حد يديني حل طحينة فمية الراديتر

**eslaaam** · 22-05-2011 01:02 PM

يا جماعة الراديتر بفتحو عشان ازودو بقالى كام يوم لقيت المية فيها حاجة زي الطحينة كدة
شكلو زيت
لان الزيت عندى نقص النص فالمكنة
العربية مازدا 929 1985
والعربية بتسخن
ياترى ده يعنى اى وحلو بيكون اى وشكرا
ياريت رد سريع

**saadelden** · 22-05-2011 02:00 PM

حله تغير جوان وش السلندر

**eslaaam** · 22-05-2011 03:46 PM

فعلا في واحد صاحبي قالى اغير جوان وش السلندر
طب وياتري ده بيكلف اد اي ؟؟

**eslaaam** · 22-05-2011 03:47 PM

ولازم اعملو عند ميكانيكي مازدا بس ولا اى ميكاميكي يعملو ؟؟
وشكرا

**pop_king3** · 22-05-2011 09:33 PM

مش شرط جوان وش السلندر كله اول ما يسمع موضوع الطحينه يقول وش سلندر
مع ان ممكن يكون كوعه الميه اتخرمت زى ما حصل معايا

**eslaaam** · 22-05-2011 10:27 PM

المية بتنقص حاجة بسيطة جدااااااااا
والزيت بينقص تتوقع يبقي كوعة المية ؟؟
مبتهيأليش

**aymaym** · 22-05-2011 11:30 PM

بص يا مان لو الميه عملت طحينه يبقى العربيه مش هتدور ولازم هتلاقى نفس الشكل دا ف مقياس الزيت
لو المكنه بتدور عادى والزيت جواها مش طحينه يبقى الجوان لسع او فيه شرخ بسيط نتيجه العربيه سخنت منك وانت طنشت بس تقدر تجرب حاجه اسمها لحام بلوك بيتحط ف ميه الردياتير هى عبوة كدا بتتباع ف موبيل صناعه امريكى ب 25 ج وجرب كحل مؤقت بس نسيت اقولك غير الميه الاول ف الردياتير
اذا مجابتش نتيجه ولاقيت طحينه تانى ف الردياتير لازم تغير الجوان وهو ف جميع الاحوال رخيص وهاته عريض عشان السخونه المشكله بس ف العطله ووقفه الصنايعى
وقبل مااقفل قلى انا بدور على مازدا 929 كامله اللى من غير اطار الابواب وشوفت كتير منها بس خايف من سوقها ف البيع وقطع غيارها ياريت تقلى وتفيدنى وكمان متوسط سعرها كام الفبريكه فبريكه

**eslaaam** · 23-05-2011 02:27 AM

شكرا للافادة انا بكرة هروح للمكانيكي واجرب اغير الجوان وخلاص واريح دماغى
اما بالنسبة لل 929 انا معايا فابريكة جوة وراشة نضافة وماشة 200 الف لانها كانت مرفوعة 20 سنة مثلا
هي سعرها فحدود من 25 ل 33 على حسب الحالة طبعا
انا بكلمك على موديل عربيتي اللى هو مفهوش اطار فالبيبان
سوقها فالبيع تقيل لان قطع غيارها مش كتير
بس هي عربية فيها كماليات كتير الخليجي
مثبت سرعة باور مكيف عداد ديجتال
ده اللى اقدر افيدك بيه

**kolieb** · 24-05-2011 09:43 PM

نصيحتي لك بالأتي :-
- فك وش السلندر و الكشف عليه عند ورشة أوشاش سلندر للتأكد من عدم وجود تقفيع في الوش و يفضل عمل روديه للصبابات و تغيير اويل سيل صباب و ده هايكلفك كشط وش ( 120 ) لو إحتجت كشط + أويل سيل صباب ( 40 ) جنيه + مصنعية روديه و تركيب صباب ( 70 ) جنيه + جوان وش سلنجر و جوان مانيفولد ( 40 ) + مصنعية تركيب وش ( 80 ) جنيه
- غسيل دورة التبريد ووضع مياه خضراء
- التاكد من عمل المروحه
- بعد المشي بالعربه لمده لا تزيد عن 300 كم يجب العوده للميكانيكي و إعادة التربيط علي الوش و ضبط خلوص الصبابات
و الله الموفق

**hugan** · 24-05-2011 10:02 PM

المشاركة الأصلية كتبت بواسطة aymaym

بص يا مان لو الميه عملت طحينه يبقى العربيه مش هتدور ولازم هتلاقى نفس الشكل دا ف مقياس الزيت
لو المكنه بتدور عادى والزيت جواها مش طحينه يبقى الجوان لسع او فيه شرخ بسيط نتيجه العربيه سخنت منك وانت طنشت بس تقدر تجرب حاجه اسمها لحام بلوك بيتحط ف ميه الردياتير هى عبوة كدا بتتباع ف موبيل صناعه امريكى ب 25 ج وجرب كحل مؤقت بس نسيت اقولك غير الميه الاول ف الردياتير
اذا مجابتش نتيجه ولاقيت طحينه تانى ف الردياتير لازم تغير الجوان وهو ف جميع الاحوال رخيص وهاته عريض عشان السخونه المشكله بس ف العطله ووقفه الصنايعى
وقبل مااقفل قلى انا بدور على مازدا 929 كامله اللى من غير اطار الابواب وشوفت كتير منها بس خايف من سوقها ف البيع وقطع غيارها ياريت تقلى وتفيدنى وكمان متوسط سعرها كام الفبريكه فبريكه

غير عملي لو في شرخ في البلوك اللحام الامريكي مش ها يستحمل نفس المشكله كانت عندي في عربيه 125
وتم تغيير الموتور
بس ربنا يستر عندك وما يكونش شرخ في البلوك
ويكون جوان بس