا هية هتشتغل اول لما الحرارة تبدأ تعلى

طبعا كل دة اعملة وهية واقفة وانت فاتح الكابوت وقولى اية النتيجة

**SAMEH_FOUAD** · 23-05-2011 10:58 PM

المشاركة الأصلية كتبت بواسطة megoz22

معلش يا سمسم باشا لو غطاء الريداتير مش 1.1 هيأثر بردو ؟؟؟؟؟؟؟؟

لأ مش هيأثر خالص

**vjack** · 24-05-2011 02:13 PM

المشاركة الأصلية كتبت بواسطة megoz22

و لا يهمك يا باشا كل تأخيرة و فيها خيرة بس حضرتك متأكد انها ثيرموستات المروحة لاني انا لسة مغيره بواحد استيراد و ياريتني كنت جبته جديد حتي لو كان تايواني المهم عشان لو جبته ملبسوش تاني زي اللي قبله و طبعا مش هينفع ارجعه بس انتي عارف اكيد ان ريداتير الهوندا ex صغير مش ممكن يكون هو السبب فانا اودامي الريداتير الكبير جديد ب 200 قبل الفصال و هيدي تبريد احلي للتكييف انتي ايه رأيك يا سمسم باشا.....

ببعد اذنك أنا محتاج الراديتر الكبير , ممكن حضرتك تقولي فين بالضبط الرادياتر الكبير اللي حضرتك شفته بـ200 جنيه ده؟
(ملحوظة, الرادياتير ملوش دعوة بالتكيف لأن تبريد التكيف بيكون على سربنتينا جنب التكييف أو وراه في بعض السيارات)

**megoz22** · 24-05-2011 07:46 PM

المشاركة الأصلية كتبت بواسطة vjack

ببعد اذنك أنا محتاج الراديتر الكبير , ممكن حضرتك تقولي فين بالضبط الرادياتر الكبير اللي حضرتك شفته بـ200 جنيه ده؟
(ملحوظة, الرادياتير ملوش دعوة بالتكيف لأن تبريد التكيف بيكون على سربنتينا جنب التكييف أو وراه في بعض السيارات)

انا في المعادي لو عايز تجيلي تنورني اللي انا بتكلم عليه بيبقي بعرض صدر العربية كله و بيتركب فيه مروحة التكيف كمان ...... اكيد انا مش اهبل لدرجادي و معرفش ان التكيف لي سربنتينة لوحدة علي فكرة كمان هو مبيتركبش فيه
مروحة زيادة للتكييف هي بتبقي مروحة واحدة ليها 3 سرعات..............

**megoz22** · 24-05-2011 07:49 PM

المشاركة الأصلية كتبت بواسطة tarekzein

منور المنتدى يا درش

دة بنورك والله يا طارق باشا احلي مسا مني علي احلي هونداوية

**vjack** · 24-05-2011 08:59 PM

المشاركة الأصلية كتبت بواسطة megoz22

انا في المعادي لو عايز تجيلي تنورني اللي انا بتكلم عليه بيبقي بعرض صدر العربية كله و بيتركب فيه مروحة التكيف كمان ...... اكيد انا مش اهبل لدرجادي و معرفش ان التكيف لي سربنتينة لوحدة علي فكرة كمان هو مبيتركبش فيه
مروحة زيادة للتكييف هي بتبقي مروحة واحدة ليها 3 سرعات..............

يا خبر أبيض
ليه حضرتك فهمت إن أنا بتريق, أنا فعلا محتاج رادياتر كبير ولما سألت اقل حاجة فالرفيع لقيته بـ250 جنيه والكبير مش اقل من 350
أنا آسف جدا لو حضرتك كنت فهمت إن كلامي في أي تقليل من شأنك, لما حضرتك هتعرفنا كلنا إن شاء الله كويس فالمنتدى هتتأكد إن ماحدش فينا أبدا بيحاول يقلل من شان حد أو يتريق أبدا