عرض للطباعة
السلام عليكم ورحمه الله
في مشكلة واقعة فيها زميلتي في المكتب
هي معاها كيا سيراتو الفئة التانية
من كام يوم نزلت من الشغل لقيت الزجاج الجانبي مكسور ومسروق منها نضارة شمس
الاسوء اللي اتسرق مفاتيح البيت ورخصة العربية
العربية دلوقتي بتتركن تحت الشغل
والحرامي سهليرجع ياخدها لان لو فيها رخصة سارية هايعملها توكيل مضروب ويبعها
هل في وسيلة كويسة لتامين العربية
علما انها حاولت تدخلها جراج الشركة لفترة بسيطة وفشلت تماما
عايزين نامن العربية كويس وهي راكب فيها انذار واتكسرت والانذار راكب يعني ولا فارق معاه
متابع
هى تصلح الازاز وتتركن عادى جدا فى نفس المكان وكذا حد من البوابين فى المنطقة يقعد بعيد كده بس عينه عليها دايما كل يوم لفترة كده لحد ماييجى سعيد الحظ تانى وهوب يتمسك ويتظبط (كذا حد عشان لو واحد قام يعمل شاى ولا يعمل اى حاجة يبقى التانى موجود)
ومفاتيح البيت طبعا تغير الكوالين
اما العربية لو مركونة تحت البيت وده طبعا هيتعرف من عنوان الرخصة..فالحل الوحيد هو ركنها فى جراج فى داخله وليس خارجه
وطبعا يتعمل محضر اثبات حالة عشان ممكن تحتاجه وقت اللزوم
ومش عارف تقدر تطلع رخصة بدل فاقد بنمر جديده ولا لا..ده هيكوا امان جدا..لان اللى معاه كده ملهاش لزوم
وربنا معاها
طبعا الكلابش من ضمن وسائل التأمين
وممكن تستخدم 3 كلابشات
واحد على الدريكسيون
وواحد دواسة الدبرياش مع الدريكسيون
وواحد الفتيس مع فرامل اليد
وياريت تغير كواليين البيت لان ممكن يكون بيتابعها ..
---------
وده لفت انتباهي اني ماسيبش رخصة العربية في العربية !!
الحل يا استاذ كريم :
تخلع اللوحات المعدنية للسيارة (وتشيلهم للذكرى) وتعمل محضر بسرقة اللوحات مع سرقة محتويات العربية وبكدة حتروح المرور تطلع رخصة جديدة بلوحات جديدة مع دفع التأمين الاجباري على اللوحات 100 جنيه وتغيير كالون البيت وتنبه عليها بعد كده ما تسيبش اى حاجة مهمه في العربية
اؤيد الحل دة لانه فعلا لا قدر الله لو كان خد العربية كان سهل اوى يعمل توكيل مضروب و يبيع العربيةاقتباس:
المشاركة الأصلية كتبت بواسطة destaroser
الحمد لله انه مخدش العربية كلها
انا عمرى ماسبت حاجة جوا العربية و الرخصة دايما فى المحفظة
تروح المرور تعمل حظر على نقل ملف العربية فورااااااااااااً
مفتاح فصل كهربا
تشيل فيوز البنزين وهيا نازلة
سلسله حديد ماسكه الجنط الى ورا ...بالخطاف الى تحت الاكصدام الخلفى ..
شوفتها فى توقيع احد الاعضاء
وممكن تشيل كابل البطاريه
وكلابش على الدركسيون و الدواسات
اقتباس:
المشاركة الأصلية كتبت بواسطة destaroser
متابع ومؤيد هذا الاقتراح للأخ العزيز وممكن كمان موضوع زرار فصل الكهرباء وبيكون داخل السيارة
دا أحسن رد اتكتب هنا يا كريماقتباس:
المشاركة الأصلية كتبت بواسطة destaroser
وتنفيذه هيكون كويس جدا
خليها تتوكل على الله وتنفذ الحل دا فورا !
يجيب الكلبش الى بين الدركسيون ودواسة البنزين
ويغطى العربية كل يوم
اقتباس:
المشاركة الأصلية كتبت بواسطة destaroser
انا شايف ان دا انسب حل يا باشا او تعمل فقد لواحده وتروح تعمل محضر وتغير النمر خالص