عاوز دكتور سنان محسش عنده بأى ألم ( انا عندى عقده من السنان )

السلام عليكم يا جماعه

انا من زمان جدا وانا بكره دكاتره السنان ( طبعا مش كره شخصى ليهم ) .. عمرى ما حبيت اروح ل دكتور سنان ودايما بخاف

انا من صغرى والله العظيم فاكر غايت دلوقتى رحت انا وماما واختى ل دكتور السنان وخليت اختى تخش الاول وبعدها بعد اللى شفته طلعت اجرى وده كنا اطفال ف ابتدائى لسه ومن ساعتها عمرى ما رحت ل دكتور سنان مع انى رحت بعدها كتير مع صحابى وكده وبشوفهم دايما العمليه بتبقى معقده وعمرها ما كانت سهله ابدا لأى حد

ف انا بطلب طلب يمكن صعب شويه

لانى بجد متبهدل ( عندى ضرس العقل عاوز عمليه جراحيه ) وضرس تانى اللى جوه خالص الناحيه المقابله ل ضرس العقل جواااااااه حفره !! وقريب هيخش على العصب

ف عاوز الحق نفسى

حد ينجدى عاوز دكتور اروح عنده يدينى بنج ينيمنى اصحى الاقيه خلص او اى حاجه

ياريت لو يكون فى مدينه نصر - حدائق القبه - مصر الجديده .. او اى حته قريبه مش هنختلف ولو مفيش نروح بعيده برضه

دكتور عاصم العساس
راجل ممتااااااااااااااااز جدا

هقولك حاجة صغيرة
المفروض مراتي عندها ضرس ظاهر منه جزء صغير جداو اللثة مغطية الباقي
من حوالي 20 سنة قالولها لازم جراحة، ولما الضرس سوس و لازم يتشال قالولها جراحة برضه
عاصم شاله بشوية بنج و اللثة زي ما هي

هو مكانه في الدقي عند مكتبة المعايرجي
لو عاوز رقمه قوله و ابعتهولك على الخاص

د/ مجدى الاشرم دكتور عنده زمه الحشو بيقعد معى مده طويله بمقارنه مع اصدقائى

دكتور مجدي
ط¯. ظ…ط¬ط¯ظ‰ ط¹ط¨ط¯ ط§ظ„ظ…ط³ظٹط., ط´ط¨ط±ط§, ط§ظ„ظ‚ط§ظ‡ط±ط©, ظ…طµط± | ط§ط·ط¨ط§ط، | Yellow.com.eg | 9 ط.ط§ط±ط© ط.ظ†ط§ ط.ط¨ظٹط¨
ده اللينك بتاع العنوان
هو في شارع احمد حلمي بشبرا مصر
يعني يادوب تنزل من كوبري اكتوبر
وايده ملهااااااااااااااااااااش حل
انا عندي صاحبي نفس حالتك كده لدرجة ان بقاله 10 سنين مدخلش لدكتور اسنان من خوفه
ولما روحنا فرج علينا العياده كلها D:
بس لما دخل للدكتور وخلعله الدرس كمان محسش بأي حاجه نهاااااااااااااائي ومكنش مصدق انه اتخلع اصلا D: D:

يديك بنج ينيمك!! .
.ده كده بنج كلي و الموضوع مش مستاهل ..مجرد مهتاخد البنج الموضعي 5 دقايق ومش هتحس بحاجه.. انا اعملهالك في ربع ساعه :) بس لسه مفيش عياده :)
روح السنتر بتاع دكتور حمدي الزاهد فوق السراج موول ...معظمهم اساتذه في الجامعه والتعقيم فيه ممتاز ومضمون ...

تصدق وانا كمان عندى نفس المشكلة

حرام جيت علي الوجع

انا ضرسي واجعني له يومين و بتلكك علشان ماروحش :((((((((

بس خلو باكم خلع الضرس وجعو مش وقت الخلع. طبعا وقت الخلع مؤلم وكل حاجة بس القرف الحقيقي هي أول يومين بعد الخلع. بالذلت بالذات أول ليلة. درسك بينزف باستمرار وكل شوية تقوم تتف الدم وتتمضمض وترجع تنام 5 دقائق وترجع تعيد نفس القصة

اقتباس:

