جراند بونتو ولا ابيزا ولا ميجان -- موديل 2007

**caspoo** · 23-05-2011 11:16 PM

طبعا اول ما بنقرر نشترى عربية مستعملة الحيرة والتفكير بيقتلنا وخصوصا لو ملناش خبرة فى الأنواع اللى بندور فيها.. الفكرة انى بقالى 3 شهور بعمل فلترة لأنواع العربيات اللى انا محتاجها.. وقررت انى مش هجيب ولا كورى ولا صينى ولا يابانى (لأسباب شخصية) .. وبعد فترة من البحث وصلت ل 3 عربيات فى متوسط السعر اللى بدور فيه و هم على الترتيب

1- فيات جراند بونتو 2007
2-سيات ابيزا 2007
3-رينو ميجان (هاتشباك) 2007

طبعا وواضح قوى انى عايز هاتش باك .. وطبعا عارف ان ال 3 عربيات دول اسعار قطع غيارهم اعلى من الكورى وبعض اليابانى .. بس انا خلاص حصرت اختياراتى فى دول (شايفهم ركوبة نضيفة زى ما بيقولوا) ...

دلوقتى انا عايز اراء الناس فى ترشيح احسن واحدة فى التلاتة دول من حيث اسعار قطع الغيار بالمقارنة ببعضهم و سعر اعادة البيع والكفاءة والتوكيل بتاعهم .. علشان اثبت على واحدة فيهم واقرر ادور (وبغض النظر عن ان الميجان 1600cc الموضوع مش فارق معايا قوى.. يعنى مش هتبقى ولا نقطة قوى للميجان عندى ولا نقطة ضعف للباقى.. فياريت اراء الناس وياريت الاقتراحات والتوجيهات ..

شكرا

**samoreception** · 24-05-2011 12:05 AM

جراند بونتو او ابيزا

**caspoo** · 24-05-2011 12:11 AM

شكرا يا باشا على مرورك وشكرا لرأيك جدا

**gym1974** · 24-05-2011 12:56 PM

الميجان بلا منافس بس لو هتقدر على مصاريفها العربية ده مش بتاعت ميكانيكيا على التوكيل دوغرى بس ركوبة على اعلى مستوى فخامة بلا منافس ثبات مع السرعات العالية لحد 180 ولا نص كلمة وبالتوفيق ان شاء الله

**caspoo** · 24-05-2011 05:06 PM

المشاركة الأصلية كتبت بواسطة gym1974

الميجان بلا منافس بس لو هتقدر على مصاريفها العربية ده مش بتاعت ميكانيكيا على التوكيل دوغرى بس ركوبة على اعلى مستوى فخامة بلا منافس ثبات مع السرعات العالية لحد 180 ولا نص كلمة وبالتوفيق ان شاء الله

كلام جميل قوى يا جيم.. بس ياترى التوكيل بيدبح قوى؟ يعنى انا برده مش عايز البس فى قطع غيار واصرف عليها كتير.. يعنى انا متأكد انها كويسة جدا.. بس ناس كتير قوى فاهمه بتقولى ان قطع غيار الميجان مولعة وممكن توصل لأنى اركنها مثلا علشان مش معايا فلوس تصليحها!! محتار جدا