أنا محتار أرش الطاسات أنهي لون فيهم ؟؟؟

**M_SALLAM** · 23-05-2011 06:54 PM

انا رأيى الشخصى ولا ابيض ولا ازرق , حضرتك تروح تشترى طقم جنوط لانوس محترم ب 85 جنيه و تريح نفسك ....

**_Ahmed_casper_** · 23-05-2011 06:55 PM

هو الاسبراى ده اسمه ايه؟ و مش هيتشال مع الشمس و الغسيل؟
اصل فى انواع بتتشال بسهوله و انواع بتثبت كويس

**zakar0tta** · 23-05-2011 10:19 PM

طبعا ياجماعه شكرا عل مشاركاتكم الجميلة دي الموضوع شكله كده إجماع خلاص مافيهاش كلام ابيض طبعا مع احترامي لكل الأراء بس الستفتاء كان فيه ديمقراطية والنتيجة طلعت كده بكل شفافية :d

بالنسبه لطلبات إني اخليهم كانهم جنوط الكلام ده صعب جدا وعمره ما هيظبط خصوصا ان مافيش رسمه في الطاسة انما انا كنت بفكر اخلي علامة اللانوس اللي في نص الطاسة بلون مختلف فضي او ازرق انما لو عملت خطوط هتبقي فعلا زي التعليق الجامد ده كان نفسها تبقي جنط وماعرفتش

بص يا ويللر هاتروح لأي محل حدايد وبويات بلاش تروح لكماليات السيارات لانك هتلاقية ضعف التمن وهتؤله انا عاوز سبراي اللي بيرش العربية واختار اللون اللي يناسبك في الوان كتير لدرجة انت ماتتخيلهاش و الا زازة بحوالي 7 جنية وفيها كتيييير.

دي صورة الاسبراي يا أحمد كاسبر بالنسبة لقوتة علي المدي الطويل بصراحة لسة ماجربتهاش خصوصا ان انا شلت الطاسات لحد ما استقر علي لون بس النوع ده مكتوب غلية انو اماراتي وفي انواع تانية مش مكتوب عليها اي حاجة خالص بخصوص المنشا (تحت السلم ياكبير)

http://img692.imageshack.us/img692/4...0520112682.jpg

**gaaz** · 23-05-2011 10:53 PM

انا رأيى الشخصى ولا ابيض ولا ازرق , حضرتك تروح تشترى طقم جنوط لانوس محترم ب 85 جنيه و تريح نفسك ....

والنبي هاتلي من الجنط ابو خمسة وتمنين جنية ده خمستاشر واحد عشان ابقى ابدل بينهم عشان انت عارف الواحد بيمل من الجنوط ههههههههه

**ahmedabutaleb** · 23-05-2011 11:00 PM

المشاركة الأصلية كتبت بواسطة gaaz

والنبي هاتلي من الجنط ابو خمسة وتمنين جنية ده خمستاشر واحد عشان ابقى ابدل بينهم عشان انت عارف الواحد بيمل من الجنوط ههههههههه

لا ياباشا اعتقد ان الراجل كان يقصد طاسات مش جنوط يعنى ممكن الكلمة خانتة بس

**gaaz** · 23-05-2011 11:06 PM

ايوة ممكن فعلا يكون قصده على طقم طاسات
انا رأيي يا باشا تجيب طقم جنط فعلا
والله يا جماعة الجنط بيخلي العربية غير فعلا بيخليها حاجة تانية خالص

**ahmedabutaleb** · 23-05-2011 11:16 PM

ياباشا مش فى كل الاحوال يعنى انا عايز اجرب موضوع الرش ده لان عندى العربية ممشيتش 9000 كيلو وحرام اغيرة دلوقتى

**a7madramadan** · 24-05-2011 02:55 AM

لو قدامك اللونين دول بس .... طبعا الأبيض طالع شيك قوي عن الأزرق الي درجة لونه مش مناسبة خالص للون العربية ولو ان الأبيض بيتهيقلي هيتبهدل بسرعة علشان هوه مش جنط اساسا ...... لو منك هارشه سيلفر هيبان Classy قوي عن الإثنين دول و استنى لحد ما ربنا يكرم وأجيب جنط كويس :)