---

المشاركة الأصلية كتبت بواسطة mhdside

بس خلو باكم خلع الضرس وجعو مش وقت الخلع. طبعا وقت الخلع مؤلم وكل حاجة بس القرف الحقيقي هي أول يومين بعد الخلع. بالذلت بالذات أول ليلة. درسك بينزف باستمرار وكل شوية تقوم تتف الدم وتتمضمض وترجع تنام 5 دقائق وترجع تعيد نفس القصة

---

لو التخدير كويس مش هتحس بحاجه وبعد الخلع لو مشيت علي تعليمات الدكتور مش هتحس بحاجه برده

بصوا يا جماعة انا ليا تجربة مع الاسنان قعدت فيها سنتين و دى الخلاصة
1-اولا اذا هتشيل ضرس يستحسن تشيله بالنهار (على قدر الامكان) علشان لو شلته بالليل طول الليل هينزف و مش هتعرف تنام ابدا و هتبقى ليلة مطينة
2-ماتكسلش ابدا لو سنة او ضرس فيهم مشكلة لانك كل ما بتاجل الموضوع بيتفاقم و الخسارة بتكون افدح و ممكن تروح تلاقى حاجة جديدة بايظة انت مش حاسس بيها فتلحقها
3-اهم حاجة فى دكتور الاسنان و ده اهم من دكتور مابيوجعش زى حضرتك ما بتقول النظافة ثم النظافة ثم النظافة لانى و بدون مبالغة اعرف ناس كتير جدا جالهم الفيروس الكبدى سى اللى غالبا بيدمر الكبد و السبب الاول و الاهم فى الاصابة بيه هو دكتور الاسنان لو ماكنش نظيف و بيعقم العدة كويس و اعرف ناس كتير جالهم المرض ده بسبب دكتور الاسنان و منهم عمتى و ماتت بسبه و خالتى و غيرهم الكتير فالافضل انك علشان تفهم ان دكتور الاسنان عنده ضمير و بيعقم ادواته كويس المفروض ان الواحد لما يروح العيادة بتاعته مايلاقيش ناس كتير قاعدة مستنية بره لانه المفروض الدكتور بعد ما بيخلص مع عيان العدة اللى اشتغل معاه بيها بيحطها فى تلاجات تعقيم و علشان التعقيم يبقى صح لازم وقت التعقيم لا يقل عن ساعتين للعدة الواحدة و بالتالى هو بيكون جايب كام عدة على قد مثلا تلتين الناس اللى بتزوره يوميا و بالتالى لما تروح لدكتور اسنان الصح تروح تلاقى واحد او اتنين مستنيين بالكتير مش عشرة لانه المفروض بيدى مواعيد تبعا لانتهاء عملية التعقيم لكل عدة
4-و للعناية بالاسنان السليمة لازم الواحد يعمل الاتى يغسل اسنانه مرة كل يوم على الاقل و لازم لازم بعد ماتاكل او تشرب اى شئ ماعدا الماء طبعا لازم تمضمض بقك كويس بعد كل اكلة او شرب و ماتخليش بقايا اكل جوه بقك بالسعات لان البقايا دى هى القنبلة الموقوتة اللى بتقعد تربيها جوه بقك و بتتخمر و تبتدى الميكروبات و البكتريا تشتغل الله ينور

و اخيرا بالنسبة لنطاق سكنك ارشحلك احسن حاجة و هى مستشفى كيلوباترا فى صلاح الدين و ناس نظاف جدا و اجهزة على اعلى مستوى و دكاترة كلهم شاطرين و متنقيين صراحة و عن نفسى اللى عالجنى دكتور وائل و ده كان مواعيده من تلاتة الظهر الى ستة و ده بيتهيالى مناسب لحالتك لو هتخلع و مواعيده الاحد و الخميس و الجمعة

السلام عليكم

اولا انا اسف جدا لتأخرى ف الرد بسبب الشغل بتاعى

ما شاء الله انا دلوقتى هروح لاى حد من دول وانا مطمن وكمان قابلت واحد صحبى النهارده قالى على ده

ط¯. ط§ظ„ظ‡ط§ظ… ط§ط³ظƒظ†ط¯ط± ط¨ظˆظ„ط³, ظ…طµط± ط§ظ„ط¬ط¯ظٹط¯ط©, ط§ظ„ظ‚ط§ظ‡ط±ط©, ظ…طµط± | ط·ط¨ ط§ط³ظ†ط§ظ† ط¹ظٹط§ط¯ط§طھ | Yellow.com.eg | 87 ط´ ظ…ط.ظ…ط¯ ظپط±ظٹط¯

