:36_1_50[1]: وليه الاحراج 26
مانا عشان كده بقولك فكر قبل مايفوت الاوان :b4_611:
عرض للطباعة
د عمرو
معلش موضوع الجواز ده موضوع شائك
يا دكترة ده نص بنات البلد من غير جواز طيب انت بتشوفهم فين اللي بيقولوا لا ليك
بجد بدون هزار عندنا بنات معيدين ومدرسين مساعدين وكمان مدرسين في الشغل عندنا الواحدة لو طالت تتطلق الواحد من مراته كانت عملتها
وكمان والله دول بنات ناس اوي ومحترمين ومستريحين ماديا جدا ومعظمهم راكبين عربيات (يعني مستوي علمي ومالي واجتماعي عالي) وبردو مش لاقين حد
علي فكرة ده من واقع تجربة شخصية
وعلشان محدش يقول اني بتحامل علي حد
انا متجوز وعندي ولد الحمد لله وسني دلوقتي 27 سنة يعني اتجوزت بدري بدري وريحت نفسي من دوشة الدماغ
هي كل البنات كدا لما الواحد يجي محترم معاهم و دغري يتدلعوا انما اللي يلف بيهم ويلعب ويوعد ويكون مصاحب عشرين واحدة هما دول اللي عايزينه للاسف
ربنا يستر كل من اراد الستر وعفة الدنيا والاخرة
واخيرا
الزوجة الصالحة رزق
وعلمت ان رزقي لن يأخذه احد غيري فأطمن قلبي
والله انا مش عارف اقولك ايه ع الرد ده
جبت م الاخر
انا نفسي مش عارف ليه كده
بس انا يمكن بروح علي حاجه عليها الطلب زياده :grin54:
وبعدين كمان انا بدأت احس اني اكون مباشر ودوغري مع الواحده غلط
مبقوش يحبوا كده
ده علي الاقل في اللي اتعاملت معاهم
انا عايز اتجوز لأني محتاج كده نفسيا
وخصوصا اني ماصاحبتش ومش عايز اصاحب
وانا ممكن الف علي واحده انسيها اسمها انا مش زي اللي بتشوفهم في التليفزيون كده بتوع طب دول اللي بيبقوا بيتكلموا وهما بيبصوا في الارض
ومحتاج اتجوز عشان اشيل الموضوع ده من دماغي
بس بقي الواحد متلخبط شويه من بعد الموقف ده
عموما ربنا يكرم
(رب لا تذرني فردا وانت خير الوارثين )
طيب يا د.عمرو نصيحة اخوية لاني على وشك اني امشي في مشوارك بس انت سابقني شوية (هبتدي ادور على عروسة)
صلي استخارة و ياريت اكثر من مرة قبل اول مقابلة و ياريت كمان تكون قبل الفجر بشوية (الثلث الاخير من الليل)
و لو اترفضت او اي كان مسمى اللي بيحصل معاك يبقى المفروض تفرح .. لن الموضوع ده مفيهوش خير ليك .. ربنا اختارلك انه ميتمش و كفا بالله معين
واحده مش لاقية فيك سبب للرفض و شايفه فيك كل المزايا
و مش عارفه تقرر تقبلك ولا لأ
تفتكر دي تنفع زوجة و ام لولادك؟؟
ربنا يوفقك
و لو فيه نصيحة لاخوك الغلبان بما انك خبرة يعني متبقاش تنساني :)
كان في واحد صاحبي في البلد خاطب وكتب كتابه ودفع المهر وطبعو جوابات الفرح وحددو معاد الفرح وكل حاجه كانت خلاص فاضل ايام علي الفرح ولواد كان مؤدب جدا وهباااااااااااااااااا قامت خطيبته او مراته بقي فركشت الليله وقالت لا اصله مش بيتكلم ولما بيجي مش بيكلمني وبقعد مع والدتي يعني عايزاه يعمل ايه مش فاهم واحد دخل البيت من بابه ولما بيروح بيقعد مع الناس اللي موجوده في البيت لكن في ناس بقي عايزاه يقولهم بعد اذنكم انا مش جاي اقعد معاكم انا جاي لبنتكم
الحمد لله في موضوع الجواز ده كنت رايح لاخت زوج بنت عمي وفجاه جاتلي مكالمه من واحد صاحبي وكان بيشكر قوي في واحده زميلتي من ايام الثانوي وقدرا والدتي سمعت المكالمه واصرت اني اروحلها ورحت اول مره ورجعت قفايا يقمر فرن عيش عشان ملاقتش حد عندهم مع ان الناس قالت تشرف في اي وقت ومع ذلك البنت دي بقت مراتي دلوقتي وهي اول واحده اتقدمتلها بس انا مش اول واحد يتقدملها لدرجة ان اهل البلد عندها كانو هيموتو ويعرفو هيا اختارت مين من كثرة العرسان اللي بترفضهم
يا نهار ابيض دى ازمة بجد بقى وقال انا الى بفكر اتجوز
بس انا عندى مشكلة انى عندى اختين بنات عايز اطمن عليهم الاول
