-
مشكله بالتكيف جننتني
ازيكم يا جماعه وحا شتوني جدا انا ليا فتره كبيره اوي مش بدخل علي المنتدي للظروف انا عارف ان محدش فاكرني :oops1:
بس بصراحه لما بتزنق مش بلاقي حد غيركم ينقذني :16:
المشكله في تكيف العربيه لانوس 2000
التكيف شغال ليه سنين زي الفل بس باجي اول كل صيف بخلي واحد صحبي يزوده حاجه بسيطه كده يعني مش بيبقي ناقص اوي حجات بسيطه خالص
المهم زودته وكله تمام واشتغل كويس وقعد حوالي 15 يوم كويس خالص بس مره واحده بدور العربيه واشغل التكيف الكمبروسور مش شغال اصلا رحت كشفت عن الضغط لقيت الفريون فاضي لدرجه انه مفيهوش الهوا :untitled 1:
ليا واحد صحبي بيشتغل في التكيفات بس مش بيشتغل في تكيفات العربيات لاكن بيملها عادي غيرلي الفلف اللي بنملي منه وكبسنا الدوره هواء برده بينقص لوحده قالي كده اكيد في تسريب جبنا مياه وصبون وقعدنا 6 سعات نلف حولين الدوره كلها وفكيت كل حاجه في سكتها فكيت الرادياتير والفونس اليمين وعلبه الاسلاك اللي علي اليمين وفكيت البلور وكشفت علي السربنتينه اللي جوه العربيه واللي بره والمواسير كلها والكمبوروسور والفلفات الاتنين وكل الوصلات بين المواسير بامياه والصابون لمده ساعات وهي العربيه مطفيه وكمان والعربيه دايره والكمروسور شغال عملنا كل حاجه لاكن مفيش تسريب خالص باين بكل الوسائل :B4_611:
المهم ان اخر اليل لاحظت ان التسريب قل جدا يعني الهو اللي بنحطه بيفضل زي ما هو لفترات كبيره الضغط مش بيتغير مع العلم ان في الاول كان بيتسرب بسرعه جدا طبعا انا مش هاينفع اغامر بشحن فريون للمره التانيه ويتسرب في الهوا غير لما اتئكد ان مفيش تسريب في الاول
اولا انا عاوز اعرف ايه مناطق الضغف المتوقعه وايه المناطق المستبعده
ثانيا هل في وسيله للكشف اقوي من المياه والصابون انا سمعت ان في طريقه بالاشعه اليو في حاجه كده بتتشحن وبتبان بلون ازرق وبنظاره مخصوصه التسريب حد يعرف حاجه عن الموضوع ده او اي طرق تاني
ثالثا هل ممكن يكون الكمبروسور هو اللي بيسرب عشان انا كده ما خلتش حاجه ممكن تتعمل تاني في المواسير
رابعا انا بعد ما المشكله تتحل ان شاء الله بمساعدتكم ايه الاجرائات المتبعه عند التعبئه عشان انا عمري ما مليت والدوره فاضيه علي الاخر كان كل مره بنزود بس
طبعا انا واثق في كرمكم ومستني ردودكم وشكرا مقدما ليكم
-
هناك عدة اساليب للكشف عن تسريب الفريون
1 - جهاز كشف التسريب
جهاز الكتروني زو حساس امامي ويصدر صوت طنين عند شعوره بالغاز
2 - لمبة كشف التنفيس
عبارة عن انبوبة زي انبوبة البوتجاز ولكن حجمها صغير وبيركب عليها شعلة زي شعلة البشبوري وخارج منها خرطوم عند المرور بهذا الخرطوم علي الاماكن المحتملة للتسريب يتغير لون الشعلة من الازرق الي الاخضر
3 - الماء والصابون
ودي مش محتاجة شرح
اما موضوع التسريب عندك غالباً اويل سيل الكمبروسر هوا الي بيسرب طالما ان جميع الاماكن كشفت عليها ومفيش تسريب
عند اعادة الشحن يفضل اولاً عمل فاكيوم او ديب فاكيوم يعني سحب الهواء من الدورة وجعل الضغط بداخل الدورة - 30 psi
ثم الشحن ويصل الي 32 psi عند عدد دورات محرك 2000 يعني rpm علي 2 ودا زي الكاتلوج بتاع العربية مابيقول
-
اشكرك علي المعلومات الجميله ديه ممكن بس تقولي فين اويل سيل الكمبروسور هل هو اللي علي المواسير اللي خارجه منه ولا داخل الكمبروسور نفسه
-
داخل الكومبرسور وخلف طنبورة الكومبرسور
-
http://i827.photobucket.com/albums/z...otors/1111.png
دي مكونات الكومبروسر ومعلم علي مجموعة الميكانيكل سيل ( بلغة الصنايعية الاويل سيل ) بالمربع الاحمر
-
شكرا جدا علي اهتمامك ده علي المعلومات ديه بس سؤال اخير معلش هل موجود وتغيره ساهل مع العلم ان اللي ها يفك ليه في مواتير التكيفات المنزليه وهو عقله شغال يعني مش نظام حافض بس ها نعملها انا وهو فهل الاويل سيل ده موجود وعمليه الفك والتركيب ممكنه
اشكرك جدا جدا
-
موجود والعملية سهلة لو له خبرة في امور الفك والتركيب
بس كدا بالمرة خليه يغيرلك زيت التبريد
-
شكرا للمره الرابعه بس معلش قولي زيت التبريد ده ليه موصفات مخصوصه ولا زي التكيفات العاديه ياريت لو افاده شكرا جدا
-
هو حضرتك بتشحن بفريون اية (كام) ؟
و قبل متفك الكمبيروسور فك خراطيم الدخول و الخروج و اكبس على الكمبيروسور بس ..... علشان تتاكد ان العيب سيلات بس. (بدل متفك و يبقى العيب من شىء ااخر.
-
بشحن بفريون 134 ياريت حد يقولي نوع الزيت لو فيه انواع والكميه ويتغير ازاي حد قال ان في حاجه اسمها فلتر فريون بيتغير ما بتفضي غاز هل الكلام ده موجود في العربيه فعلا ولو موجود موجود فين وشكرا
Content Relevant URLs by
vBSEO 3.6.0 PL2