مشكله في تأمين سيراتو اتسرقت رخصتها-اقتراحاتكم

**Karim_Monir** · 23-05-2011 01:35 PM

السلام عليكم ورحمه الله
في مشكلة واقعة فيها زميلتي في المكتب
هي معاها كيا سيراتو الفئة التانية
من كام يوم نزلت من الشغل لقيت الزجاج الجانبي مكسور ومسروق منها نضارة شمس
الاسوء اللي اتسرق مفاتيح البيت ورخصة العربية
العربية دلوقتي بتتركن تحت الشغل
والحرامي سهليرجع ياخدها لان لو فيها رخصة سارية هايعملها توكيل مضروب ويبعها
هل في وسيلة كويسة لتامين العربية
علما انها حاولت تدخلها جراج الشركة لفترة بسيطة وفشلت تماما
عايزين نامن العربية كويس وهي راكب فيها انذار واتكسرت والانذار راكب يعني ولا فارق معاه

**beshomilan** · 23-05-2011 01:50 PM

هى تصلح الازاز وتتركن عادى جدا فى نفس المكان وكذا حد من البوابين فى المنطقة يقعد بعيد كده بس عينه عليها دايما كل يوم لفترة كده لحد ماييجى سعيد الحظ تانى وهوب يتمسك ويتظبط (كذا حد عشان لو واحد قام يعمل شاى ولا يعمل اى حاجة يبقى التانى موجود)
ومفاتيح البيت طبعا تغير الكوالين
اما العربية لو مركونة تحت البيت وده طبعا هيتعرف من عنوان الرخصة..فالحل الوحيد هو ركنها فى جراج فى داخله وليس خارجه
وطبعا يتعمل محضر اثبات حالة عشان ممكن تحتاجه وقت اللزوم
ومش عارف تقدر تطلع رخصة بدل فاقد بنمر جديده ولا لا..ده هيكوا امان جدا..لان اللى معاه كده ملهاش لزوم
وربنا معاها

**Elawany13** · 23-05-2011 02:07 PM

طبعا الكلابش من ضمن وسائل التأمين
وممكن تستخدم 3 كلابشات
واحد على الدريكسيون
وواحد دواسة الدبرياش مع الدريكسيون
وواحد الفتيس مع فرامل اليد

**destaroser** · 23-05-2011 02:58 PM

الحل يا استاذ كريم :
تخلع اللوحات المعدنية للسيارة (وتشيلهم للذكرى) وتعمل محضر بسرقة اللوحات مع سرقة محتويات العربية وبكدة حتروح المرور تطلع رخصة جديدة بلوحات جديدة مع دفع التأمين الاجباري على اللوحات 100 جنيه وتغيير كالون البيت وتنبه عليها بعد كده ما تسيبش اى حاجة مهمه في العربية

**Hacker5** · 23-05-2011 03:10 PM

المشاركة الأصلية كتبت بواسطة destaroser

الحل يا استاذ كريم :
تخلع اللوحات المعدنية للسيارة (وتشيلهم للذكرى) وتعمل محضر بسرقة اللوحات مع سرقة محتويات العربية وبكدة حتروح المرور تطلع رخصة جديدة بلوحات جديدة مع دفع التأمين الاجباري على اللوحات 100 جنيه وتغيير كالون البيت وتنبه عليها بعد كده ما تسيبش اى حاجة مهمه في العربية

اؤيد الحل دة لانه فعلا لا قدر الله لو كان خد العربية كان سهل اوى يعمل توكيل مضروب و يبيع العربية
الحمد لله انه مخدش العربية كلها
انا عمرى ماسبت حاجة جوا العربية و الرخصة دايما فى المحفظة

**أحمد كمال** · 23-05-2011 04:34 PM

تروح المرور تعمل حظر على نقل ملف العربية فورااااااااااااً

**A.Saad** · 23-05-2011 10:03 PM

مفتاح فصل كهربا
تشيل فيوز البنزين وهيا نازلة

-

-

الموضوع: مشكله في تأمين سيراتو اتسرقت رخصتها-اقتراحاتكم

LinkBack

أدوات الموضوع

عرض

مشكله في تأمين سيراتو اتسرقت رخصتها-اقتراحاتكم - انشر الموضوع فى :

-

-

-

-

-

المواضيع المتشابهه

سيراتو اتسرقت و صاحبها راح سرقها من الحرامي !!!

سيراتو اتسرقت و صاحبها راح سرقها من الحرامي !!!-واقعة حقيقية

سيراتو مركونه بقالها شهوووووووور وحاسس انها مسروقه .. اللى اتسرقت عربيته يدخل

سيراتو اتسرقت النهاردة الفجر

تأمين اللوحات الجديدة110 جنيه . أين تأمين اللوحات القديمة ولماذا لا يرد للمواطنين ؟

الكلمات الدلالية لهذا الموضوع

المفضلات

المفضلات

ضوابط المشاركة