الموضوع مش في ايد المجلس العسكري ده في ايد القضاء انا والدي رفع قضيه و توفى و كسبناها بعد وفاته باربع سنين و كلنا عارفين القضاء حباله طويله
القانون الوضعي وثغراتة وبطأ اجرائات القضاء المصري الاعتيادية
المجلس العسكري بيحمي مبارك وخاين و و و و و
العيب من طرف تالت هبقي اكتبة !!؟
رقم العضوية : 57259
تاريخ التسجيل : 28Dec2009
المشاركات : 592
النوع : ذكر
الاقامة : alex
السيارة: skoda
السيارة[2]: Nissan Livina
دراجة بخارية: لا يوجد
الحالة :
السلام عليكم
انا هعرض ليكم واقعة شخصية حقيقية
الصيف الماضي .. واحدة وبنتها من اسيوط بتعدي فوق نفق الابراهيمية مباشرة . . خبطتهم
المهم طبعا مش هوصف الحادثة
لكن كل الي هوصفة اني اتصلت بوالدي قلتلة انا قتلت واحدة . . .
المهم الست دية الاسعاف اخادتها
وانا رحت قسم شرق . . .
اترحلت علي النيابة بليل وطلعت في يوميها . .
المهم ان الست شبة اتعجنت في الحادثة يعني التقرير المبدأي اشتباة كسر في العمود الفقري كسور في اليد كسور في الارجل اشتباة في شرخ في الجمجمة مع الرضوض والكمدات والذي منة
المهم في يوميها طلعت عادي . . .
حصل محكمة في المحكمة حكمت عليا ب 200 جنية غرامة و 500 تعويض
. . . . .
وحصل نقض علي الحكم . . وان شاء الله يدينا ويديكم طولة العمر هيصدر الحكم بعد 5-6 سنين
حالة الست النهائية كسر في الايد وكسر في الرج والبنت نزيف داخلي
كلهم تعالجوا الحمد للة طبعا من مدة رغم ان الست قعدت اسبوعين في الانعاش
المهم . . .
1- النيابة مقعدتنيش 4 ايام ولا حاجة
2-الغرامة والتعويض حاجة هبلة
3-مفيش اي اجراء ولا سرعة في الاجراء في قضية بعيد عن مين صح ومين غلط لكن قضية فيها روح كانت ممكن تروح
. . . . . . . . .
انا حكيت القصة دية بعد اتفاقي مع ناس كتير ان يوم 27 مفيش اي مطلب منطقي ولا حقيقي
غير سرعة محاكمة والتشفي من الفاسدين والقتلة . . . .
انا قلتلهم الحكاية دية بسبب الكلام الغريب الغير واقعي ابدا عن ان المجلس العسكري خونة ومظبطين مع حسني و و و و . . والله يعلم ان اي منصف هيفتكر جميل الجيش الف سنة قدام
المهم قلتلة دية قضية ليا . . وشوف حصل فيها اية . . .
-تنوية انا حكيت القصة باختصار . . . وللعلم انا بعت العربية الي عملت بيها الحادثة بكل حرية . . وان شاء الله بدور علي عربية جديدة . . واقسم بللة الله يعلم قد اية انا حزنت من بلبلدي هبل الاجرائات وكمية الثغرات الي في القوانين و و و . . -
يبقي العيب في القانون الوضعي وثغراتة وبطأ النظام و و
ولا المجلس العسكري خاين ومظبط مع حسني
العيب من طرف تالت !!
انا فقط طالبت اننا ننتظر نهاية الحكم والتحقيقات
يااما ننزل نطالب بمحاكمة المتهمين محاكمات شعبية . . . ومش مهم الفلوس تيجي من برة
او نغير القوانين ونطبق الشريعة الي بتحل المشاكل دية
رقم العضوية : 4959
تاريخ التسجيل : 27Jan2008
المشاركات : 3,051
النوع : ذكر
الاقامة : Zagazig
السيارة: Skoda Octavia A5 2007
السيارة[2]: Fiat Evo Punto 2011
الحالة :
الموضوع مش في ايد المجلس العسكري ده في ايد القضاء انا والدي رفع قضيه و توفى و كسبناها بعد وفاته باربع سنين و كلنا عارفين القضاء حباله طويله
رقم العضوية : 40467
تاريخ التسجيل : 17May2009
المشاركات : 3,058
النوع : ذكر
الاقامة : cairo-nozha
السيارة: SEPHIA 2000
السيارة[2]: Fiat Regata
دراجة بخارية: لا يوجد
الحالة :
ما هوا ده الناس مفروض تفهمه ...إن ديه لعبة قوانين و محامين و الجيش ملوش دعوة
[marq="2;right;2;scroll"]الحمد لله[/marq]
المفضلات