الموضوع: حملة مرورية لضبط الموتوسيكلات فى الزقازيق

المشاركة الأصلية كتبت بواسطة SYD

ياريت يعملوا كدة في القاهرة
احنا عندنا تقريبا مابقاش في اي نوع من انواع الامن ولا اي ضباط او حتي عساكر في الاشارات الا بس الاشارات الي في وسط البلد والميادين العامة لكن شارع فيصل بطوله مثلا مافيهوش اي مرور والناس ماشية ظيطة

والله المستعان
،
،

مانا رايح جاى كل يوم شايف المهازل اللى بتحصل .. بس الدنيا بدأت تتضبط فى القاهرة شوية .. على طول فى عساكر عند المحور و ضبطوا الرادارات و شوية حاجات.

أنا متفائل أوى من ساعة ما سمعت قصيدة "أنا ضابط شرطة مصرى"

المشاركة الأصلية كتبت بواسطة kareemz

امبارح كان فى حملة مرورية جامدة عند ميدان القومية .. ضباط مرور و مباحث .. و كانوا مركزين أوى على الموتوسيكلات الصينى .. و قبلها بيوم كان فى حملة برضه عند عمر أفندى بيوقفوا أى عربية يشكوا فيها.

بصراحة كمية فظيعة من الموتوسيكلات الصينى ماشية من غير لوحات من أيام الثورة .. و قبل الثورة كمان و فى نسبة منهم بتسرق شنط البنات و الستات اللى ماشية.

الواحد فرح والله ان الشرطة نزلت تانى .. و كانوا فعلا ماسكين موتوسيكلات كتير من غير نمر .. و موتوسيكلات عليها نمر بس سايقها ناس مش معاهم رخص.

انا من الزقازيق على فكرة من شارع الامن الغذائى تحديدا بس عايش فى اكتوبر وعايز اقولك ان الزقازيق تعتبر من اكثر المدن امانا ان لم تكن الاكثر على الاطلاق من ساعة الثورة لحد الان (سبحان الله انا نزلت من اكتوبر وضرب النار والرعب ايام حظر التجوال لما كان من 8 مساء اطمن على شقتى هناك لقيت الجيش مغربل البلد والناس فاتحة المحلات والشباب والبنات خارجين ولا كان فى اى حاجة بتحصل فى اى حتة تانية ففضلت اعد هناك مرجعتش :) )
اما بخصوص الموتوسيكلات دى فاقل ما يقال ان دول شوية عيال تيييييييييييييت لازم ينضربوا بالنار فى قلب ميدان القومية :)

يا جدعان كفااااااااايه العيال ال بتركب ما يسمي بديفيل الموتسيكلات
يا الله لما يدعي البيت بيتهز الموتوسيكل الصيني ساعد ناس كتير كبيره علي مشاويرها ولكن الأسوأ الشباب تلاقيهم بيشدو مع بعض واغلبهم عيال صغيره معدتش ال 15 سنه المشكله ان في حوادث كتير بتحصل بيه وبيموت ال بيكون سايق علي طول او مش بينفع تاني وكلنا عارفين حوادث الموتوسيكلات
والله شوفت واحد مركب علبه ديفيل بتاعه عربيه ويشتغلوا بقا الحركه المستفزه يطفي ويزود ويشغل بوووووووم

المشاركة الأصلية كتبت بواسطة madaxman

يا جدعان كفااااااااايه العيال ال بتركب ما يسمي بديفيل الموتسيكلات
يا الله لما يدعي البيت بيتهز الموتوسيكل الصيني ساعد ناس كتير كبيره علي مشاويرها ولكن الأسوأ الشباب تلاقيهم بيشدو مع بعض واغلبهم عيال صغيره معدتش ال 15 سنه المشكله ان في حوادث كتير بتحصل بيه وبيموت ال بيكون سايق علي طول او مش بينفع تاني وكلنا عارفين حوادث الموتوسيكلات
والله شوفت واحد مركب علبه ديفيل بتاعه عربيه ويشتغلوا بقا الحركه المستفزه يطفي ويزود ويشغل بوووووووم

أنا مش معترض ان يكون فى وسيلة مواصلات رخيصة .. تساعد الناس انها تؤدى أمورها .. أنا بس معترض على عدم الانضباط و الشرطة اللى سايبه الناس دى بدون رقابة.

بالمناسبة واحد زميلى فى الشغل عدى و أنا بقرا الموضوع فشاف العربية اللى فى توقيعك .. بيقول لى دى صورة عربية الناموس ولا ايه؟