الموضوع: مش الـ GEN2 أسرع من الـ Vectra ؟

بص انت مش راكب عربيه من الاخر
لا انت راكب عربيه جودتها وادائها وكمالياتها مناسبه لسعرها
وكمان العربيه بتتميز بكام حاجه مش موجودين في عربيات تانيه
والعربيات التانيه مميزين بحاجات مش موجوده عندك
فكرة ان دمك يتحرق علشان هو قال انها اسرع ده عادي جدا امكانيات الموتور بتفرق كتير ومتنساش انها عربيه اغلى من اللي معاك بمبلغ وقدرتها اكيد اقوى من عربيتك

على فكره شديت مره مع دودج اللي هيا النص نقل دي (مش فاكر اسمها والله)
وكنت لازق فيه وساعات بعديه وبقفل عليه وهو كذلك وسرعتنا كانت 150 ومش قادرين نجيب اكتر من كدا بسبب الطريق
وكننا اما بنهدي كنت ببقى اسرع في التجميع , احكم انت بقى عالموقف ده

المهم انك لما تسوق بسرعات عاليه تعمل حساب الطريق والمفاجات وخطأ الغير
والسواقه مش مجرد سرعه السواقه قدره وقوة تحكم وذكاء وزي ما بيقولو الطريق ملوش كبير
وربنا يسترها معاك ومعانا ان شاء الله

بص انت مش راكب عربيه من الاخر
لا انت راكب عربيه جودتها وادائها وكمالياتها مناسبه لسعرها
وكمان العربيه بتتميز بكام حاجه مش موجودين في عربيات تانيه
والعربيات التانيه مميزين بحاجات مش موجوده عندك
فكرة ان دمك يتحرق علشان هو قال انها اسرع ده عادي جدا امكانيات الموتور بتفرق كتير ومتنساش انها عربيه اغلى من اللي معاك بمبلغ وقدرتها اكيد اقوى من عربيتك

على فكره شديت مره مع دودج اللي هيا النص نقل دي (مش فاكر اسمها والله)
وكنت لازق فيه وساعات بعديه وبقفل عليه وهو كذلك وسرعتنا كانت 150 ومش قادرين نجيب اكتر من كدا بسبب الطريق
وكننا اما بنهدي كنت ببقى اسرع في التجميع , احكم انت بقى عالموقف ده

المهم انك لما تسوق بسرعات عاليه تعمل حساب الطريق والمفاجات وخطأ الغير
والسواقه مش مجرد سرعه السواقه قدره وقوة تحكم وذكاء وزي ما بيقولو الطريق ملوش كبير
وربنا يسترها معاك ومعانا ان شاء الله

المشاركة الأصلية كتبت بواسطة waeljimmy

فيكترا 2008 الكبيره دي
بس مش ممكن اوتوماتيك تسبق مانيوال .. إلا لو سواق المانيوال تعبان طبعا

من غير زعل ..العربيه معايا ...وطلعت من الجين تو ..سحب ..مش ثبات ولا غرز ..واكتر من مره ..
توضيح بس ..
العربيه مش اوتوماتيك ..
العربيه ايزى ترونيك ...
جيربوكس مانيوال ..وراكب عليه كنترول بيدوس دبرياج للعربيه ..
بمعنى اصح
عربيه مانيوال بتنقل لنفسها ...ونقلتها اسرع من نقله الانسان
يعنى سحبها لو مش احسن من المانيوال..هيبقى زيه
والعربيه دى جرايه بجد
بس لو صاحبك قال انه طلع من الجين تو قبل 40 ..يبقى كلامه مش صح
بعد 40 صدقه لححححححححححححححححححححححد 215

المشاركة الأصلية كتبت بواسطة falloutboy

اعتقد ان لما الواحد يجي يجرب السحب او السبق يكون بين عربيتين من نفس السعة اللترية احسن طبعا ده لو كان الاتنين سواقين كويسين. بس ده رأيي الخاص. وبرضه انا رأيي ان في المقارنة حوار تقفيل العداد ده مش بيفرق قوي طالما الاتنين بيجيبوا 180 مستريح والعربية ثابتة لان الطرق في مصر مش بتساعد الواحد علي السرعات دي وحتي لو جابها وعندي اصحابي جابوا 220 قبل كده بتبقي لوقت صغير جدا عشان الطريق مش عدل او عربيات بتيجي قدامه غير لو كان علي طريق سريع ومستقيم وده مفيش منه غير واحد ولا اتنين في مصر كلها. في طالما سحب العربية كويس والعربية ثابتة علي سرعات 160 لحد 180 او 185. اعتقد ان باقي الفرق بيبقي علي السواق نفسه وياما شفت ناس بالساجا اللي هي 1300 بتعلم علي عربيات 1600. لان الرك بيبقي علي السواق برضه. علي العموم الشد مش منصوح بيه لان العمر مش بعزئه زي مابيقولوا وخصوصا ان الطرق في مصر زفت وممكن فجأة تلاقي قدامك حفرة لا قدر الله ولو العربية مش ميه ميه في الثبات ممكن ترمي منك.