عمل عنده عمليه بيقولى محسش بحاجه

وكمان حاجه انا دلوقتى حضراتكم قولتولى على كذا واحد وانا مش عارف اختار انهى فعلا

مفيش واحد الناس تجمع عليه انى مش هحس عنده بألم وشغل نظيف

وكمان شكرا جدا على النصايح وانا فعلا ناوى اعمله بالنهار وربنا يكرم

مستحيل دكتور سنان من غير الم

:stink[1]::stink[1]:

انا عارف فعلا ان لازم يكون فيه ألم ... بس درجه الألم تتفاوت من دكتور للتانى حسب شطاره الدكتور

عشان كده بدور على حد معروف من ناس كتير ويكون نظيف وكويس وربنا يستر لانى عاوز اروح النهارده

السلام عليكم

تم خلع الضرس الأول ..

الحمد لله تم خلعه بسلام مع ان الدكتور كنت حاسس انه بيدق ويخلع ف خشب ف حديد مش بوق بنى ادم وانا حاسس بأنهيار عصبى وخايف جدا من اول حقنه اخدتها لانى عمرى ف حياتى ما جالى الاحساس ده وعمرى ما خلعت ولا حشيت ضرس قبل كده

عموما الحمد لله تم خلع الدرس اللى جوه خالص ... لسه بقى 3 ضروس تانين تم اكتشافهم ف الكشف

اول واحد انا كنت عارفه ضرس العقل عاوز يتشال ب عمليه جراحيه وبجد مش عارف دى هتحصل ازاى !!

التالت والرابع محتاجين يتحشوا وهما من الضروس اللى فوق

بالمناسبه يا جماعه هيه الاسعار المفروض ايه ؟؟

لانى الكشف كان ب 50 والخلع ب 150 بس كان تمام جدا بصراحه ... يعنى كله 200 ف اول ضرس :d


انا دلوقتى تحت تأثير البنج وربنا يستر اما يروح ..

السعر معقول جدا على فكرة كدة فية اسعار اقل بس لو عيادة كويسة حا يبقى هو دة متوسط السعر.
كنت حا اقولك على دكتور اسمة عزت يوسف فى ميدان هميدان هليوبلس . أنا خلعت مرة عندة ضرس . أنا عموما مدخن و بجد و الله مش هزار البنج مش بيأثر معايا بسهولة ابدا لما روحت اخلع الضرص أخدت حقنة بنج كانت الساعة 9.15 صباحا فضل مفعول البنج معايا لغاية الساعة 3.30 ظهرا تقريبا مش حاسس غير بتنميل فى الفم هههههههههههه جايب بنج عجيب مش عارف منين البنج دة بجد . فى مستشفى سان بيتر الدولى الدكتور أدانى تقريبا أمبولتين بنج و كنت برضو حاسس بالم البنج تقريبا كان مضروب و صينى ههههههه

انا والدتي كانت عندة نفس مشكلتك و في دكتور اسمة وجدي عبد المسيح عندوة عيادتين واحدة في شبرا في شارع خلوصي و واحدة في الزمالك شارع البرازيل عنوانة بالتفصيل الزمالك أطباء أسنان وعيادات وجدى عبد المسيح رابيل 13 ش البرازيل 027350560 و دة الرقم و اسعاروة رخيصة جدا بيستخدم بنج مستورد خلع ل والدتي الضرس ب 100

اقتباس:

---

المشاركة الأصلية كتبت بواسطة heshamzaky

السعر معقول جدا على فكرة كدة فية اسعار اقل بس لو عيادة كويسة حا يبقى هو دة متوسط السعر.
كنت حا اقولك على دكتور اسمة عزت يوسف فى ميدان هميدان هليوبلس . أنا خلعت مرة عندة ضرس . أنا عموما مدخن و بجد و الله مش هزار البنج مش بيأثر معايا بسهولة ابدا لما روحت اخلع الضرص أخدت حقنة بنج كانت الساعة 9.15 صباحا فضل مفعول البنج معايا لغاية الساعة 3.30 ظهرا تقريبا مش حاسس غير بتنميل فى الفم هههههههههههه جايب بنج عجيب مش عارف منين البنج دة بجد . فى مستشفى سان بيتر الدولى الدكتور أدانى تقريبا أمبولتين بنج و كنت برضو حاسس بالم البنج تقريبا كان مضروب و صينى ههههههه

