الموضوع: دردشة صقور نيسان .. ادخل عرفنا بيك ودردش معانا .. ومتكتفيش بمشاهدتنا وخاليك جرئ

تم افتتاح كافيه نيسان الاخوى
لصقور نيسان وضيوفه
يوم 24/5/2011

فكرة عمل الموضوع جتلى للاسباب نابعة من الروح الجميلة اللى وصلنا ليها فى قسم نيسان

والفكرة ببساطة عبارة عن ..

موضوع فى قسمنا يكون ملتقى جميل نلتقى فيه كل يوم وفى اى وقت .. بغرض توطيد علاقاتنا ببعضنا البعض بعيدا عن جو مشاكل السيارات اللى غرقنا بموضوعاتها وبقينا محتاجين نروح عن نفسنا شوية

وبالذات انه فى اعضاء روحهم جميلة , وبيتظلموا معانا بقلة مشاركتهم لعدم وجود خبرة او معلومات يفيدونا بيها , لكن وجودهم بينا وسؤالهم عنا دايما دفعنى انى افتتح الكافيه

ليصبح مكانا يزيد تعارفنا فيهم وفينا .. ويؤكد على أواصر الصداقة بيننا

ويتيح المجال لصقور جديدة تنضم الينا وتعرفنا بنفسها

وايضا لاستقبال ضيوف واصحابنا فى الاقسام الاخرى

وبكدا نقدر نحقق الهدف من القسم باننا مش مجرد حروف بتتكتب على كيبورد وخلاص

لا ..احنا قدرنا نكسب اكتر من كدا بكتير .. كسبنا اصدقاء كانوا لينا اكثر من اخوة
وصعب جدا نخسرهم لانهم فى زمن مايتعوضوش

ويبقى كدا خلقنا جو جميل بينا يساعدنا انه يزود الدافع فينا بالبحث عن كل ما هو مفيد للاعضاء فتزيد روح المشاركة في القسم لانه بقينا نعرف بعضنا ونحب نساعد بعض مش لمصلحة بل لانه بقينا اخوة واسرة واحدة

فهمتوا الفكرة ولا نعيد تانى

صداقة - اخوة - تعارف - محبة فى الله

يبقا اتفضل شرفنا فى الكافيه

ملحوظة

لا يتم فتح اى موضوع عن السيارات ومشاكلها داخل الكافيه
عايزين تتكلموا فيها يبقا فى ساحة السيارات
خلف الكافيه "قسم نيسان"

وايضا ياريت نبعد عن جو السياسة , ولو عايزين تتكلموا فيها يبقا
يبقا فى "ميدان التحرير"

مستنيكم والكافيه مفتوح 24 ساعة

تحياتى

السلام عليكم ورحمة الله وبركاته

احمد باشا حبيبى يا ملك الافكار الجميلة موضوع جميل وجديد وبالمرة ممكن تنافس بيه الاجتماعى