الحمد لله استلمت الكيا سيراتوووو >> معلش يا كريم منير p:

**Noha.M** · 22-04-2008 08:26 PM

والله ما كنت ناوية اعمل موضوع تانى بس بجد الموضوع الاول بأة زحمة مووووت:D

المهم استلمت السيراتو النهاردة الصبح الحمد لله :)

رحت النهاردة مع خطيبي الساعة 11 واحنا داخلين على توكيل كيا لقيت عربيات كتيييييييييييير سيراتوو من جميع الوان والفئات و حطينها كلهاااا فسألت العربيات دى بتاعة ايه ! طلعت كلها تسليم ! بجد استغربت اوى ! هى الناس لحقت حجزت امتى

المهم طلعولى العربية و كانت عروووووووسة و قعدوا يلمعووو و يورنشووو:D و ادونى دواسات و معطر و نزلولى 200 جنيه :D و بجد معاملة زى الفل:)

اخدت جواب المرور و معاه الضمان و الكلام دة كله و ركبت العربية بجد اول ما قفلت الباب مسمعتش اى حاجة برة !! حتى صوت الكلاكس كنت فاكراه واطى !!! بجد يا جماعة العربية سواقتها متعة متعة متعة عربية ثابتة موووووووووووووووووووووووو وووت مافيش مقارنة بينها و بين السيتي و اللانوس اللى كنت بسوقهم .. بجد ناعمة و ثابتة و هادية و عفشتها جميلة جداااااااااااااا

انا كنت دايما متعودة فى اى زلطة ولا حاجة الاقى نفسي بخبط فى السقف و ارد تانى :D بجد النهاردة عديت على مطبات و حفر كتييييييير من اول طريق ابو رواش دي لحد المعادى فعلااا سايقة مرتااااااااااحة جدااااااااااااااااااااااا اا و مش حاسة بمجهود فى السواقة خااااااااااااااالص الحمد لله

هناك قالولى فى المعرض ان الموتور متلين فى المصنع و عادى شغلى التكييف و مفيش مشاكل ! بس انا مفهمتش الصراحة بس عشان الجو حر شغلته شوية و فعلا كاااااااان تلااااااااااااااااجة مع انى مكنتش معلياه اصلاااااااااااااا

فى حاجة باة اسمها شهادة البيانات هو قالى انها بتطلع عندهم لمرور بين السرايات فممكن على يوم الخميس او التلات الجاى عشان تطلع على مرور المعادى فقالى يا اما اجى اخدها يا هيبعتهالى بفيديكس

بس دة كدة لحد دلوقتى لسه مقرتش المانيوال و لا طلعته معايا عشان طلعت على الشغل تانى و بجد اتهديت:(

ان شاء الله هقولكو تفاصيل اكتر على العربية بالارقام و اصورها ان شاء الله

...

بجد يا جماعة خلاص انتو باركتوو و هنتووني و انا عاملة الموضوع دة للافادة و عشان يبقي لامم كل حاجة عن العربية من الاول للاخر و معلش يا كرييم يا منييير استحملتا شوييييية :D:D

و ربنا يكرمكو جميعا بالاحسن و يديكو خير عربياتكو و يبعد عنكو شرها

الف الف شكر :)

**OlaOsman** · 22-04-2008 08:36 PM

مبرووووووووووووك يا أونا الف مبروك على السيراتو و يا رب يبارك لك فيها و يجعل فيها الخير ليكي يا رب :)

يا رب بأه الموضوع ده ما يوصلش ل 13 صفحة زي اللي قبله

أقول لك، ردي ردود إجمالية، إلا للي عايز يستفسر عن حاجة في العربية.. اسمعي كلامي يا بنتي و إلا هاتتهري مشاركات من هنا لأسوان :D

مبروك تاني يا قمر :)

**3mr Farrag** · 22-04-2008 08:44 PM

ألـــــــــــــــف مبروووووووووووووك يا نها
و يارب يديك خيرها و يكفيكي شرها...
و ياريت تبقي تطلعي حاجه لله

**YoussefMostafa** · 22-04-2008 08:51 PM

[quote][بجد يا جماعة خلاص انتو باركتوو و هنتووني و انا عاملة الموضوع دة للافادة/quote]
اية يعني عايزانا منبركش تاني ولا ايه؟؟؟؟؟ هههههه
علي العموم الف مبروك وربنا يباركلك فيها

**aliabutaleb** · 22-04-2008 08:54 PM

ألف ألف مبروك يا أونا
بس مش غريبة الفرق ده بين السيراتو والسيتي؟
دانا كنت سامع في السيتي أشعار
واضح إن السيراتو ماشاء الله لا قوة الا بالله حاجة تانية
ربنا يبارك لك فيها يارب ويكفيكي شر الطريق
لما تردي ادعيلي ربنا يعجل لي باستلام السيريون :)

**Noha.M** · 22-04-2008 08:56 PM

الله يبارك فيكو جميعا بجد و ربنا يكرمكو باللى احسن ان شاء الله

لا يا يوسف والله مش كدة :) بس عشان خلاص الناس بركتلى فى الموضوع الاول :)

ميرسي ربنا يخليك و ميرسي لذوقك

**kimo-nubira** · 22-04-2008 08:58 PM

مبرووووووووووووووووووك يا نهى الاستلام وماتنسيش تعمليينا موضوع عن كل مشوار تعمليه بالعربيه الجديده :p:p

**Noha.M** · 22-04-2008 09:03 PM

المشاركة الأصلية كتبت بواسطة alijandroo

ألف ألف مبروك يا أونا
بس مش غريبة الفرق ده بين السيراتو والسيتي؟
دانا كنت سامع في السيتي أشعار
واضح إن السيراتو ماشاء الله لا قوة الا بالله حاجة تانية
ربنا يبارك لك فيها يارب ويكفيكي شر الطريق
لما تردي ادعيلي ربنا يعجل لي باستلام السيريون :)

لا والله السيتي حلوة جدااااااااا و انا بحبها مووووووووووت و كنت مرتاحة معاها و اخويل مرتاح جداااااا برضه

بس اول مرة احس انى سايقة و راسية جدا مش بخبط فى السقف P:

ربنا يكرمك يا رب و يعجلك بالاستلام على خيييييييير يااا رب