---

طيب حمد لله ان السعر متوسط لأنى فعلا اول مره اخلع وانا كنت فاكر أصلا انى رايح أحشى الدكتور قالى الضرس متدمر وخلعه يكون أحسن من حشوه !! وانا فعلا زى حضرتك للاسف البنج والحاجات المخدره عموما مش بتأثر معايه جامد .. وبرضه الحاجات المنبه مش بتأثر معايه جامد ... بالنسبه للبنج انا بدأت الساعه 10 بليل وأدينا أهو 4:15 الصبح وحمد لله مش حاسس بوجع ولا ألم خالص وانا برضه فعلا خدت حقنتين فيهم أمبولتين بنج ...

اقتباس:

---

المشاركة الأصلية كتبت بواسطة evram

انا والدتي كانت عندة نفس مشكلتك و في دكتور اسمة وجدي عبد المسيح عندوة عيادتين واحدة في شبرا في شارع خلوصي و واحدة في الزمالك شارع البرازيل عنوانة بالتفصيل الزمالك أطباء أسنان وعيادات وجدى عبد المسيح رابيل 13 ش البرازيل 027350560 و دة الرقم و اسعاروة رخيصة جدا بيستخدم بنج مستورد خلع ل والدتي الضرس ب 100

---

انا اللى رحتله اسمه دكتور مدحت فايق شكرى ومكانه بالظبط فى ميدان الحجاز فوق موقف الاوتوبيسات اللى هناك وبصراحه انا دى أول مره فى حياتى كلها أروح ل دكتور سنان زى ما وضحت ف أول الموضوع ... ف عشان كده مش هقدر هقول ده أحسن من ده ولا كده بس كل اللى هقوله انى خلعت ضرس عادى كان مسوس جدا والحمد لله الكلام ده بدأ الساعه 10 بليل وغايت دلوقتى تأثير البنج شغال ومش حاسس بألم


الحمد لله على كل حال وبجد بجد بجد .. انا دلوقتى بس عرفت قيمه نصيحه أهلى ليا أنى أغسل سنانى كل يوم واتمضمض كويس .. بجد والله الواحد مش بيعرف قيمه نصائح الأهل غير متأخر ... فاضلى كده 3 ضروس .. 2 فيهم حشو والاتنين فوق واحد يمين والتانى شمال

والمصيبه الكبرى ضرس العقل محتاج عمليه جراحيه .. ده اللى بجد مش عارف هعمله ازاى والدكتور أصلا قالى قبل ما تعمله تكون واخد اجازه من الشغل يعنى الموضوع كبير وهيفتح ف اللثه وحاجات معقده :stink[1]::stink[1]::stink[1]:

اقتباس:

---

المشاركة الأصلية كتبت بواسطة mxz911

طيب حمد لله ان السعر متوسط لأنى فعلا اول مره اخلع وانا كنت فاكر أصلا انى رايح أحشى الدكتور قالى الضرس متدمر وخلعه يكون أحسن من حشوه !! وانا فعلا زى حضرتك للاسف البنج والحاجات المخدره عموما مش بتأثر معايه جامد .. وبرضه الحاجات المنبه مش بتأثر معايه جامد ... بالنسبه للبنج انا بدأت الساعه 10 بليل وأدينا أهو 4:15 الصبح وحمد لله مش حاسس بوجع ولا ألم خالص وانا برضه فعلا خدت حقنتين فيهم أمبولتين بنج ...





:stink[1]::stink[1]::stink[1]:

---

حمد الله على السلامة بص هات من الصيدلية حاجة أسمها ((( تانتم أخضر أو أورالدين ))) دة سائل مضمضة حا يرحك جدا و ريحتة حلوة فى الفم و الوصفة الاقوى تمضمض بمية و ملح بس مش حا تعجبك هات التانتم الاخضر و مضمض بية حا يعجبك جدا و دة سعرة رخيص جدا جدا جدا يتاع 3 جنية حاجة كدة
بالنسبة للحشو السعر تقريبا المتوسط لو حشو عادى ممكن 150 و حشو العصب اغلى شوية تقريبا ب 250 جنية يالتقريب دة متوسط الاسعار

تمام جدا يا فندم .. هو انا كنت بجيب مضمضه كده ب 9 جنيه او 10 جنيه اسمها Orovex من انتاج شركه Macro .. المضمضه دى الصيدلانى قالى عليها من أحسن الانواع ف كنت بجيبها ..