ملاحظة اخيرة اكيد الالماني يكسب في الثبات وقوة المحرك بس محرك الجين 2 معروف عنه انه Dhoc وده بيزيد السحب فيه علي السرعات العالية. يعني لما تعدي 80 كده تقريبا السحب بيبقي حاجة تانية بس برضه في الاول وفي الاخر الفيكترا الماني والمحرك بتاعها اكبر بس وزنها كبير وحجمها كبير فبيبقي السحب مناسب للوزن بس بيبقي صعب عليه الغرز. يعني من الاخر لو طريق سباقات والاتنين سواقين محترفين غالبا الفيكترا هتكسب بس انا مجربتش الفيكتر بس ده يعني بالعقل. انما في مصر الجين 2 تكسب لان الفكترا مش هتعرف تستفيد من السرعة القصوي بتاعتها والحجم مش هيساعدها في الغرز. اتمني اكون ماطولتش عليكم وفي النهاية ده رأيي الخاص واحترم كل الاراء الاخري.

وعلي فكرة الاتوماتيك دلوقتي بعد حوار الكيك دون والستب ترونك بقي الفرق بينه وبين المانيوال مش كبير بس ده مايمنعش ان المانيوال تحكم اكتر بس ده لو سواق فاهم غير كده يبقي نقمة عليه والكيك دون يكسب. وشكرا

كلام زى الفل يا باشا ..لكن تعليق بسيط ..
صعب جدااا نقول الغرز صعبه على عربيه معينه ..بمعنى اصح ..لو راكبها سواق هيدخل الغرزه و هتجيبه ..
وفى طرق كتير ... انا لما اجى ادخل غرزه يمين مش هتجيب "طول العربيه" ..بقوم رايح شمال موسع لنفسى ..وداخل الغرزه بوش العربيه ...طبعا مش بوشها 100% لكن مش بعتمد على ان المسافه بين العربيتين تكون نفس طول عربيتى او اكبر ..لا بعتمد على انى اعدى بالعرض بين العربيتين ..وهنا قدرت استفيد من الثبات بتاع العربيه ..الى مثلا الجين تو مش هتبقى بنفس القدر من الثبات ..
فالافضل فى المقارنات نطلع حته السواقه ..لان بتحتمل حاجات كتير..
بالنسبه للسحب ..
اعتقد التكنولوجى الموجوده فى الجين ..نفسها او اكثر تطورا منها فى الفيكترا ..
+ عزم الفيكترا عالى جدا بفضل الفتيس ...فبتقدر تجمع سرعه ...بكل سهوله وسرعه ..ويمكن ده الى بيخليها تتفوق على عربيات كتير فى السحب ..
توضيح اخير :
لو بفكر اشترى عربيه فى حدود 90 الف زيرو ..هتبقى جين تو ازرق مانيوال :)

المشاركة الأصلية كتبت بواسطة KHALED AYMAN

من غير زعل ..العربيه معايا ...وطلعت من الجين تو ..سحب ..مش ثبات ولا غرز ..واكتر من مره ..
توضيح بس ..
العربيه مش اوتوماتيك ..
العربيه ايزى ترونيك ...
جيربوكس مانيوال ..وراكب عليه كنترول بيدوس دبرياج للعربيه ..
بمعنى اصح
عربيه مانيوال بتنقل لنفسها ...ونقلتها اسرع من نقله الانسان
يعنى سحبها لو مش احسن من المانيوال..هيبقى زيه
والعربيه دى جرايه بجد
بس لو صاحبك قال انه طلع من الجين تو قبل 40 ..يبقى كلامه مش صح
بعد 40 صدقه لححححححححححححححححححححححد 215

كنت داخل أقولك الجملتين دول بالظبط
بس خالد قام بالواجب :)
الله ينور يا خلود :)
وعلي فكرة .. لو vectra b ال 2000 برضه هتعمل اللي بتعمله ال c واحسن
صدقه ماتكدبوش :)

انا علي فكرة مش ضد الجين خالص
انا قريب ان شاء الله هجيب جين زيرو :)

المشاركة الأصلية كتبت بواسطة Eng.Geo

كنت داخل أقولك الجملتين دول بالظبط
بس خالد قام بالواجب :)
الله ينور يا خلود :)
وعلي فكرة .. لو vectra b ال 2000 برضه هتعمل اللي بتعمله ال c واحسن
صدقه ماتكدبوش :)

انا علي فكرة مش ضد الجين خالص
انا قريب ان شاء الله هجيب جين زيرو :)

حبيبى يا جو
اهم حاجه لما تجيب الجين ..تسيبهالى اسبوع ولا اتنين..عشان تلين معايا ..تعيش طول عمرها بتجرى