السلام عليكم انا عايز اشترى مكواة بس فى تضارب فى الموضاعات بالمنتدى فى شباب بتقول انها سلحفاة و فى شباب بتقول انها ممتازة انا بتكلم من ناحية السحب فارجو من الذى يمتلك العربية دية يقول احساسة و شعورة من ناحية السحب و الراحة فى قيادة هذة السيارة
عرض للطباعة
السلام عليكم انا عايز اشترى مكواة بس فى تضارب فى الموضاعات بالمنتدى فى شباب بتقول انها سلحفاة و فى شباب بتقول انها ممتازة انا بتكلم من ناحية السحب فارجو من الذى يمتلك العربية دية يقول احساسة و شعورة من ناحية السحب و الراحة فى قيادة هذة السيارة
وعليكم السلام
بخصوص استفسارك فالعربيه سحبها كويس على اد موتورها
بالنسبه للعربيه المانوال سحبها افضل عن الاوتو لكن بفرق بسيط
لكن لما تشغل التكييف وخصوصا لو حملت 3 أشخاص معاك فى العربيه غيرك هتلاقى السحب قل والعربيه تحس ان عزمها قل كتير
عندى العربيه مانيوال بدون تكييف بتبقى سحبها جميل جدا لما بشغل التكييف على 1 بتبقى كويسه برضه لكن فيه فرق عن لما بقفل التكييف
لما بشغل التكييف على 2 بتبقى الى حد ما معقوله لكن غير مرضى اما على 3 او 4 بتبقى سحبها هباب للى بيحب يجرى بالعربيه .. وانا بحب اجرى جدا بالعربيه
لذلك لو انته من النوع الهادى فى السواقه او الجديد فى السواقه وبتمشى بالراحه مش هتفرق معاك لو العكس هتضايق منها لو جبتها اوتماتك وشغلت التكيف اعلى من رقم 1
اما اعتماديه العربيه فهى ممتازه بمعنى كلمه ممتازه استحمال وثبات ولايحدث بها اعطال بشكل متكرر .. عربيه حماره شغل
واحد صاحبى معاه أتوماتيك .. موديل 2002 .. و انا شايفها ضعيفة جدا .. و هو كمان .. و بيفكر يغيرها بسبب الموضوع ده.
انا جربت المكوة مانوال 1300 تعبااااااااااانة جدا
وجربت البومة 2007 - 1300 اتوماتك وحشة جدااااااااا وياسلام لو فكرت تشغل التكييف يبقة مشوارك هتاخدو فى ضعف الوقت
وموضوع سرعات المروحة ده فعلا كلام مظبوط
سرعات المروحة ملهاش علاقة بالموتور على 1 زى على 4
اللى له علاقة هو الكباس بس لما بيشتغل
من غيرؤ تكييف تمام مانوال او اوتو. مع التكييف معقول مش اللي بتموت يعني.
-وعلي فكرة يازورو زي مازميلنا قالك سرعات المروحة ملهاش علاقة بزيادة التأثير يعني 1 زي 4 الحوار كله في تحميل الكباس او الكومبريسور علي الموتور. ولو عايز تتأكد شغل المروحة من غير a/c المفروض متأثرش عالسحب لو اثرت عليه يبقي في حاجة غريبة.
السحب ضعيف أو قوى بالنسبة لأية أو بالمقارنة بايه؟
لازم تاخد فى اعتبارك انك بتتكلم عن عربية 1300 و 78 حصان
بس ياجماعه عندى التكيف فعلا بيأثر كل درجه عندى بتأثر بشكل ملحوظ يبقى المشكله دى من ايه ؟؟
لما بشغل التككيف على 3 او 4 مختلفه تماما عن مبشغله على 1 فرق سحب متلاحظ جدا مش مجرد تهيأ
الواحد كدا بدأ يقلق :(
بالمقارنة بين بالتكييف ومن غير تكييف. هتحس بفرق في السحب هتحس ان العربية بتكن شوية وبتحتاج وقت علي ماتجمع عزم وسرعة.
وهي فعلا بالاخذ فالاعتبار انها 1300 تعتبر معقولة جداااااااااااا. وبقول تاني ( مش بتموت يعني ) .
مرة كنت رايح القاهرة وكنت محمل اتنين ورا وواحد جنبي وكنت ماشي تمام وسرعة تمام مع التكييف وومحستش بأي حاجة.
جرب بس اللي بقولك عليه يازورو وان شاء الله خير. شغل المروحة من غير a/c وشوف السحب عامل ازاي. وعرفنا بالنتيجة .