شرف ينزل من موكبه ويطلب الاسعاف لمواطن اصيب فى حادث على صلاح سالم

**dr-mohamed** · 22-05-2011 03:03 PM

انا احترم الدكتور شرف جدا ولكن
نفس الاعلام الفاسد نفس المسلك مع مبارك يتبع الان مع شرف
مبارك راح يشرب شاي في شقة احد الحاصلين على اسكان الشباب - الكلام ده قديم للناس الكبيرة - مبارك بيشرب شاي في العشة - طلع في الاخر صول في المباحث -
شرف ياكل فول من محل في الشارع - شرف يحمل جزمة الفلاحة في مكتبه - شرف يوقف سيارته لطلب الاسعاف لمواطن
المؤسف ان يوافق د شرف على نشر هذه الصور له وبعلمه من خلال معلومات شخصية مؤكدة فلا يمكن ان تلتقط اي صورة داخل مجلس الوزراء الا بموافقة د شرف وعن طريق المستشار الاعلامي له وبالتالي صورة حمله حذاء الست العجوزة كانت بموافقته
ان قيل ان ذلك لابراز تواضعه اقول نعم هو متواضع جدا لكن لا نريد منه تواضع بل نريد منه انجازات وبالامانة حتي الان المحصلة من اضعف ما يكون

**Ghost2** · 22-05-2011 04:42 PM

الكرسي كبير عليك شوية يا شرف .. بس حقيقي انت لحد الان اثبت انك مكن فعلا تنجح وتعدي بالبلد لبر الامان .. ربنا معاك (اللهم ازح الغمة عن مصرنا .. و وفق كل من هو وطني في خدمتها )

**misoalex** · 22-05-2011 04:57 PM

سيبنى ألمعك

طيب ياريت ينزل من موكبه على الزراعى والصحراوى ويشوف الحوادث اللى بتحصل

وياريت ينزل برضه من موكبه على اى منطقه عشوائيه ويشوف اللى فيها

وياريت ينزل برضه من موكبه ويتابع حركه الاقسام ويشوف الشرطه

وياريت ينزل من موكبه ويشوف ظباط المرور ويشوف مواقف السرفيس واللى بيعملوه فى الشارع

حقول ايه ولا ايه
انا مش شايف اى حاجه عملها الراجل ده من ساعه ممسك كويسه للبلد

مش عارف الناس فرحانه على ايه وناسيه ازمه انابيب البوتجاز وازمه الجاز وازمه البنزين واهم حاجه غياب الامن والسياحه اللى اتضربت

انا شايف ان الراجل ده اه ممكن يكون طيب ممكن يكون محترم
بس مش هو ده اللى يصلح للفتره دى خاااااااااااااااااااااااا اااااااااااااااااااااالص