دخان خفيف من العربية بعد الصيانة وتغيير الزيت!
عربيتي شيفروليه لانوس موديل 2010 full options وعاملة يادوب 1600 كيلو
امبارح وديتها التوكيل غيروا زيت موبيل 1 والفلتر وربطوا عفشة وراجعوا علي السوائل
وانا راجعة من عندهم (ممشيتش اكتر من كيلومتر واحد بالكتير) لقيت دخان خفيف طالع من الكبوت
السايس لما فتح لقينا الدخان طالع من عند الرادياتير من قدام
مع ملاحظة عدم وجود اي تسريب لأي سائل علي الأرض وقربة الميه كانت مليانة مياه خضرا ومؤشر الحرارة كان طبيعي جدا عند الربع تقريبا
النهارده الدخان قل اوي بس يا دوب في سنة دخان برده لاحظتها وانا بركن بعد ما وصلت الشغل
وبرده اتأكدت ان مفيش تسريب لأي سوائل من العربية
ده تفسيره ايه؟؟
ملحوظة: انا مش متأكده هما غسلوا الموتور بالميه ولا لأ بس حتي لو اتغسل مش هيظهر دخان مطرح البخار لتاني يوم! صح؟؟
يا ريت تفيدوني وشكرا للجميع مقدما :)