سيراتو هاتش باك ..شوفتها فين دى ؟؟

**KHALED AYMAN** · 22-05-2011 01:43 AM

سلام عليكم ..
واحد صاحبى عاوز يشترى سيراتو هاتش باك ..
ومش لاقيين فى المحله ..المهم النهارده كنت فى طنطا لقيت معرض عارض سيراتو كوبيه ..وسيدان ..وبيكانتو ..وكارينز و سول ..
قولت بسسسسسس هو ده الى هيجيبها
ركنت و نزلت
واليكم الحوار :
انا : سلام عليكم
المندوب: عليكم السلام ..أأمرنى يا بيه
انا : عاوز سيراتو هاتش باك ..
هو : موجود يا بيه ..اهى واقفه (بيشاور على بيكانتو)
انا : ايه ده ؟؟ بقولك سيراتو مش بيكانتو ..
هو : ااااه معلش ...اهى ..(بيشاور على السول)
انا : ايه ده ؟؟ بقولك سيراتو !!
هو : ايوه يا بيه منا عارف ...شوف حضرتك عاوز انهى واحده فيهم (بيشاور على السول و البيكانتو)
انا :عاوز 2 من غير سلطه و كتر الشطه بعد اذنك ههههههه يا باشا بقولك كيا سيراتو هاتش بااااك يعنى سيدان من غير شنطه ..او كيا سيراتو "صالووون"
هو : شوفتها فين دى ؟؟؟
انا :فى كليب حماقى الجديد :) ..يا باشا موجوده و الوكيل نزلها
هو : لا يا بيه ..متصدقش حد ..مفيش الكلام ده ..اسمع منى ..انا شغال فيهم و عارف ..
انا : طيب الكوبيه دى بكام ؟؟
هو : 140 الف
انا : خليجى ؟؟
هو : اه
انا : مواصفات ايه ؟؟ سعودى ولا كويتى ولا اردنى ؟
هو : كله يا باشا ..العربيه كامله كل الكماليات !!
انا : يعنى العربيه تجميع من كل الدول دى ؟؟ ههههه يا باشا انتو جايبينها منين ؟؟
هو : من المستورد
انا : طيب فيها esp ؟؟
هو : طبعا يا بيه ..ومرايات كهرباء (طبعا هو مش عارف ايه التلات حروف الى فاتو دول و بيفتى)
انا :الفتيس الجديد ؟؟
هو : اه طبعا ..العربيه زيرو وهنا مقدرتش امسك نفسى بصراحه ...ضحكت و قلتله طيب هبقى اجيب اخويه يشوفها و نتكلم مع صاحب المعرض ان شاء الله ههههههههههههههه
بجد يا جماعه انا مش عارف الراجل ده ازاى واقف فى معرض !!
ده لو وقف فى معرض موتوسيكلات صينى مش هينفع بردو ههههههههههههههههههههههههه
انا مش متخيل بجد انى لو ناوى اشترى و لقيت الاخ ده ..هناك ..هلغى فكره الشراء اصلا بسببه

**ahmed_201091** · 22-05-2011 01:46 AM

هههههههههههههههههه ضحك من هنا للصبح
و كليب حماقى كانت قاتلة

**osama.m** · 22-05-2011 01:52 AM

لما بلاقس واحد زي دا بيكلمني بسيبة و امشي .. اوقات كتير بيبقى في ورقة على كل عربية فيها كل مواصفات العربية و السعر .. فا مش بسأل اللي موجود عن حاجة اصلا .. بس النوعية دي فعلا بتقفل الواحد من المعرض .. انت اشتغلت هنا ازاي يابني .. حتى لو انا مش هشتري و هتفرج بس المفروض تديني المعلومة صح

**smartchoice** · 22-05-2011 01:57 AM

هههههههههههههههههههههه
موقف كوميدى جدا
ربنا يكون فى عونك

**KHALED AYMAN** · 22-05-2011 01:57 AM

المشاركة الأصلية كتبت بواسطة ahmed_201091

هههههههههههههههههه ضحك من هنا للصبح
و كليب حماقى كانت قاتلة

هههههههههههههههههه
اانا بضحك لحد دلوقت مع ان الحوار بقاله ييجى 4 ساعات

المشاركة الأصلية كتبت بواسطة osama.m

لما بلاقس واحد زي دا بيكلمني بسيبة و امشي .. اوقات كتير بيبقى في ورقة على كل عربية فيها كل مواصفات العربية و السعر .. فا مش بسأل اللي موجود عن حاجة اصلا .. بس النوعية دي فعلا بتقفل الواحد من المعرض .. انت اشتغلت هنا ازاي يابني .. حتى لو انا مش هشتري و هتفرج بس المفروض تديني المعلومة صح

منا لما بلاقى حد زى ده ..بحب ادردش معاه ...عشان اضحك شويه ..ههههههههههه
والمعلومه الصح بدور عليها فى مكان تانى بقى

**ابو ليلى** · 22-05-2011 02:23 AM

هههههههههههه والله ياخالد انا عينى دمعت من الضحك

الله يكون فى عون صاحب المعرض

**medo_sirion** · 22-05-2011 03:10 AM

ههههههههههههههههههههههههه هههه مش كنت تروحة البيت افضل

**KHALED AYMAN** · 22-05-2011 06:53 PM

المشاركة الأصلية كتبت بواسطة revel_sony

والله ياباشا كتر خيرك الموضوع جامد
وخلتني اضحك وانا كنت متضايق قبل مقرأ الموضوع
جامد مووووت ....
وتقبل مروري

نورت يا باشا
انا كده خدت ثواب كبير انى ضحكتك :)

-

-

الموضوع: سيراتو هاتش باك ..شوفتها فين دى ؟؟

LinkBack

أدوات الموضوع

عرض

سيراتو هاتش باك ..شوفتها فين دى ؟؟ - انشر الموضوع فى :

-

-

-

-

-

-

المواضيع المتشابهه

سيراتو هاتش باك !

سيراتو هاتش باك 2011 + صور ( روكسى )

كيا تطلق سيراتو هاتش باك الجديدة

سيراتو الجديدة هاتش باك من كيا

الكلمات الدلالية لهذا الموضوع

المفضلات

المفضلات

ضوابط المشاركة