والف شكر على تعريفى بسعر الحشو .. انا فعلا أول مره أخش مجال أنى اعمل حاجه ف سنانى ده وعمرى ما أهتميت لكن واضح ان الموضوع خسايره فادحه لو الواحد مهمتش من الأول ...

شكرا لحضرتك :)

بالمناسبه .. الحمد لله البنج لسه عامل شغل معاى ولسه مفيش ألم .. انا خايف أخش انام الألم يجى و يكون عاملى مفأجاه :D

ربنا معاك

السلام عليكم

انا اخدت تانى وتالت خطوه ( من فتره ) قليله .. كان فاضى 3 ضروس زى ما قلت لحضراتكم 2 فوق حشو والتالت ضرس العقل اللى هوه المصيبه

بدأت ب واحد من الضرسين اللى فوق واتعمله حشو مؤقت والجلسه اللى بعدها رحت عملتله حشو دائم ( بصراحه كان فى وجع بس مش أوى ) وتم على خير الحمد لله وده ب 80 جنيه فى مستشفى التوفيقيه فى عباس العقاد .. دكتور سامح

وبعدها قعدت بتاع اسبوعين واذ فجأه قررت انى اعمل ضرس العقل :| .. وفعلا رحت مكلم الدكتور بليل وقلتله يا دكتور انا هاجى اعمل العمليه بكره عندك .. وقالى تمام وحجزلى وقت وهوه ساعتين من 12 ظهرا ل 2 ..

ورحت بقى ( رحت شبه نايم على نفسى قلت يمكن أنسى الالم ) وطبعا من قبل ما اعمل العمليه وانا كنت حاسس انى هعيط واللى زاد الموضوع كميه الادوات الرهيبه اللى جابوها قدامى كل شويه يجيبوا حاجه وحسيت انهم جايبين كل الادوات اللى هناك ( بالمناسبه كانت كل الادوات جديده لانج فى اكياسها ) بس وراح عملى صورتين اشعه على الضرس وبعدها بدأت العمليه واخدت حقنتين وشويه الدكتور قالى اما تخس بمفعول البنج قولى وقلتله اما حسيت ومن خوفى بصراحه اما بدأ يشتغل قلتله لا لسه حاسس بألم وخليته يزود البنج كمان :grinder:
بس بعدها بقى جابوا المشرط وانا كل شويه اغمض عينى وافتح تانى وكنت حاسس انى فى حلم والله لانى مكنتش نايم كويس ف كنت كل شويه اغمض عين واحاول اتناسى الألم فى الاول مكنتش حاسس ب حاجه بس بعد كده حسيت بوجع شويه ب شويه والالم بدأ يزيد وانا بعمل العمليه لان المده كانت طويله اوى حوالي ساعتين وشويه وبس فضل فيه ألم غايت ما الضرس اتخلع بحمد لله وجه وقت الخياطه
فعلا بقى وقت الخياطه ده اللى كنت شبه هعيط فيه والله العظيم انا من الالم كنت عمال أطلع فى صوت كده كان واحد ضربنى ب سيف ..انا بجد مشوفتش ألم زى ده .. مش عارف أوصف الالم ازاى فعلا !! وبس خلصت العمليه وكتبلى على ادويه كتير كده ومأكلش لمده يومين والتلج وكمادات على وشى ناحيه الضرس وبعد كده يبقى اكل خفيف غايت ما اخلص ال 4 ايام واكل شويه ب شويه
والحمد لله عانيت لمده اسبوع وبعد كده بدأت أكل عادى

ووبعدها رحت فكيت الخياطه برضه كانت مصيبه فكها من غير بنج وبرضه كانت مؤلمه جدا ..

