تحية الي الجميل mido‎_cs7

**wassim_nasser** · 24-05-2011 03:45 AM

الموضوع ياجماعه هو تحية وشكر واجب للعضو المحترم الجميل mido‎_cs7 .. طب عمل ايه الاخ ميدو؟ انا هاقولكم :
من يومين وقعت طاسه الفرده اليمين وكنت سألت علي سعرها ف التوكيل لقيت الواحده ب 90جنيه ! المهم دخلت كتبت الكلام ده ف موضوع بعنوان (طاسات اللوجان) .. وفجأة لقيت مسج من الاخ ميدو بيقولي ولا يهمك ياعم انا جبت جنوط للعربية والطاسات مش لازمانى تعالا خد واحده .. تخيلوا .. فجأة كده بدون سابق انذار ولا سابق معرفة واحد بيقولك تنورنا ياعم وحاجتك عندنا وببلاش كمان ! كل اللي قدرت اعمله دعتله ربنا يجازيه كل خير وشكرته ودي زي مانتو شايفين اخلاق وحوش اللوجان .. وبالمناسبه انا مش أول واحد ميدو يعمل معاه حركة الجدعنة دي .. افتكر فيه عضو تانى أخد منه طاسة برضه
ملحوظة : يابو ميدو اسمي وسيم مش وسام

**tamer61** · 24-05-2011 11:47 AM

الله ينور عليكم يا رجاله وهي دي أخلاق وحوش اللوجان. وربنا يديم المعروف.

**a7madahly** · 24-05-2011 12:09 PM

ربنا يديم المعروف بينا.ونبقا على يد رجل واحد امام التوكيل لمناقشة موضوع غلو قطع الغيار

**mido_cs7** · 24-05-2011 11:58 PM

الله يكرمكم يا جماعة احنا اكيد كلنا أخوات و شكرا جدا يا أخ وسام ده واجب علينا احنا تحت أمر رجالة اللوجان و مفيهاش مشكله لو نكمل بعض و ربنا يبارك للجميع في عربياتهم و يكفيكم شرها ياااااااااارب
أخوكم أحمد المصري
Mido_CS7

**mido_cs7** · 25-05-2011 12:02 AM

معلش يا وسيم مش عارف ايه الحكاية معلق معايا أسم وسام هههههههههههه يالا حصل خير الأتنين أحلى من بعض و سعيد بمعرفتك جدا و الله و بالتوفيق لكل أعضاء منتدى اللوجان