الموضوع: الاخوان عاملين مظاهره لوحدهم يوم 24/5

المشاركة الأصلية كتبت بواسطة wesam_salom

دى مش ورقه عاديه

ده صك احتكار الدين والجنه للاخوان ومن معهم

من ليس معنا فهو علمانى وكافر واحنا معانا مفتاح الجامع

ومن معنا سيمنح صك الغفران

يعنى اللى عاوز مجلس رئاسى علمانى واللىى بس يفكر يقول رأيه فى الدستور ملحد واللى يتجنن ويطلب تأجيل الانتخابات يعاقب عقوبه المرتد

يعنى 77% من الشعب قال نعم هندخل الجنه والباقى اعلنوا كفرهم

مش عارف امتى هنبطل سياسه التخوين ونعتبر ان اللى له رأى مخالف شىء كويس طالما بيعرضه بوضوح وفى نفس الوقت لازم يلتزم برأى الاغلبيه

وامتى بقى يبطلوا استغلال الدين

الكلام اللى حضرتك قلته لا ينم إلا عن مدى كرهك للإخوان "المسلمين" وهو صحيح بالكامل فى حالة واحدة .. أن تضع كلمة "الكنيسة" مكان الإخوان

خاف ربنا يا أخى كل ما قلته أكاذيب سمجة من اختراعات العلمانيين والفاسدين ومحبى السلطة المرعوبين من فزاعة الاخوان التى ستطيح بهم وبالفعل أطاحت بالكثير منهم

وياريتك تلتزم بكلامك ده ومتكونش أول مخالفيه:

مش عارف امتى هنبطل سياسه التخوين ونعتبر ان اللى له رأى مخالف شىء كويس طالما بيعرضه بوضوح وفى نفس الوقت لازم يلتزم برأى الاغلبيه

المشاركة الأصلية كتبت بواسطة dr ahmed

الكلام اللى حضرتك قلته لا ينم إلا عن مدى كرهك للإخوان "المسلمين" وهو صحيح بالكامل فى حالة واحدة .. أن تضع كلمة "الكنيسة" مكان الإخوان

خاف ربنا يا أخى كل ما قلته أكاذيب سمجة من اختراعات العلمانيين والفاسدين ومحبى السلطة المرعوبين من فزاعة الاخوان التى ستطيح بهم وبالفعل أطاحت بالكثير منهم

وياريتك تلتزم بكلامك ده ومتكونش أول مخالفيه:

مع كامل احترامى لحضرتك يا دكتور احمد

بس انا مبكرهش الاخوان وشايف انهم من انجح الفصائل دلوقتى فى مصر

والحمد لله انا مسلم ومقتنع ان افضل الحلول هى الدوله المدنيه الاسلاميه

بس كرهت الاسلوب المتبع بتاع اليومين دول وهو المتاجره بأسم الدين من ناس كتير

وانى لو ليا رأى مخالف حتى لو احتفظت بيه لنفسى ابقى اما علمانى او ملحد او او او

وان كل الرأى المخالف فى حفره واحده

نفس اللى بيحصل من المتعصبين فى الطرف الاخر لما بيصوروا واحد ملتحى بيشتم او بيقول هنعمل كذا ويرجعوا يقولوا شايفين السلفيين اكلى ودان البشر حارقى الكنائس

انا مسلم مختلف مع الاخوان فى الرأى السياسى

مش من حق حد يتهمنى بأنى علمانى

والورقه دى بتقول كده بالظبط

رغم انى متفق على ان نتيجه الاستفتاء لازم تحترم

لا يافندم مع احترامى لرأيك أنا شايف الورقة فيها مطالب محددة مالهاش علاقة باللى حضرتك استنتجته انهم بيتاجروا بالدين أو بيقولوا اللى معانا فى الجنة وغيرهم فى النار وانهم معاهم صكوك الغفران
كل ده مش فى الورقة وبعتبره تجنى شديد جدا عليهم ولا يوجد عليه أى دليل فى أى عصر منذ نشأة الإخوان بمصر والعالم
الإخوان أثبتوا إنهم ليسوا أقل وطنية من أى محب لمصر وكون إن ليهم مطالب فدا حقهم لإنهم لو مش واخدين بالنا مواطنين مصريين صبروا كثيرا على الأذى ومحاولات التهميش وتحدوا أقصى وأسوأ الظروف وربنا وفقهم حتى الآن

