الموضوع: كبس الماتور كده كويس ؟

طيب ما الاستاذ محمد ممدوح بيقولك ان الكبس الي حضرتك عملته مش بيقيس مكونات المحرك ولا الحساسات الموجوده فيه ولا هل حضرتك تم تركيب " حساسات " على الموبينه وعلى مخرج الشكمان زي الاستاذ نادر قال ؟؟؟؟؟

انا اشتريت سيراتو 2006 من واحد وانا بشتريها منه علمني ازاي ابص على العربية اذا كانت عاملة حادثة ولا لأ ووراني ازاي ابص ع الفلوتات في الابواب والكبوت والشنطة حتى قالي بالطريقة دي تقدر تكشف على اي عربية وانت مغمض عينيك بإني امشي ايدي ع الفلوت وقالي تبص على صاج الشنط تحت الاستبن وتشوف الفلوت عليها لان لو اتخبطت من ورا هايكون في تجاعيد في الصاج والفلوت هايتأثر وان الفلوت دا مابيكونش غير في الفابريكة يعني لو مغير كبوت او باب مش هايكون فيه الفلوت
وغير كدا بقى اي رش من برا مش مشكلة طالما بعيد عن السقف
المهم بعد ماخدتها حبيت اطمن برضه رحت للسمكري بصلي عليها وقالي زي الفل بس راشة نضافة في حتت معينة ودا انا كنت عارفة وانا بشتريها واديته 20 ج مكانش راضي ياخدها وقالي انا معملتش حاجة وسألته في حكاية ان الفلوت دا بيكون في الفابريكة بس قالي فعلا حتى لو من التوكيل هتلاقي الشفة ع الشفة من غير فلوت..
بعدين قريت هنا عن الكشف ع الموتور والكلام دا رحت كالتكس العقاد
الأخ اللي هناك بص على العربية زي ماالراجل علمني ( أصلي شاريها من واحد تاجر) ورفعها ولا خد باله ان العربية راشة بعد كدا رفعها وبص عليها من تحت وقالي تمام قلتله بس هيا رشة قالي ايوة فعلا انا مكنتش هاقولك غير لو سألتني!!! مع انه قعد يطمني ويقولي انا هابص عليها كأني هاشتريها وهاقولك على كل حاجة!! وكان فيها تريحة بسيطة ع الكبوت من قدام مستعدلة ولا خد باله
جينا بقى لقياس الموتور خلع فيشة كدا وركب مكانها جهاز كدا قعد يظبط فيه وانا مدور العربية على فكرة ويشغل التكييف وبعدين قالي النسبة كذا..
ودفعت 70 ج ومشيت حاسس انه مكانش ليه لازمة الموضوع دا ..
كفاية سمكري ب 20 ج