برجاء تسعير ياريس 2007

**sehry** · 23-05-2011 02:16 PM

ارجو مساعدتي في تسعير سيارة ياريس مو 2007 أوتوماتيك هاف أوبشن ( تكييف + باور ) عاملة 55000 كيلو, صاحبها مركبلها سنتر وإنذار
بس اللي أنا عرفته أنها كانت عاملة حادث مما ادى إلى الآتي :
1- تاثر الرفرف الأمامي يمين
2- تاثر الرفرفين الخلفيين
3- تأثر جزئي بالكبوت والشنطة
4- خروج الاتنين أيرباج اللي في التابلوه نتيجة الحادث

فأرجو نصيحة من الاعضاء المحترمين عن مدى جدوى شرائها ؟ وما هو سعرها في هذه الحالة ؟

**dode2002** · 23-05-2011 02:25 PM

وانت ايه الي غاصبك علي عربيه عامله حادث ابعد يا عم خليك في السليم

**hashad14** · 23-05-2011 02:34 PM

اوعى تشترى عربيه عمله حادثه حتصرف عليها ومش حتخلص ممكن يكون شكلها حلو بس الميكانيكا بتعتها مدمره يعنى كل شويه حتلاقى نفسك بتصرف عليها جيب مستعمل بس فبريكه عشلن تبقى مستريح اسال مجرب

**sehry** · 23-05-2011 02:34 PM

المشاركة الأصلية كتبت بواسطة dode2002

وانت ايه الي غاصبك علي عربيه عامله حادث ابعد يا عم خليك في السليم

انا عايز اعرف سعرها لانها معروضة على صديق ليا على اعتبار ان ممكن سعرها يكون مناسب وهو مستعد يصرف عليها بعض المصاريف حتى لو هيغير الرفارف دي ( مع العلم انها مرشوشة )

**hero** · 24-05-2011 05:23 PM

اكشف علي العربية كويس قوي في اي توكيل من تويوتا واطلب منهم تقرير مفصل ومختوم من التوكيل...لو العربية عاجباك التقرير هايعرفك اية ايلي فيها لو لا قدر الله فيها شيء يصعب علاجة...

العربيات ايلي زي كدة بتكون اسعارها مريحة كتير عن الفابريكة....وبصراحة انا باحترم صاحب اي عربية بيكون صريح و آمين مع المشتري...وبيعرفة اية ايلي حصل في العربية...فما يكونش جزاءة ان الناس تبعد عنها ....طبعا دة برضة مش معناة اننا نشتري وخلاص...بس اكشف عليها ولو كويسة وسعرها مغري توكل علي الله..

ربنا يوفقك لما فية الخير...