الحمد لله مبقاش في دخان خلاص :)
مقياس الميه والزيت كانوا مضبوطين بالمتابعة
فكده يبقي زي ما افدتوني اكيد كانوا شوبة فوم علي الرادياتير والباشا اللي بينظف مشالهمش :(
ميرسي جدا علي الإفادة
عرض للطباعة
الحمد لله مبقاش في دخان خلاص :)
مقياس الميه والزيت كانوا مضبوطين بالمتابعة
فكده يبقي زي ما افدتوني اكيد كانوا شوبة فوم علي الرادياتير والباشا اللي بينظف مشالهمش :(
ميرسي جدا علي الإفادة
الف مبروك
اطمانانك علي صحة اللانوس بتاعتك وربنا يباركلك فيها
ميرسي يا طارق ربنا يخليك وبشكركم جدا علي مساعدتكم ليا :)
وليا سؤال بالمرة طمع فيكم بقي :)
العربية مخنوقة جدا من ساعة ما جبتها والغيارات بتاخد وقت علبال ما تاخد سرعتها الطبيعية ومبعرفش اشد بيها خالص
هل ده بسبب وجود علبة البيئة؟ انا قريت كتير عن الموضوع ده من فترة هنا
وعايزة اعرف هل الحل اني اشيل العلبة دي زي ما قريت برده؟ ولو كده اطلب من التوكيل يشيلها ولا بره؟
انتى بتنقلى على كام RPM فى الطبيعى؟
MMamdouh
طيب ما كدة لازم العربية تتكتم
من حين الى اخر انقلى على RPM عالى شوية عشان المكنة تفوق و السحب يتحسن
MMamdouh
عربيتك القديمة حتلاقى فتيسها نسبة قصيرة فا العربية بتتسارع بسهولة على لفات قليلة لكن حتلاقى كل نقلة اقصى سرعة لكل نقلة اقل من اللانوس لان احنا عندنا نسب الفتيس طويلة و دة اللى بيخللى العربية كسلانة شوية على لفات قليلة
بالنسبة لصوت النوتور فا طبيعى الصوت يعلا لما اللفات تزيد و اللانوس صوت موتورها مش هادى فا ناس كتير بتحس ان المكنة بتستغيث لكن فى الحقيقة هى طبيعتها كدة
المفروض الحرق من حين لاخر بيفوق المكنة... انا معرفش هل مكنتك محتاجة تفوق ولا فيه حاجة كتماها... و العربية لسة جديدة فا منقدرش نقول مشكلة فلاتر او بوجيهات... لكن مش حيخصر انك تبصى على حالتهم يمكن فلتر الهوا متوسخ شوية من الجو العظيم اللى عندنا او فلتر البنزين اتسد من البنزين النضيف اللى فى البلد
ممكن برضة تجربى تعديلة فيشة الاوكتين مع بنزين 92... دة حيحسن الاداء شوية خصوصا مع التكييف
و لو عربيتك فول اوبشن يبقى الغاء علبة البيئة حيفوق العربية بس على لفات عالية... يعنى من اول 5000 و انتى طالعة... لو سواقتك مش بتوصل للحدود دى يبقى مش حتفرق كتير
عموما حاولى دايما متنقليش قبل 3000 عشان تحسى باستجابة المكنة... و النقل عند 4000 مفيهوش مشاكل خالص لان المدى اللامن للفات الموتور بيوصل الى 6500 فا لية بدرى على حد الخطر
MMamdouh
ده حقيقي 100% فعلا عربيتي القديمة نسب الفتيس فيها كانت اقصر وبتتسارع احسن
الحمد لله ده كلام مطمئن :)
عدد المرات اللي فولت فيها للبنزين تكاد تتعد علي الصوابع لاني مبمشيش بيها كتير خالص برده يلحق الفلتر يتسد؟ وعموما هعمل check عليهم بس يا ريت تقولي حد كويس تعرفه في وسط البلد اروحله
معلش اعذر جهل البنات ممكن شرح اكتر لاني مش فاهمة الجزئية دي :shyy:
العربية full options بس فعلا انا مبوصلش خالص للنقل علي 5000 لفة كبيري 4000 بس فبالتالي بيتهيألي مفيش داعي صح؟
هعمل كده الفترة الجاية وهقولك ايه الأخبار
اعتقد صعب... و عشان كدة كنت مستبعد الموضوع دة فى الاول بس قلت برضة الاحتياط واجب... لكن طالما التفويلات كانت قليلة كدة يبقى صعب اوى الفلتر يتسد.... حسب الكتالوج المفروض يتغير عند 40 الف و انا بغيرة على 20 عشان البنزين و عربيتك لسو معملتش ربع المسافة دى فا صعب اوى يكون مسدود
للاسف معرفش حد فى وسط البلد... الميكانيكى بتاعى فى اخر شارع العشرينى و اعتقد دة حيبقى صعب عليكى اوىاقتباس:
وعموما هعمل check عليهم بس يا ريت تقولي حد كويس تعرفه في وسط البلد اروحله
اللانوس فيها فيشة عاملة زى الجمبر بتاع الهارد دسك و دى بتحدد للكونترول درجة الاوكتين بتاع البنزين اللى العربية بتستعملة عشان يحدد توقيت الاشعالاقتباس:
معلش اعذر جهل البنات ممكن شرح اكتر لاني مش فاهمة الجزئية دي :shyy:
لما بنضبط الفيشة دى على الضبطة الخاصة ببنزين 95 و نستعمل بنزين 92 استجابة الموتور بتتحسن جدا خصوصا مع التكييف
كدة معتقدش حتفرق معاكى كتير انك تشيليها طالما دى طبيعة سواقتكاقتباس:
العربية full options بس فعلا انا مبوصلش خالص للنقل علي 5000 لفة كبيري 4000 بس فبالتالي بيتهيألي مفيش داعي صح؟
okاقتباس:
هعمل كده الفترة الجاية وهقولك ايه الأخبار
MMamdouh