الموضوع: بداية تصليح العربية

المشاركة الأصلية كتبت بواسطة ahmed_lol2007

يا جدعان أرجو الرد قبل الصبح عشان نازل اشترى الحاجات دى
بعض أجزاء العفشة
2 تيش
2 بيضة مقص عشان مهريين
2 بارة دركسيون خارجى
2 بارة دركسيون داخلى
2 مساعدين أمامى عشان ضاربين زيت ولو إنى حاسس إنهم كويسين
المهم مطلوب معرفة أفضل أنواع من كل جزء ولو فى أسعار أوك لو مفيش عادى
بالنسبة للمساعدين اللى راكبين هما (gm ساكس) بقالهم سنتين ف العربية وإستحملو كتير أوى
ف إيه أحسن نوع مساعدين ساكس - مونورو - أنواع أخرى بس أهم حاجة مايبقاش نص العربية أنشف من النص التانى
يا جماعة ياريت ماتكبروليش عشان بجد أنا عايز أنهى العربية عشان أنا بمتحن ومش فاضى كل شوية انزل أشترى حاجة

بص ياباشا ,,انا معايا الفاتورة تقريبا فىها كل الحاجات دى عشان غيرتها -بس للاسف مش عارف اقراها الخط بتاع الراجل زبالةةةة


بالنسبة للمساعدين عايز اقولك معلومة ,,لو انت شايف ان العربية من قدام شكلها روش و جامد ,, يعنى زى البى امات كدة الكوتشة قافلة على الرفرف ,,كدة المساعدين بخخخخ

لما روحت اكشف على العفشة لقيت الراجل بيقلو دول ماتو من زماااان ,,لما غيرتهم لقيت العربية اترفعت عن الاول بتاع 8 -10سنتى باينة اوى ليا ,,بس فعلالالا فرقو جامد فى الجرى و المطبات ,,تحس العربية بقت رشيقة ,,,

انا جبت نوع المانى والله مش فاكر اسمو هو ب 580 الى 600 ضمان 6 شهور او سنة ( كدة كدة الراجل حييبى حتى لو عدى 3 سنين و باظو هيرجعو )
,,

بيض مقص امامى اصلى ب 150 جنية -2 قطعة

بارة خارجى ب 140 جنية


دة اللى غيرتو ,, و كان فى حاجة كدة فى علبة الدركسيون بتتغير غاالبا جلدتين على شكل حرف c هما مش غالين الراجل جابهمن من عندو و ركبهملى


بس فعلالالالالالالالالا ,,العربية بقت حاجة تانية بعد العفشة متظبطت ,,ربنا يوفئك

ربنا يخليك يا عمرو باشا
وياريت عنوان المحل اللى انت اشتريت منه بعد إذنك

يا جماعة تم بحمد الله عمل الفيتيس
عملت له عمرة بعد أما إتاكدت إن حالة الفيتيس أساسا كويسة
العربية إتجربت على الكوريك
وكان الاتى من غير النظام الرياضى و الrpm معداش 2500 لفة
الاول 40 التانى 80 التالت 120 الرابع 180 والخامس 210 وكان الrpm ساعتها كان 1900 لفة
المهم العربية إتقفلت وطلعنا جربنا العربية الاول 30 على 1900 لفة التانى 60 بردة على 1900 لفة
التالت 100 على 1900 لفة ومزودناش عن كدة حاسس إن العربية فاقت أوى أوى أوى
وتم بحمد الله الانتهاء من صيانة الفيتيس الاوتومايتك
واليكم التكاليف
1450 طقم إصلاح فيتيس أوتوماتيك لعربية 98
200 مصفة
450 طوق نبد (نفسى أعرف بتاع ايه)
500 مصنعيه كاملة (إصلاح - فك - تركيب)
320 خرطومين تبريد الفيتيس صناعة تركى
50 عدد 2 جوان شكمان و2 كاوتشة شكمان أصلى


2970 التكلفة الإجمالية
تم كبس دورة تبريد المحرك والحمد لله طلعت زى الفل مفيش أى تسريب
معرفتش أجيب أى حاجة من العفشة عشان الفلوس النهاردة خلصت
الكلام دة كله حصل عند عبدالله أوبل اللى ف المريوطية نظرا لقربه من المنزل
كل شوية كنت بانوطله عشان ينهى العربية خدت معاه بالظبط يوم كامل و8 ساعات تقريبا

إدعولى بقى إن ربنا يقوينى عشان عايز أشدها بس بمتحن فبحاول أخطف حاجة حاجة

نسيت يا جدعان حساب زيت الفيتيس
28 جنيه جركن زيت شل الاسود
إشتريت 10 والعربية أخدت 8 بس
يعنى جبت زيت ب280 جنيه بالاضافة 30 اكراميات عند الميكانيكى
إذا اجمالى الحساب 3280 + 20 جنيه حبشتكانات يعنى 3300 كله

وفى معلومة عايز أقولها يا جماعة أنا كنت عارفها بس كنت شاكك فيها
العربية ال2000 سى سى الموتور الواحد كامة الفيتيس الاوتوماتيك بتاعها 5 غيار
مش 4 زى ما ناس كتير أوى فاكرة أنا عديت الغيارات وفعلا إتاكدت 100% إنه 5 غيار

انا جالى صدمة من الاسعار اللى انت بتقولها دى ,,اية يا عم دة ,,,انت غيرت ماتور ولا اية


انا عايز اسأل سؤال ,,, انا متأكد و انا فى الحرفيين سألت على الفتيس المانيوال بتاع ال 98 عند 2 ,,واحد قالى 500 و التانى 700 جنية ؟؟؟


و فى واحد قالى لو بالماتور هتأخدة على 500جنية ,, لو لواحدة ب 700 ,,لية بقى الاسعار الفلكية دى ,,للدرجة دى الفتيس الاوتو اغلى من المانيوال ؟؟؟


امال المواتير بكام لو كدة ؟؟؟

بالنسبة للراجل بتاعى اللى بشترة منو قطع الغيار رقمة : 0112218892 اسمو عادل ,,المحل اسمو المركز الدولى ,,هتلاقية فى شارع المرسيدس ,

لما تروحلو قولو انك من طرف عمرو بتاع الفكترا الحمرا , لو مدكش اقل سعر فى السوق كلمنى من عندو و انا هشطفهولك ,,هو معاة رقمى ,,,

ربنا معاك من الاسعار اللى بسمعها منكو بحسس على العربية والله

هههههههههههههه
ربنا يخليك يا عمرو باشا تسلم على المساعدة دى يا غالى
أنا عارف عادل بس معرفة سطحية جدا جدا
وبالنسبة لسعر الفيتيس الاوتوماتيك بتاع ال98 أقل سعر كنت سمعته 1900 من غير ضمان
وبضمان بداية من 2100 (خلال شهر 4) بس ضمانه اسبوع دلوقتى أقل سعر سمعته 2300 (من 10 ايام)
بيقولو عشان اليورو غالى ومفيش إستيراد فكل حاجة غليت وربنا يقوينى عشان عايز أخلصها ف اقرب وقت