الموضوع انه مش رسم الموضوع شحاته والغريب ان فى بنات معاهم وهما الى واقفين يلموا الفلوس الغريب البنات دى بتخرج من بيت اهلها ازاى ولا اهلها بيسبوهم كدة ازاى
عرض للطباعة
الموضوع انه مش رسم الموضوع شحاته والغريب ان فى بنات معاهم وهما الى واقفين يلموا الفلوس الغريب البنات دى بتخرج من بيت اهلها ازاى ولا اهلها بيسبوهم كدة ازاى
فكرت كثيرا في موضوع التنظيف والتجميل في شوارع البلد
واعتقد انه عمل ناتج عن احساس دفين بعقدة الذنب
انا شايف الموضوع عادى وموجود فى العالم كله عايز تديهم اديهم مش عايز خلاص
وفى ناس برة بتعزف موسيقى فى الشارع
انا للاسف مش عارف انزل صور ازاى بس كنت هواريكوا شوية صور ثلاثية الابعاد مرسومة فى الشوارع روعة
بصراحة انا ملاحظ فى حالة تحفز عام ضد بعض
أنا في أي فرصة بشوفهم بأديهم اللي ربنا يقدرني عليه
مش فاهم ايه المشكلة يعني ؟؟
هوا إحنا خلاص مفيش اي ثقة في اي حاجة
اول ما بيان التنحي اتقال والناس قالت ننضف بلدنا
كان فيه شباب كتير بينزلوا ينضفوا الحي بتاعهم
والفلوس اللي بيبقوا لاموها عشان ادوات النظافه والبويات لدهان الارصفه بتخلص
فابتكروا الفكره دي
وانا ساعدت ناس كتير منهم لان ساعتها كان كله بيعمل كده وكله بينظف
انما دلوقتي ايه لازمته
المطلوب ننضف البلد بجد من الافكار اللي عندنا ومن الفساد اللي فيها
مش حنقضيها دهان ارصفه
العملية كلها فراغ ثقافي وعقلي . . يعني مثلا ليا واحد قريبي في مدارس اجنبية وحاجات من كدة في ثانوي . . المهم نزل مع الي بيرسموا في نفس الوقت اقريبي دةd: بتاع بنات جدا ربنا يهدية . . دايما اتخانق معاه عشان بيرمي في الشارع الزبالة ومجنن خالتي ربنا يقويها علية d: الاعجب بقلة يا ابو حميد اية الي منزلك متعمل حاجة مفيدة بدل الهجص دة يقلي يبني خليك متحضر d: فضحكت وسكت
الى بيحصل فى الشوارع دة هبل طبعا و مرة هزقت العيال دى جامد فى نفق الكوربة قافلين الدنيا و كل عربية تعدى يطلبو فلوس و الناس للأسف عندها حب استطلاع غير طبيعى و النتيجة النفق مقفول تماما .
الولاد الصغيرين الى ساكنين فى المنطقة طلعو و لمو فلوس دول أديتهم عن طيب خاطر و بجد نظفو الشارع و أشترو مقشات و أكياس زبالة و لمو كل حاجة و الله خلو الشارع يبرق البلدية بتاعت الحى عمرها ما نظفت بالشكل دة بس يرسم على البندورات بتاعت الرصيف بالالوان دة مضيعة للفلوس و كلام فاضى و عبط بصراحة .
ممكن بزرع جنينة فى نص الشارع ماشى حاجة حلوة يعمل سور للجنينة برضو ماشى بس الوان و هبل و شغل بيض شم النسيم دة عبط رسمى منهم بصراحة
يا اخوانا حد يقولى انزل صور ازاى
هو رد حضرتك انسب رد شفته عالموضوع لحد دلوقتي .......
لكن معرف ايه اللي الناس كاتباه ده .......بصراحه ردود تقرف
بص للشباب دول كده .شكلهم و لاد ناس كلهم اصلا مش مستنين عطف و كرم الجنيه بتاع حضرتك ...
اه هما ساعات بيعملوا حاجات غلط بالرسم و التلوين ده ....بس برده في حتت في مدينه نصر و عين شمس
قلبوها من مقالب زباله لجنينه و راسمين وراها حاجات حلوه قوي
يبقى هما ايه ؟؟؟؟نيتهم خير لكن ساعات بيغلطوا و مفروض نقلهم بالحسنى ....
مش شحاتين :untitled 1:
ملحوظه : لو كان اللي بيحصل ده حصل في اي حته في العالم كان زمان نفس الاعضاء دول جايبين صور و يقولك امتا نبقى كده ......
انا مش فاهم علاقة الموضوع بالثورة
بس عادي
بلدنا مشهورة براكبي الموجة
و لعلك تفتكر الشركة اللي كانت بتنتج رقائق ذرة للأطفال و بتنزلها بأسامي لعيبة الكورة و مسلسلات الكرتون