الموضوع: الاخوان عاملين مظاهره لوحدهم يوم 24/5

المشاركة الأصلية كتبت بواسطة تامر.محمد

الجماعة اللي طالبين مجلس رئاسي هما السبب
ناس كتير جدا مش موافقين عليه
و مع ذلك مصرين يحطوه ضمن مطالب يوم 27
و هايتسببوا في فشل اليوم منهم لله

الاخوان مش موافقين على الموضوع ده
هاينزلوا بالعافية مثلا ؟؟؟؟
ولا مطلوب منهم ان ماحدش يعبر وجهة نظرهم و ينزلوا برده كأن ممسوك عليهم زلة ؟؟؟؟؟
طب فيه ناس كتير مش اخوان و برده مش موافقين على مطلب مجلس رئاسي
دول بقى ماحدش هايقدر يهاجمهم اعلاميا لأنهم ببساطة بلا كيان
هاتعملوا لهم ايه ؟؟؟؟؟؟؟؟

عشان كده بقول كانو لازم يقعدو مع بعض الاول ويتفقو على عدم التفرقه وفى الاخر الصح يمشى

لكن اقول انا متفقوش ليه
عشان الاستفتاء كان لصالح الاخوان او بمعنى ادق هما اكتر ناس راحت واشتركت كان فيه مش عارف مين من قياده الاخوان بيقول ان نتيجه الاستفتاء كان اغلبها اخوان بنسبه اكبر من 75% من اللى قالو نعم
طيب هما منظمين نفسهم على انهم داخلين انتخابات مجلس الشعب وحيمسكو 50% او اقل بسيط من مقاعد مجلس الشعب
وكده يتحكمو هما فى مصير الدوله والدستور الفتره القادمه وده مش كلامى ده كلام ناس من الاخوان اعرفهم والكلام ده اتقالى فى وشى

طيب انت دلوقتى امام حزب بيدور على مصلحته وعاوز يمسك مجلس الشعب ويبقى هو اللى استفاد من الثوره وو القوه المسيطره فى الفتره القادمه

عشان كده بتوع التحرير متفقوش مع الاخوان الاخوان عاوزين يسيطرو على مجلس الشعب والثوار مش عاوزين كده وعاوزين دستور الاول ومش عاوزين حزب وطنى تانى اسمه الاخوان

وعلى فكره الكلام ده مش جديد من اول الثوره والناس بتطالب بدستور جديد قبل فرعون او رئيس جديد

ده التحليل المنطقى للموقف بعد ترتيب الاوراق

بس ايه اللى حيحصل الله اعلم

معايا فى الكلام ده ولا انا غلطان

المشاركة الأصلية كتبت بواسطة تامر.محمد

الجماعة اللي طالبين مجلس رئاسي هما السبب
ناس كتير جدا مش موافقين عليه
و مع ذلك مصرين يحطوه ضمن مطالب يوم 27
و هايتسببوا في فشل اليوم منهم لله

الاخوان مش موافقين على الموضوع ده
هاينزلوا بالعافية مثلا ؟؟؟؟
ولا مطلوب منهم ان ماحدش يعبر وجهة نظرهم و ينزلوا برده كأن ممسوك عليهم زلة ؟؟؟؟؟
طب فيه ناس كتير مش اخوان و برده مش موافقين على مطلب مجلس رئاسي
دول بقى ماحدش هايقدر يهاجمهم اعلاميا لأنهم ببساطة بلا كيان
هاتعملوا لهم ايه ؟؟؟؟؟؟؟؟

المشاركة الأصلية كتبت بواسطة abou_ruqi

بص يا خميس بالنسبة لموقف الاخوان من الثورة الاولى
هما قبل الثورة قالوا انهم لن يشاركوا فيها لكنهم كانوا فيها من اول يوم , ليه? حتى لا يظن الناس والاعلام انها ثورة الاخوان فيرفض النزول من يكرههم
وبالتالي يتم اجهاض الثورة , بينما هم جزء منها
ثم اعلنوا تواجدهم ونزلوا بقوتهم التنظيمية المعروفة بعد ذلك لحمايتها .ولو لم يفعلوا ذلك لاجهضت الثورة
يعني لو نزل الاخوان من اول يوم كانت باظت ولو منزلوش بعد ما بدأت كانت باظت , فهم عملوا الصح

اما الوقفة دي ان شايف ان مطالب يوم الجمعة مش عجباهم زي ما هي مش عاجبة كثير من الناس, فظبطوا المطالب الي احنا عاوزنها فعلا وحيعملوها في يوم تاني حتى لا يختلط الحابل بالنابل يوم الجمعة

ده رأيي والله اعلم

أؤيدك تماما

المشاركة الأصلية كتبت بواسطة hh

على فكرة تم الغاء مطلب المجلس الرئاسي من مطالب يوم 27. الناس لما لقت اعتراض عليه مشيت مع رأي الأغلبية, انما واضح ان الأخوان بيدوروا على المكاسب السياسية و تولع البلد

وكانو حاطين ليه من الأول كويس أنهم أعترفو بأنه كان من ضمن المطالب لأن كان فيه ناس كتيرة بتكدب المطلب ده

المشاركة الأصلية كتبت بواسطة hobiko

هي دي الورقة إلي شفتها يا misoalex ؟؟


بيتهيألي دي واحدة تانية

دى مش ورقه عاديه

ده صك احتكار الدين والجنه للاخوان ومن معهم

من ليس معنا فهو علمانى وكافر واحنا معانا مفتاح الجامع

ومن معنا سيمنح صك الغفران

يعنى اللى عاوز مجلس رئاسى علمانى واللىى بس يفكر يقول رأيه فى الدستور ملحد واللى يتجنن ويطلب تأجيل الانتخابات يعاقب عقوبه المرتد

يعنى 77% من الشعب قال نعم هندخل الجنه والباقى اعلنوا كفرهم

مش عارف امتى هنبطل سياسه التخوين ونعتبر ان اللى له رأى مخالف شىء كويس طالما بيعرضه بوضوح وفى نفس الوقت لازم يلتزم برأى الاغلبيه

وامتى بقى يبطلوا استغلال الدين