بس بعد كلام الشباب انا كدة ضايع ضايع لو لقيت عرسان لاخواتى . يبقى هموت على ما الاقى لنفسى
طب اسمعوا بقا الموضوع الغريب ده ليا واحد صاحبى اسمه احمد كان بيحب واحدة وجات صاحبتها اسمها مروة قالتوا على فكرة هى مش تستهلك وكدا دى بتعمل وبتعمل وكدا وانت انسان كويس تستهل حد احسن منها
احمد اخد الكلام من هنا وتابع البنت الى كان بيحبها واكتشف ان كلام مروة صح طبعا ساب البنت دى نهائى لما اتكشف انها كدا
واتصل بمروة عشان يشكرها انها عملت خير فيه ومكلمة والتانية بقا يكلم مروة كل يوم مفيش اقل من شهر وفالى يا اسلام انا حبيت مروة وناوى اقولها ولو وفقت ان شاء الله اخر السنة اخطبها قولته طب اصبر شوية على موضوع الحب ده انت لحقت انت لسة خارج من ازمة المفروض تاخد وقت شوية مع نفسك وبعدين تبدا من جديد
قالى لا انا هقولها قولته خلاص ربنا معك وان شاء الله خير قالها من هنا وقالته ازى انت لحقت تنسها (على صاحبتها ) طب ولحقت تحبنى امتى المهم من هنا لهنا اقنعها قالته وانا كمان بحبك حلو لغابت كدا جميل
احمد بقا كان مبسوط ومقضيها كل شوية يكلمها ويتصل بيها ميعرفش موضوع التقل ده خالص وتالت او رابع يوم بعد ما صرحها بحبه قالها ان عايز اتقدملك رسمى قالتوا انا موافقة بس شوف بابا نظامة ايه وجاه قالى والله كنت مبسوط له اوى اوى
عشان بجد الواد ده طيب اوى ويستهل كل خير المهم مفيش يومين بعد الكلام ده لقيته جاى وكانه مات له ميت اعوذ بالله فى ايه يبنى قالى مروة بتقولى انها مش بتحبنى وانها مش حاسة بيا قولته ولا تعيط ولا تزعل نفسك
بس انت من الاول غلطان عشان كنت خفيف معها قولتلك اتقل شوية البنات كلهم مش بيحبوا الولد الى يترمى عليهم المهم قولتله متقلقش كل حاجة وليها حل اقفل موبيلاك ومتكلمهش نهائى عشان تحس بقيمتك وتعرف ان مفيش حد يعوضها عنك
المهم قفل موبيله 3 او 4 ايام وجاه فتحة بعد كدا لقها بعدت رسالة واحدة بس انت وحشتنى ومش عارف ايه وفى الاخر بحبك بس رسالة صغيرة مش فكرها بالنص يعنى
كلمتوا بعد كدا مكلمه صغيرة ومفتحش معها الموضوع خالص مجرد سلموا على بعض وقفلوا
قولته مفتحتش معها الموضوع قالى معرفش بس مفتحتوش وهى طبعا عملت نفسها من بنها ومجبتش سيرة الموضوع خالص ولا كنت حاجة حصلت
وهو دلوقتى لا حول ولا قوة الا بالله لا عارف هى عايزة ولا مش عايزة ولا بتكلموا عشان يفضل استبن لو مجاش عريس احسن منه
وحالته النفسية صعبة جدا
فا بجد البنات دول دماغهم غريبة لازم تتقل عليهم وتديهم على عينهم كل فترة عشان يفضلوا كويسين ولو بقيت ملاك طول الوقت هيطلعوا فيك القطط الفطسانة واسهل كلمه هتقولك ان مش حساك الى هى ماشية الايام دى وبعدين يجى يقوله العنوسة بتزيد ومش عارف ايه طب ما الى يرفص النعمة عمرها ما ترجعله ابدا عموما ربنا يهدى وبجد الواحد نفسه يتجوز واحدة عاقلة على فكرة موجودين بس قليل جدا جدا ربنا يرزفنا بيهم يارب لان لا حلوة ولا شكل ولا وش ولا عين خصراء ولا شعر هيفعك لو دماغها ضربه زى الاغلبية لكن لو واحدة عادية جدا فى الشكل بس عاقلة وفاهمه انت عايز ايه وهى عايزة ايه بجد دى الى هتخليك سعيد ومش هتشوف غيرها حتى لو قدامك احلا منها
فنصحيتى دور على صاحبه الدين والعقل فقط لا غير هى دى الى هتريحك وتحس بيك
احنا ننزل ميدان التحرير والمجلس العسكرى يشوف حل للمشكلة دى
احنا هنقعد نعقد نفسنا ليه
ابسط يا دكتور اهي طبلت علي الكل
لسه قاري في الجرنال ان الماذين الشرعيين هيدخلوا في اعتصام مفتوح من الشهر الجاي لغايه تعديل اوضاعهم و تنفيذ مطالبهم
يعني مفيش جواز و لا حتي طلاق غالبا خلع بس ههههههه