وبس كل حاجه رجعت تمام الحمد لله وربنا ما يوريكوا وجع الاسنان :eyecancer:

العمليه دى كانت ب 550 جنيه وقبلها رحت فطرت الصبح فى Mac كان جنب المستشفى وقلت للكاشير هناك عاوز اكبر ساندوتش كومبو عندكوا عشان كنت حاسس انى مش هاكل تانى :grinder:

كده فاضلى ضرس واحد حشو فوق

دكاتره السنان في امريكا و كندا بيحطوا علي وشك قناع غاز ثاني اكسيد النيتروز فبتنام خالص لكن هنا مفيش الكلام و لازم حقنه البنج

كان نفسى فى حاجه زى كده والله ..

يارب العلم والتكنولوجيا دى توصلنا !!

أنا كنت عند الدكتور امبارح علشان اعمل حشو ولما بدأ ينظف الضرس رفضت اخليه يحط لي ابرة بنج وحسيت بألم رهيب وأصريت على اني امشي فورا فقام الدكتور حط لي حشوه مؤقته لمدة اسبوع ولما صدقت قمت هربت من العياده الدكتور بيقولي لازم تيجي بعد اسبوع بس ما اعتقدش اني هاروح تاني جاتلي عقده بجد

والله فكرتنى بيا وانا فى المدرسه مع اختى .. كنت انا واختى المفروض نروح لدكتور السنان وفعلا رحنا مع والدتى الكلام ده فى ابتدائى من زمان اوى .. رحنا مع والدتى ومن خوفى خليت اختى تخش الاول وشوفتها والدكتور بيديها حقنه فى سنانها رحت طالع اجرى .. :d

ومن ساعتها معملتش حاجه فى سنانى خالص حتى لحظه اما كتبت الموضوع ده فى المنتدى !!

صدقنى هيه متعبه ومؤلمه شويه بس لازم وربنا يسهلك الموضوع

إنت بتدلع على فكره
أنا شايل 4 دروس العقل في مرة واحده وببنج كلي ومرضتش أقعد في المستشفى ومشيت بعد العمليه بساعتين (طبعا مش انا الي سايق)
ومن شهريين كسرت في عضم الفك (ببنج موضعي) عشان أركب تقويم على الضرسين الي قبل ضرس العقل الي شلته
وكنت بروح للدكتور كل إسبوعين يفتح في اللثه لحد ما السنه إبتدت تبان

شفاكم الله وعافاكم

بس ليه فكرتونى أنا بقالى سنة والله باتعالج من ضروسى ولسه فاضل لى 3 كمان

باشا دى ملهاش علاقه بالدلع .. دى حتى لو مش حاجه مؤلمه مثلا ف هيه بالنسبالى خوف داخلى ونفسى .. كل واحد بيبقى جوه خوف من حاجه معينه حتى لو الحاجه دى مفهاش اى ألم !
يعنى انا ممكن يكون الدكتور حاططلى بنج كتير والم بسيط ولكن الرهبه مثلا اللى جوه الواحد تخليه يحس ان الألم كبير .. وده شئ طبيعى ف اى انسان ومش مرض نفسى ولا حاجه دى حاجه علميه ممكن تدور عليها على النت .

اقتباس:

---

شفاكم الله وعافاكم

بس ليه فكرتونى أنا بقالى سنة والله باتعالج من ضروسى ولسه فاضل لى 3 كمان

---

ربنا يشفى حضرتك وتخلصهم بسرعه .

اقتباس:

---

المشاركة الأصلية كتبت بواسطة mxz911

باشا دى ملهاش علاقه بالدلع .. دى حتى لو مش حاجه مؤلمه مثلا ف هيه بالنسبالى خوف داخلى ونفسى .. كل واحد بيبقى جوه خوف من حاجه معينه حتى لو الحاجه دى مفهاش اى ألم !
يعنى انا ممكن يكون الدكتور حاططلى بنج كتير والم بسيط ولكن الرهبه مثلا اللى جوه الواحد تخليه يحس ان الألم كبير .. وده شئ طبيعى ف اى انسان ومش مرض نفسى ولا حاجه دى حاجه علميه ممكن تدور عليها على النت .

---

عارف والله انا بهزر عشان تحس إن الموضوع سهل (أنا أخر مره لما كسروا في عضم الفك أغمى عليا من كتر الخوف مع إن مكنش فيه ألم يستاهل)

انا كنت aggressive شويه فى الرد بصراحه عشان محستش انك بتهزر ..اعذرنى .حصل خير وحمد الله على سلامتك :)