المشاركة الأصلية كتبت بواسطة hobiko

المشاركة الأصلية كتبت بواسطة dr ahmed

لا يافندم مع احترامى لرأيك أنا شايف الورقة فيها مطالب محددة مالهاش علاقة باللى حضرتك استنتجته انهم بيتاجروا بالدين أو بيقولوا اللى معانا فى الجنة وغيرهم فى النار وانهم معاهم صكوك الغفران
كل ده مش فى الورقة وبعتبره تجنى شديد جدا عليهم ولا يوجد عليه أى دليل فى أى عصر منذ نشأة الإخوان بمصر والعالم

بعد اذن حضرتك اول كلمه فى الورقه بتقول العلمانيون يقولون

بمعنى انى اللى مش موافق على الكلام علمانى فقط لا غير وانا اعرف ان العلمانى دى شتيمه وحشه ويا ريت لو لها معنى تانى حد يفهمنى

وده اللى انا مش موافق عليه

بالنسبه لموضوع الاخوان ودورهم فده حاجه محدش ينكرها

المشاركة الأصلية كتبت بواسطة misoalex

ايوه بس من باب {وَاعْتَصِمُوا بِحَبْلِ اللَّهِ جَمِيعاً وَلا تَفَرَّقُوا}
كانو قعدو مع بتوع يوم الجمعه وكل طرف اقنع التانى ووحدو الطلبات
كده حيبقى الضغط اقوى ببكتير من ان يبقى كل واحد ماشى فى سكه لوحده

كدا التفرقه زادت اوى بقا كل واحد لوحده
رجاء تحري الدقة عند كتابة الايات القرآنية
مشرف17ب

في بعض من الثورجيه مبيحبوش يوافقوا الى على اللي هم شيفينه بس وخصوصا لو كان الاقتراحات دي من الاخوان ...لأنهم ببساطه مش عاوزين الاخوان تبان في الصوره وده حقهم وهيقعدوا يقولوا الاخوان ركبوا الموجه ركبوا الموجه .. اهو الاخوان سبولهم الموجه كلها

انا مش شايف فرقه ولا حاجه .... كل واحد مطالبه مشروعه واللي معاه الاغلبيه على مطالبه يكسب و هي دي الديموقراطيه

المشاركة الأصلية كتبت بواسطة Amro_ON

في بعض من الثورجيه مبيحبوش يوافقوا الى على اللي هم شيفينه بس وخصوصا لو كان الاقتراحات دي من الاخوان ...لأنهم ببساطه مش عاوزين الاخوان تبان في الصوره وده حقهم وهيقعدوا يقولوا الاخوان ركبوا الموجه ركبوا الموجه .. اهو الاخوان سبولهم الموجه كلها

حلوة قوي ومعبرة وفي الجون بصراحة

المشاركة الأصلية كتبت بواسطة hobiko

هي دي الورقة إلي شفتها يا misoalex ؟؟


بيتهيألي دي واحدة تانية

لا دى واحده تانيه خااااااااااالص دى اول مره اشوفها ولسه حقرأها
دى مكتوب فيها اليوم الرابعه عصرا فتبقى دى وزعوها يوم الوقفه الصبح على كل الناس اكيييييييييد

طيب هو الفلوس اللى بتتصرف على كميه الدعايا دى بتيجى منين والغرض منها ايه او المقابل يعنى

يعنى الوزقفه دى اتكلفت عليهم بالميت مليون جنيه او نص مليون جنيه دعايا

الفلوس دى كلها اتصرفت مقابل ايه ؟؟؟؟؟؟؟؟؟