اقتباس:
المشاركة الأصلية كتبت بواسطة lovely_love
يا جماعة الى مضايقنى ان مجهود الشباب دول بدل الرسم على الارض وطلب المساعدات من الناس ممكن ينفع فى حاجات للبلد نزيد بيها الامان فى البلد بدل الرعب الى ناس كتير عايشة فيه
فعلا انا معاك يعني ع سبيل المثال
ممكن يعملوا لجان شعبية لكن بالتنسيق مع قسم شرطة المنطقة يكونوا زي قوات لحماية الشوارع غير رسمية
و ده لمواجهة الانفلات الامني مؤقتا و ممكن يكون ليهم زي موحد (يونيفورم ) في كل مصر و يكون مثلا كارنيه متعلق علي الصدر و يكون غير قابل للتزوير حاجة بس تثبت انه من اللجان الشعبية مش واحد جي يتنطط ع العربيات و الناس و خلاص
و ممكن الشرطة تدربهم اسبوع او اسبوعين ع ازاي يتعاملوا مع المجرم او يكتفوه و يثبتوا في الارض..الخ ..الخ
يعني الحاجات البسيطة ديه اللي تنفعهم
و يكون في دوريات شرطة من القسم عشان تتابع عملهم و يتأكدوا ان مفيش حد بيدعي انه بينتمي ليهم
و طبعا قبل ما يتم اختيارهم يتكشف عنهم و يكونوا من سكان المنطقة و بيتمتعوا بحسن السمعة و لياقة
و تحليل دم عشان ميكونش واحد اعتذر عن اللفظ حشاش او مدمن مخدرات...الخ ...الخ
و في اقتراحات كتيير زي التقسيم و توزيعهم
بس فين بقي اللي يسمعلك او يدرس و ينفذ اقتراحتك
انا من ساعة موضوع اللجان الشعبية و بقول ع الكلام ده لكن لا حياة لمن تنادي :)
و لو الموضوع ده اتنفذ انا متأكد ان شاء الله ان البلطجية هيخافوا يطلعوا اساسا