العربيه اكسارا 2 مانيوال موديل 2002
عطل غريب اول مره اسمع عنه
في الصباح بعد تدوير العربيه تصل الي درجه حراره تشغيل المروحه و تشتغل متفصلش الا بعد ابطال العربيه و لو بعد شويه دورتها تاني تشتغل المروحه على طول و طبعآ طول الوقت حراره العربيه بتئل و لو شغلت التكيف يشتغل كويس
اما
ليلا من الساعه 7 تقريبآ تشتغل المروحه طبيعي جدآ تسخن العربيه عادي و تصل لدرجه تشغيل المروحه فتشتغل و تفصل طبيعي جدآ و لكن لو شغلت التكيف بيكون تبريده ضعيف جدآ جدآ
حد يعرف السبب
منتظره ردودكم
شكرآ
الفكرة العامة ان المروحة بتشتغل على ترومستات فى الريداتير لما بتوصل لدرجة حرارة معينة بيفتح المروحة وتفصل لما درجة الحرارة توصل للمطلوب وهكذا ....
يعنى مثلا لو الترومستات 90 85 ..يعنى المروحة بتشتغل لما توصل درجة الحرارة ل 90 ولما تنزل درجة الحرارة ل 85 بتفصل المروحة ...
انما مثلا لو بتفتح على 90 وبتفصل على 70 ..مش هتكون زى الى فوق وهتشتغل فترة اطول بالتاكيد ..وفى الصيف وبالظهر بالذات لو المروحة ضعيفة مش هتقدرى توصلى لدرجة 70 دية .. زى الفيات القديم بيحطوا ترومستات قليلة علشان المروحة متفصلش ابدا
باليل لما يكون الجو ساقع فدة بيساعد مع المروحة انها توصل للدرجة الواطية بتاعت الترومستات فبتفصل طبيعى ....
طيب يباشا هل يمكن التحكم في الدرجة اللي تشتغل عندها المروحة أو تفصل عن طريق الترومستات ؟؟ ...اقتباس:
المشاركة الأصلية كتبت بواسطة e30power
ولا الأفضل إنها تفضل علي ضبط المصنع ... (( أصل أكيد لو المروحة أشتغلت علطول هتبقي رخمة جدا )) ..
شكرآ للاهتمام
المروحه الصبح مبتفصلش و تفضل حراره العربيه تقل جدآ
و ده الغريب هي بتشتغل عند 92 تقريبآ و متفصلش مهما قلت الحراره
لكن باليل لما بتشتغل و تفصل عادي العربيه بتحافظ على حرارتها الطبيعيه
منتظره الردود
الترومستات الى فى الريداتير هيا الى بتنزل بدرجات حرارة معينة وببساطة بتغيرها بمزاجك انتا على حسب طبيعة مشيك .... مش مستحبة انها على طول تكون شغلاة لانها بتقلل العمر الافتراضى بتاعها
............
انا مش قادر احدد او افهم المشكلة الى عند حضرتك لانها ليها كذا سبب ولازم الكشف بالعين .....
بس عموما ...تبريد المية ..بيكون كالاتى ..فى حاجة اسمها ترومستات الكوعة ودية بتكون فى الموتور وبتتحكم فى مرور المية وحبسها ...مثلا الصبح بدر والعربية باردة بتكون مقفولة علشان تسخن اسرع ... وفى نفس الوقت لو الجو بارد بتمنع ان درجة الحرارة تقل عن رقمها .... طيب لما العربية بتقف او الجو حر والهو سخن والمية لوحدها مش قادرة تبرد فبتحتاج حاجة تبرد المية الى هيا المروحة ...ودية بتشتغل عن طريق الترومستات بتتحط فى قلب الريداتير لما توصل لدرجتها تدى اشارة للمروحة وتفتحها عن طريق كتاوت ...
يعنى حضرتك صعب درجة الحرارة تقل عن ترومستات الكوعة لاما انتى شيلاها اصلا ....انا عندى مشغلها على 71 والمرواح على طول شغالة وعمرها ما بتقل عن 71 مهما حصل ...
مفيش حد هيقدر يفيدك غير ا/محمود الفلسطيني واللي هيقولهولك هو الصح .اقتباس:
المشاركة الأصلية كتبت بواسطة maroguidehouse
مين محمود الفلسطيني
اوصله ازاي
الاخوة الاعزاء كلكم تتحدثون عن السيارات التى بين ايديكم ولكن الاكسارا 2 لو التكييف اصلى السيارة تعمل على وحدة تسمى باترون تكون مرتبطة بكنترول التكييف ولها نظام آخر غير الثرموستات فهى تعتمد على حساس حرارة موجود فى المحرك بجوار ثرموستات الكوعة الميكانيكى ترتفع مقاومته عند ارتفاع درجة حرارة الموتور وعند الوصول الى درجة الحرارة 96 يقوم الباترون بتشغيل المراوح على السرعة الاولى ويقوم بالفصل عند وصول الحرارة الى 90 تقريبا واذا وصلت درجة الحرارة الى 100 فيتم تشغيل السرعة الثانية حتى الوصول الى درجة الحرارة 96 ثم السرعة الاولى وفى حالة تشغيل التكييف فيتم تشغيل السرعة الاولى واذا ارتفعت درجة الحرارة يتم تشغيل السرعة الثانية واى شئ خلاف ذلك يبق تم تعديل النظام بالشكل الى بيفهمه الكهربائية وهو الثرموستات الى بيفتح على كتاوت وده كله عك من عك الصنايعية
شكرآ للاهتماماقتباس:
المشاركة الأصلية كتبت بواسطة aly_72200
كلام حضرتك مظبوط
وعرفت سبب المشكله لكن لسه مصلحتهاش
المشكله غلطه من الكهربائي و هو بيغير بعض اللمبات الداخليه في الكبينه و الطبلوه كانت محروقه من فتره و كمان كنت بغير لمبه الفنوس الامامي لمين
اكتشفت الموضوع عن طريق احد الردود في منتدى مصر موتورز نصحني بتجربه اناره السياره في الصباح و اجرب
فعلا جربت فاتظبطت المروحه لكن اول ما اطفي الانوار تعلق تاني
ان شاء الله حشوف كهربائي ستروين كويس و ابلغكم بالنتيجه