عرض للطباعة
بين الـ 40 و الـ 50 ألف ... ألاقي إيه مستعمل بحالة كويسه ؟؟
أهم متطلباتي :
- موتور قوي ( يعني عربية سحبها حلو )
- فرامل و أمان .
- أعطالها قليلة .
- واسعه نسبيا ، و ماتكونش واطيه أوي .
- يا حبذا يا حبذا لو كانت أوتو .. بس المنيوال تمام برضه مافيش منه مشاكل.
- مش مهم قطع غيارها تكون غالية أو رخيصة لكن لازم تكون متوفره في السوق .
- مش فارق معايا كتير الشكل و الماركه ولا الكماليات لكن لازم تكون عربية مريحة في السفر.
طبعا الكريستالة لو حالتها حلوة و يا سلام لو أوتو و كهربا تبقى تماااااااااااااام .. لكن هل الكريستالة سحبها حلو و فراملها حلوة ؟؟
البولو رووووعه لكن هل ممكن تكون متوفره بحالة حلوه ... و كمان هل سحبها حلو ؟؟
السيفيك بحبها أوي .. لكن مش عايز عربية تكون فات عليها 15 سنة و كمان واطيه أوي !!!
الأسترا مافيش كلام لكن أنا عايزها شكل 2004 هل ألاقيها بالسعر ده ؟؟ و هل ممكن ألاقي منها 1600 ؟؟
عموما كا عربية و فيها حاجة حلوة و حاجة وحشه ... فيدوني بآراءكم ....
بص يا باشا
موتور في عربيات كتير اوي مواتيرها ما شاء الله زي الفل
لكن امان و فرامل و ثبات انت كده عايز حاجة الماني مثلا
انا برشح لحضرتك فيكترا 99 1600 بس بعد الكشف الدقيق عليها
لو لقيت واحدة نضيفة هاتعجبك اوي و هتلبي متطلباتك كلها تقريبا
و ربنا بوفق
يا ترى فيكترا 2 أقدر ألاقيها في حالة كويسه بالسعر ده ؟؟
مشاكل الاوبل لا تعد ولا تحصى ....
اوبل ...
لكن مش هقولك تجيب حاله ممتازه
اقل من حاله شاذه متنفعش
قدامي لانوس .... يعععع ... أنا عايز أهرب من الكوري بأي شكل.
البولو من أقرب المرشحين .. بس هشوف حالتها الأول ، لكن برضه مازلت خايف من سحبها لإنها 1300.. أجمل حاجة فيها إنها ألماني و موديل 2001-2002 يعني لسه فيها عمر.
و إيه رأيكم في الريو القديمه .. أو الشوما .. أو السيفيا ... الكيا القديم عموما .. هو أنا بخاف من الكوري جدا بس الإصدارات القديمة من كيا كانت محترمه و الناس بتشكر فيها!!!!!
حضرتك ممكن تجيب دايو نوبارا 2004 بحالة نظيفة او رينو كليو 2004 بحالة نظيفة , انما لو ملقتش هات فيرنا 2007 او 2008 تكون بحالة فوق الممتازة ..
نصيحة لله ابعد عن الأوبل فيكترا نهائى و الأوبل عموما لأن العربيات دى تتجاب زيرو انما مستعمل نصيحة بلاش ..
فى النهاية الأختيار لك و ربنا يوفقك فى اختيارك .......
قدامي نوبيرا 2006 بحالة ممتازة .. قدامي لانوس .. قدامي بولو .. !!!!
كله مانيوال .. كله كهربا و باور .. كله نضيف من جوه ..
ولو إني مش بحب الكوري .. لكن عربية عمرها فقط 5 سنين أكيد أحسن من عربية بقالها 10 سنين .. طبعا بتكلم عن البولو ..!!!
إيه رأيكم ؟؟؟
اقتباس:
المشاركة الأصلية كتبت بواسطة dawns_mist
بلاش بولو لو حصلها حاجة هتلاقى قطع غيارها مولعة نااااااااااار و ممكن متلقيهاش انا قلت لحضرتك العربيات دى تتجاب زيرو مش مستعمل...
ثانيا: لو حضرتك مش عاوز كورى , حضرتك ممكن تجيب لانسر كريستالة موديل 98 بشرط ان تكشف عليها و تكون حلتها ممتازة و اعتقد ان من النادر تلاقى لانسر كريستالة بالحالة اللى انت متخيلها ..
و ممكن كمان تجيب رينو كيليو 2004 تكون حالتها محترمة ..
و ربنا يوفقك فى اختيارك ...
what about ford mondeo , or ford escort ?
also what about kia old rio or spectra or shuma ?
Check the Daihatsu YRV
On Contact Cars
Safety
ABS
Auto
Spare parts @ Ausheen El7erafyeen
Very good accelereation & Stability
ألف شكر يا باشا فعلا كويسه .. لكن أنا من طنطا .. فمش هعرف أنزل الحرفيين كل ماحتاج حاجة ليها !!!
لكن عموما فعلا عربية ممتازة .. و هفكر فيها أكيد
خلاصة الكلام :
- سيفيك 92 فل مانيول بـ 37 ألف
- نوبيرا 2001 فل أوتو 43 ألف
- كريستالة 98 فل أوتو 45 ألف
- بوينتر 2005 1600 منيوال فل 47 ألف
؟؟؟؟؟؟؟؟؟؟؟؟؟؟
إيه رأيكم ؟؟؟
I Vote for Lancer 98
أنا ميال أكتر للكريستالة ... خصوصا إني ممكن أظبطها براحتي أو أسقطلها موتور أو أو ... بينفع فيها كل حاجة ... إيه رأيكم ؟
آاااااااااااخر كلام :
كورسا 2003 منيوال كاملة
كريستالة 98 أوتو كاملة
؟؟؟؟
اقتباس:
المشاركة الأصلية كتبت بواسطة dawns_mist
كريستاله احسن في قطع الغيار واوسع واكبر من الكورسا واوتو
وممكن بردو تدور علي كرولا عيون مش وحشه وعربيه جميله بجد او كرولا الملكه وابعد عن الاوبل عشان قطع الغيار
Mercedes 200
تماااااااااااام .. تسلم إديكو يا شبابا .. ألف مليون شكر
ممكن تحط فى اعتباراتك الابيزا 1998 عربية اعتقد انها كويسة
لانسر كريستاله...ومن بعدها ارشحلك السيفيا تحفه فى السفر وموتور وحش جبار على الطريق غير انها واسعه جدا جدا من جوه وقطع غيارها متوفره ورخيصه اوى وتكييف محترم
الإيبيزا 98 فعلا محترمه جدا .. يمكن بس بقلق من صيانتها شوية إكمنها مستعمله .. و السيفيا أصلا عربية ممتازة و فعلا أنا كنت حاططها في اعتباري .. بس أعتقد لو الكريستالة موجوده هتكون أحسن لإنها ياباني و ممكن كمان ألعب فيها براحتي.